Read in తెలుగు / ಕನ್ನಡ / தமிழ் / देवनागरी / English (IAST)
ಪೂರ್ವಾಙ್ಗಮ್ ಪಶ್ಯತು ॥
ಶ್ರೀ ಮಹಾಗಣಪತಿ ಲಘು ಷೋಡಶೋಪಚಾರ ಪೂಜಾ ಪಶ್ಯತು ॥
ಲಘುನ್ಯಾಸಮ್ ಪಶ್ಯತು ॥
ಅಸ್ಮಿನ್ ಲಿಙ್ಗೇ ಶ್ರೀಉಮಾಮಹೇಶ್ವರ ಸ್ವಾಮಿನಮಾವಾಹಯಾಮಿ ಸ್ಥಾಪಯಾಮಿ । ತತಃ ಪ್ರಾಣ ಪ್ರತಿಷ್ಠಾಪನಂ ಕರಿಷ್ಯೇ ॥
ಧ್ಯಾನಮ್ –
ಕರ್ಪೂರ ಗೌರಂ ಕರುಣಾವತಾರಂ
ಸಂಸಾರಸಾರಂ ಭುಜಗೇನ್ದ್ರ ಹಾರಮ್ ।
ಸದಾ ರಮನ್ತಂ ಹೃದಯಾರವಿನ್ದೇ
ಭವಂ ಭವಾನೀ ಸಹಿತಂ ನಮಾಮಿ ॥ ೧
ವನ್ದೇ ಮಹೇಶಂ ಸುರಸಿದ್ಧಸೇವಿತಂ
ದೇವಾಙ್ಗನಾ ಗೀತ ಸುನೃತ್ಯ ತುಷ್ಟಮ್ ।
ಪರ್ಯಙ್ಕಗಂ ಶೈಲಸುತಾಸಮೇತಂ
ಕಲ್ಪದ್ರುಮಾರಣ್ಯಗತಂ ಪ್ರಸನ್ನಮ್ ॥ ೨
ಧ್ಯಾಯೇನ್ನಿತ್ಯಂ ಮಹೇಶಂ ರಜತಗಿರಿನಿಭಂ ಚಾರುಚನ್ದ್ರಾವತಂಸಂ
ರತ್ನಕಲ್ಪೋಜ್ಜ್ವಲಾಙ್ಗಂ ಪರಶುವರಮೃಗಾಭೀತಿ ಹಸ್ತಂ ಪ್ರಸನ್ನಮ್ ।
ಪದ್ಮಾಸೀನಂ ಸಮನ್ತಾತ್ ಸ್ತುತಮಮರಗಣೈರ್ವ್ಯಾಘ್ರಕೃತ್ತಿಂ ವಸಾನಂ
ವಿಶ್ವಾದ್ಯಂ ವಿಶ್ವವನ್ದ್ಯಂ ನಿಖಿಲ ಭಯಹರಂ ಪಞ್ಚವಕ್ತ್ರಂ ತ್ರಿನೇತ್ರಮ್ ॥ ೩
ಪ್ರಾಣಪ್ರತಿಷ್ಠಾ –
ಓಂ ಅಸು॑ನೀತೇ॒ ಪುನ॑ರ॒ಸ್ಮಾಸು॒ ಚಕ್ಷು॒:
ಪುನ॑: ಪ್ರಾ॒ಣಮಿ॒ಹ ನೋ᳚ ಧೇಹಿ॒ ಭೋಗ᳚ಮ್ ।
ಜ್ಯೋಕ್ಪ॑ಶ್ಯೇಮ॒ ಸೂರ್ಯ॑ಮು॒ಚ್ಚರ᳚ನ್ತ॒
ಮನು॑ಮತೇ ಮೃ॒ಡಯಾ᳚ ನಃ ಸ್ವ॒ಸ್ತಿ ।
ಅ॒ಮೃತಂ॒ ವೈ ಪ್ರಾ॒ಣಾ ಅ॒ಮೃತ॒ಮಾಪ॑:
ಪ್ರಾ॒ಣಾನೇ॒ವ ಯ॑ಥಾಸ್ಥಾ॒ನಮುಪ॑ಹ್ವಯತೇ ॥
ಸ್ಥಿರೋ ಭವ । ವರದೋ ಭವ । ಸುಮುಖೋ ಭವ ।
ಸುಪ್ರಸನ್ನೋ ಭವ । ಸ್ಥಿರಾಸನಂ ಕುರು ॥
ಸ್ವಾಮಿನ್ ಸರ್ವ ಜಗನ್ನಾಥ ಯಾವತ್ಪೂಜಾಽವಸಾನಕಮ್ ।
ತಾವತ್ತ್ವಂ ಪ್ರೀತಿ ಭಾವೇನ ಲಿಙ್ಗೇಽಸ್ಮಿನ್ ಸನ್ನಿಧಿಂ ಕುರು ॥
ತ್ರ್ಯಮ್ಬಕಮಿತಿ ಸ್ಥಾಪನ ಮುದ್ರಾಂ ದರ್ಶಯಿತ್ವಾ ।
ಓಂ ತ್ರ್ಯ॑ಮ್ಬಕಂ ಯಜಾಮಹೇ ಸುಗ॒ನ್ಧಿಂ ಪು॑ಷ್ಟಿ॒ ವರ್ಧ॑ನಮ್ ।
ಉ॒ರ್ವಾ॒ರು॒ಕಮಿ॑ವ॒ ಬನ್ಧ॑ನಾನ್ಮೃ॒ತ್ಯೋರ್ಮು॑ಕ್ಷೀಯ॒ ಮಾಽಮೃತಾ᳚ತ್ ॥
ಧ್ಯಾನಮ್ –
ಕೈಲಾಸೇ ಕಮನೀಯ ರತ್ನ ಖಚಿತೇ ಕಲ್ಪದ್ರುಮೂಲೇ ಸ್ಥಿತಂ
ಕರ್ಪೂರ ಸ್ಫಟಿಕೇನ್ದು ಸುನ್ದರ ತನುಂ ಕಾತ್ಯಾಯನೀ ಸೇವಿತಮ್ ।
ಗಙ್ಗೋತ್ತುಙ್ಗ ತರಙ್ಗ ರಞ್ಜಿತ ಜಟಾ ಭಾರಂ ಕೃಪಾಸಾಗರಂ
ಕಣ್ಠಾಲಙ್ಕೃತ ಶೇಷಭೂಷಣಮಹಂ ಮೃತ್ಯುಞ್ಜಯಂ ಭಾವಯೇ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಧ್ಯಾಯಾಮಿ ।
ಆವಾಹನಮ್ – (ಓಂ ಸ॒ದ್ಯೋಜಾ॒ತಂ ಪ್ರ॑ಪದ್ಯಾ॒ಮಿ)
ಓಙ್ಕಾರಾಯ ನಮಸ್ತುಭ್ಯಂ ಓಙ್ಕಾರಪ್ರಿಯ ಶಙ್ಕರ ।
ಆವಾಹನಂ ಗೃಹಾಣೇದಂ ಪಾರ್ವತೀಪ್ರಿಯ ವಲ್ಲಭ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಆವಾಹಯಾಮಿ ।
ಆಸನಮ್ – (ಓಂ ಸ॒ದ್ಯೋಜಾ॒ತಾಯ॒ವೈ ನಮೋ॒ ನಮ॑:)
ನಮಸ್ತೇ ಗಿರಿಜಾನಾಥ ಕೈಲಾಸಗಿರಿ ಮನ್ದಿರ ।
ಸಿಂಹಾಸನಂ ಮಯಾ ದತ್ತಂ ಸ್ವೀಕುರುಷ್ವ ಉಮಾಪತೇ ॥
ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ನವರತ್ನ ಖಚಿತ ಹೇಮ ಸಿಂಹಾಸನಂ ಸಮರ್ಪಯಾಮಿ ।
ಪಾದ್ಯಮ್ – (ಓಂ ಭವೇ ಭ॑ವೇ॒ನ)
ಮಹಾದೇವ ಜಗನ್ನಾಥ ಭಕ್ತಾನಾಮಭಯಪ್ರದ ।
ಪಾದ್ಯಂ ಗೃಹಾಣ ದೇವೇಶ ಮಮ ಸೌಖ್ಯಂ ವಿವರ್ಧಯ ॥
ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಪಾದಯೋಃ ಪಾದ್ಯಂ ಸಮರ್ಪಯಾಮಿ ।
ಅರ್ಘ್ಯಮ್ – (ಓಂ ಅತಿ॑ ಭವೇ ಭವಸ್ವ॒ಮಾಂ)
ಶಿವಾಪ್ರಿಯ ನಮಸ್ತೇಸ್ತು ಪಾವನಂ ಜಲಪೂರಿತಮ್ ।
ಅರ್ಘ್ಯಂ ಗೃಹಾಣ ಭಗವನ್ ಗಾಙ್ಗೇಯ ಕಲಶಸ್ಥಿತಮ್ ॥
ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಹಸ್ತಯೋಃ ಅರ್ಘ್ಯಂ ಸಮರ್ಪಯಾಮಿ ।
ಆಚಮನಮ್ – (ಓಂ ಭ॒ವೋದ್ಭ॑ವಾಯ॒ ನಮಃ)
ವಾಮಾದೇವ ಸುರಾಧೀಶ ವನ್ದಿತಾಙ್ಘ್ರಿ ಸರೋರುಹ ।
ಗೃಹಾಣಾಚಮನಂ ದೇವ ಕರುಣಾ ವರುಣಾಲಯ ॥
ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಮುಖೇ ಆಚಮನೀಯಂ ಸಮರ್ಪಯಾಮಿ ।
ಮಧುಪರ್ಕಮ್ –
ಯಮಾನ್ತಕಾಯ ಉಗ್ರಾಯ ಭೀಮಾಯ ಚ ನಮೋ ನಮಃ ।
ಮಧುಪರ್ಕಂ ಪ್ರದಾಸ್ಯಾಮಿ ಗೃಹಾಣ ತ್ವಮುಮಾಪತೇ ॥
ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಮಧುಪರ್ಕಂ ಸಮರ್ಪಯಾಮಿ ।
ಶುದ್ಧೋದಕ ಸ್ನಾನಮ್ – (ಓಂ ವಾಮದೇವಾಯ ನಮಃ)
ಓಙ್ಕಾರ ಪ್ರೀತ ಮನಸೇ ನಮೋ ಬ್ರಹ್ಮಾರ್ಚಿತಾಙ್ಘ್ರಯೇ ।
ಸ್ನಾನಂ ಸ್ವೀಕುರು ದೇವೇಶ ಮಯಾನೀತಂ ನದೀ ಜಲಮ್ ॥
[* ನಮ॑ಶ್ಶ॒ಮ್ಭವೇ॑ ಚ ಮಯೋ॒ಭವೇ॑ಚ॒ ನಮ॑ಶ್ಶಙ್ಕ॒ರಾಯ॑ ಚ
ಮಯಸ್ಕ॒ರಾಯ॑ ಚ॒ ನಮ॑ಶ್ಶಿ॒ವಾಯ॑ ಚ ಶಿ॒ವತ॑ರಾಯ ಚ ॥ *]
ರುದ್ರಪ್ರಶ್ನಃ – ನಮಕಮ್ ಪಶ್ಯತು ॥
ರುದ್ರಪ್ರಶ್ನಃ – ಚಮಕಮ್ ಪಶ್ಯತು ॥
ಪುರುಷ ಸೂಕ್ತಮ್ ಪಶ್ಯತು ॥
ಶ್ರೀ ಸೂಕ್ತಮ್ ಪಶ್ಯತು ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಶುದ್ಧೋದಕ ಸ್ನಾನಂ ಸಮರ್ಪಯಾಮಿ ।
ಸ್ನಾನಾನನ್ತರಂ ಆಚಮನೀಯಂ ಸಮರ್ಪಯಾಮಿ ।
ವಸ್ತ್ರಮ್ – (ಓಂ ಜ್ಯೇ॒ಷ್ಠಾಯ॒ ನಮಃ)
ನಮೋ ನಾಗವಿಭೂಷಾಯ ನಾರದಾದಿ ಸ್ತುತಾಯ ಚ ।
ವಸ್ತ್ರಯುಗ್ಮಂ ಪ್ರದಾಸ್ಯಾಮಿ ಪಾರ್ಥಿವೇಶ್ವರ ಸ್ವೀಕುರು ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ವಸ್ತ್ರಯುಗ್ಮಂ ಸಮರ್ಪಯಾಮಿ ।
ಯಜ್ಞೋಪವೀತಮ್ – (ಓಂ ಶ್ರೇ॒ಷ್ಠಾಯ॒ ನಮಃ)
ಯಜ್ಞೇಶ ಯಜ್ಞವಿಧ್ವಂಸ ಸರ್ವದೇವ ನಮಸ್ಕೃತ ।
ಯಜ್ಞಸೂತ್ರಂ ಪ್ರದಾಸ್ಯಾಮಿ ಶೋಭನಂ ಚೋತ್ತರೀಯಕಮ್ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಯಜ್ಞೋಪವೀತಂ ಸಮರ್ಪಯಾಮಿ ।
ಆಭರಣಮ್ – (ಓಂ ರು॒ದ್ರಾಯ॒ ನಮಃ)
ನಾಗಾಭರಣ ವಿಶ್ವೇಶ ಚನ್ದ್ರಾರ್ಧಕೃತಮಸ್ತಕ ।
ಪಾರ್ಥಿವೇಶ್ವರ ಮದ್ದತ್ತಂ ಗೃಹಾಣಾಭರಣಂ ವಿಭೋ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಆಭರಣಂ ಸಮರ್ಪಯಾಮಿ ।
ಗನ್ಧಮ್ – (ಓಂ ಕಾಲಾ॑ಯ॒ ನಮ॑:)
ಶ್ರೀ ಗನ್ಧಂ ತೇ ಪ್ರಯಚ್ಛಾಮಿ ಗೃಹಾಣ ಪರಮೇಶ್ವರ ।
ಕಸ್ತೂರಿ ಕುಙ್ಕುಮೋಪೇತಂ ಶಿವಾಶ್ಲಿಷ್ಟ ಭುಜದ್ವಯ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಶ್ರೀಗನ್ಧಾದಿ ಪರಿಮಲ ದ್ರವ್ಯಂ ಸಮರ್ಪಯಾಮಿ ।
ಅಕ್ಷತಾನ್ – (ಓಂ ಕಲ॑ವಿಕರಣಾಯ॒ ನಮಃ)
ಅಕ್ಷತಾನ್ ಧವಲಾನ್ ದಿವ್ಯಾನ್ ಶಾಲಿ ತುಣ್ಡುಲ ಮಿಶ್ರಿತಾನ್ ।
ಅಕ್ಷತೋಸಿ ಸ್ವಭಾವೇನ ಸ್ವೀಕುರುಷ್ವ ಮಹೇಶ್ವರ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಧವಲಾಕ್ಷತಾನ್ ಸಮರ್ಪಯಾಮಿ ।
ಪುಷ್ಪಮ್ – (ಓಂ ಬಲ॑ ವಿಕರಣಾಯ॒ ನಮಃ)
ಸುಗನ್ಧೀನಿ ಸುಪುಷ್ಪಾಣಿ ಜಾಜೀಬಿಲ್ವಾರ್ಕ ಚಮ್ಪಕೈಃ ।
ನಿರ್ಮಿತಂ ಪುಷ್ಪಮಾಲಞ್ಚ ನೀಲಕಣ್ಠ ಗೃಹಾಣ ಭೋ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಪುಷ್ಪ ಬಿಲ್ವದಲಾನಿ ಸಮರ್ಪಯಾಮಿ ।
ಅಥಾಙ್ಗ ಪೂಜಾ –
ಓಂ ಮಹೇಶ್ವರಾಯ ನಮಃ – ಪಾದೌ ಪೂಜಯಾಮಿ ।
ಓಂ ಈಶ್ವರಾಯ ನಮಃ – ಜಙ್ಘೌ ಪೂಜಯಾಮಿ ।
ಓಂ ಕಾಮರೂಪಾಯ ನಮಃ – ಜಾನುನೀ ಪೂಜಯಾಮಿ ।
ಓಂ ಹರಾಯ ನಮಃ – ಊರೂ ಪೂಜಯಾಮಿ ।
ಓಂ ತ್ರಿಪುರಾನ್ತಕಾಯ ನಮಃ – ಗುಹ್ಯಂ ಪೂಜಯಾಮಿ ।
ಓಂ ಭವಾಯ ನಮಃ – ಕಟಿಂ ಪೂಜಯಾಮಿ ।
ಓಂ ವ್ಯಾಘ್ರಚರ್ಮಾಮ್ಬರಧರಾಯ ನಮಃ – ನಾಭಿಂ ಪೂಜಯಾಮಿ ।
ಓಂ ಕುಕ್ಷಿಸ್ಥ ಬ್ರಹಾಣ್ಡಾಯ ನಮಃ – ಉದರಂ ಪೂಜಯಾಮಿ ।
ಓಂ ಗೌರೀ ಮನಃ ಪ್ರಿಯಾಯ ನಮಃ – ಹೃದಯಂ ಪೂಜಯಾಮಿ ।
ಓಂ ಪಿನಾಕಿನೇ ನಮಃ – ಹಸ್ತೌ ಪೂಜಯಾಮಿ ।
ಓಂ ನಾಗಾವೃತಭುಜದಣ್ಡಾಯ ನಮಃ – ಭುಜೌ ಪೂಜಯಾಮಿ ।
ಓಂ ಶ್ರೀಕಣ್ಠಾಯ ನಮಃ – ಕಣ್ಠಂ ಪೂಜಯಾಮಿ ।
ಓಂ ವಿರೂಪಾಕ್ಷಾಯ ನಮಃ – ಮುಖಂ ಪೂಜಯಾಮಿ ।
ಓಂ ತ್ರಿನೇತ್ರಾಯ ನಮಃ – ನೇತ್ರಾಣಿ ಪೂಜಯಾಮಿ ।
ಓಂ ರುದ್ರಾಯ ನಮಃ – ಲಲಾಟಂ ಪೂಜಯಾಮಿ ।
ಓಂ ಶರ್ವಾಯ ನಮಃ – ಶಿರಃ ಪೂಜಯಾಮಿ ।
ಓಂ ಚನ್ದ್ರಮೌಲಯೇ ನಮಃ – ಮೌಲಿಂ ಪೂಜಯಾಮಿ ।
ಓಂ ಅರ್ಧನಾರೀಶ್ವರಾಯ ನಮಃ – ತನುಂ ಪೂಜಯಾಮಿ ।
ಓಂ ಶ್ರೀ ಉಮಾಮಹೇಶ್ವರಾಯ ನಮಃ – ಸರ್ವಾಣ್ಯಙ್ಗಾನಿ ಪೂಜಯಾಮಿ ।
ಅಷ್ಟೋತ್ತರಶತನಾಮ ಪೂಜಾ –
ಶ್ರೀ ಶಿವ ಅಷ್ಟೋತ್ತರಶತನಾಮಾವಲೀ ಪಶ್ಯತು ॥
ಓಂ ನಿಧ॑ನಪತಯೇ॒ ನಮಃ । ಓಂ ನಿಧ॑ನಪತಾನ್ತಿಕಾಯ॒ ನಮಃ ।
ಓಂ ಊರ್ಧ್ವಾಯ॒ ನಮಃ । ಓಂ ಊರ್ಧ್ವಲಿಙ್ಗಾಯ॒ ನಮಃ ।
ಓಂ ಹಿರಣ್ಯಾಯ॒ ನಮಃ । ಓಂ ಹಿರಣ್ಯಲಿಙ್ಗಾಯ॒ ನಮಃ ।
ಓಂ ಸುವರ್ಣಾಯ॒ ನಮಃ । ಓಂ ಸುವರ್ಣಲಿಙ್ಗಾಯ॒ ನಮಃ ।
ಓಂ ದಿವ್ಯಾಯ॒ ನಮಃ । ಓಂ ದಿವ್ಯಲಿಙ್ಗಾಯ॒ ನಮಃ ।
ಓಂ ಭವಾಯ॒ ನಮಃ । ಓಂ ಭವಲಿಙ್ಗಾಯ॒ ನಮಃ ।
ಓಂ ಶರ್ವಾಯ॒ ನಮಃ । ಓಂ ಶರ್ವಲಿಙ್ಗಾಯ॒ ನಮಃ ।
ಓಂ ಶಿವಾಯ॒ ನಮಃ । ಓಂ ಶಿವಲಿಙ್ಗಾಯ॒ ನಮಃ ।
ಓಂ ಜ್ವಲಾಯ॒ ನಮಃ । ಓಂ ಜ್ವಲಲಿಙ್ಗಾಯ॒ ನಮಃ ।
ಓಂ ಆತ್ಮಾಯ॒ ನಮಃ । ಓಂ ಆತ್ಮಲಿಙ್ಗಾಯ॒ ನಮಃ ।
ಓಂ ಪರಮಾಯ॒ ನಮಃ । ಓಂ ಪರಮಲಿಙ್ಗಾಯ॒ ನಮಃ ।
ಓಂ ಭ॒ವಾಯ॑ ದೇ॒ವಾಯ॒ ನಮಃ
– ಓಂ ಭ॒ವಸ್ಯ॑ ದೇ॒ವಸ್ಯ॒ ಪತ್ನ್ಯೈ॒ ನಮ॑: ।
ಓಂ ಶ॒ರ್ವಾಯ॑ ದೇ॒ವಾಯ॒ ನಮಃ
– ಓಂ ಶ॒ರ್ವಸ್ಯ॑ ದೇ॒ವಸ್ಯ॒ ಪತ್ನ್ಯೈ॒ ನಮ॑: ।
ಓಂ ಈಶಾ॑ನಾಯ ದೇ॒ವಾಯ॒ ನಮಃ
– ಓಂ ಈಶಾ॑ನಸ್ಯ ದೇ॒ವಸ್ಯ॒ ಪತ್ನ್ಯೈ॒ ನಮ॑: ।
ಓಂ ಪಶು॒ಪತ॑ಯೇ ದೇ॒ವಾಯ॒ ನಮಃ
– ಓಂ ಪಶು॒ಪತೇ᳚ರ್ದೇ॒ವಸ್ಯ ಪತ್ನ್ಯೈ॒ ನಮ॑: ।
ಓಂ ರು॒ದ್ರಾಯ॑ ದೇ॒ವಾಯ॒ ನಮಃ
– ಓಂ ರು॒ದ್ರಸ್ಯ॑ ದೇ॒ವಸ್ಯ॒ ಪತ್ನ್ಯೈ॒ ನಮ॑: ।
ಓಂ ಉ॒ಗ್ರಾಯ॑ ದೇ॒ವಾಯ॒ ನಮಃ
– ಓಂ ಉ॒ಗ್ರಸ್ಯ॑ ದೇ॒ವಸ್ಯ॒ ಪತ್ನ್ಯೈ॒ ನಮ॑: ।
ಓಂ ಭೀ॒ಮಾಯ॑ ದೇ॒ವಾಯ॒ ನಮಃ
– ಓಂ ಭೀ॒ಮಸ್ಯ॑ ದೇ॒ವಸ್ಯ॒ ಪತ್ನ್ಯೈ॒ ನಮ॑: ।
ಓಂ ಮಹ॑ತೇ ದೇ॒ವಾಯ॒ ನಮಃ
– ಓಂ ಮಹ॑ತೋ ದೇ॒ವಸ್ಯ॒ ಪತ್ನ್ಯೈ॒ ನಮ॑: ।
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ನಾನಾ ವಿಧ ಪರಿಮಲ ಪತ್ರ ಪುಷ್ಪಾಕ್ಷತಾನ್ ಸಮರ್ಪಯಾಮಿ ।
ಧೂಪಮ್ – (ಓಂ ಬಲಾ॑ಯ॒ ನಮಃ)
ದಶಾಙ್ಗಂ ಧೂಪಮುಖ್ಯಂ ಚ ಹ್ಯಙ್ಗಾರ ವಿನಿವೇಶಿತಮ್ ।
ಧೂಪಂ ಸುಗನ್ಧೈರುತ್ಪನ್ನಂ ತ್ವಾಂ ಪ್ರೀಣಯತು ಶಙ್ಕರ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಧೂಪಮಾಘ್ರಾಪಯಾಮಿ ।
ದೀಪಮ್ – (ಓಂ ಬಲ॑ ಪ್ರಮಥನಾಯ॒ ನಮಃ)
ಯೋಗಿನಾಂ ಹೃದಯೇಷ್ವೇವ ಜ್ಞಾನ ದೀಪಾಙ್ಕುರೋಹ್ಯಸಿ ।
ಬಾಹ್ಯ ದೀಪೋ ಮಯಾದತ್ತಃ ಗೃಹ್ಯತಾಂ ಭಕ್ತ ಗೌರವಾತ್ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ದೀಪಂ ದರ್ಶಯಾಮಿ ।
ಧೂಪ ದೀಪಾನನ್ತರಂ ಶುದ್ಧಾಚಮನೀಯಂ ಸಮರ್ಪಯಾಮಿ ।
ನೈವೇದ್ಯಮ್ – (ಓಂ ಸರ್ವ॑ ಭೂತ ದಮನಾಯ॒ ನಮಃ)
ನೈವೇದ್ಯಂ ಷಡ್ರಸೋಪೇತಂ ಘೃತ ಭಕ್ಷ್ಯ ಸಮನ್ವಿತಮ್ ।
ಭಕ್ತ್ಯಾ ತೇ ಸಮ್ಪ್ರದಾಸ್ಯಾಮಿ ಗೃಹಾಣ ಪರಮೇಶ್ವರ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ___ ನಿವೇದಯಾಮಿ ।
ಓಂ ಭೂರ್ಭುವ॒ಸ್ಸುವ॑: । ತತ್ಸ॑ವಿ॒ತುರ್ವರೇ᳚ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ ।
ಧಿಯೋ॒ ಯೋ ನ॑: ಪ್ರಚೋ॒ದಯಾ᳚ತ್ ॥
ಸತ್ಯಂ ತ್ವಾ ಋತೇನ ಪರಿಷಿಞ್ಚಾಮಿ ।
(ಸಾಯಙ್ಕಾಲೇ – ಋತಂ ತ್ವಾ ಸತ್ಯೇನ ಪರಿಷಿಞ್ಚಾಮಿ)
ಅಮೃತಮಸ್ತು । ಅ॒ಮೃ॒ತೋ॒ಪ॒ಸ್ತರ॑ಣಮಸಿ ।
ಓಂ ಪ್ರಾ॒ಣಾಯ॒ ಸ್ವಾಹಾ᳚ । ಓಂ ಅ॒ಪಾ॒ನಾಯ॒ ಸ್ವಾಹಾ᳚ ।
ಓಂ ವ್ಯಾ॒ನಾಯ॒ ಸ್ವಾಹಾ᳚ । ಓಂ ಉ॒ದಾ॒ನಾಯ॒ ಸ್ವಾಹಾ᳚ ।
ಓಂ ಸ॒ಮಾ॒ನಾಯ॒ ಸ್ವಾಹಾ᳚ ।
ಮಧ್ಯೇ ಮಧ್ಯೇ ಪಾನೀಯಂ ಸಮರ್ಪಯಾಮಿ ।
ಅ॒ಮೃ॒ತಾ॒ಪಿ॒ಧಾ॒ನಮ॑ಸಿ । ಉತ್ತರಾಪೋಶನಂ ಸಮರ್ಪಯಾಮಿ ।
ಹಸ್ತೌ ಪ್ರಕ್ಷಾಲಯಾಮಿ । ಪಾದೌ ಪ್ರಕ್ಷಾಲಯಾಮಿ ।
ಶುದ್ಧಾಚಮನೀಯಂ ಸಮರ್ಪಯಾಮಿ ।
ತಾಮ್ಬೂಲಮ್ – (ಓಂ ಮ॒ನೋನ್ಮ॑ನಾಯ॒ ನಮಃ)
ತಾಮ್ಬೂಲಂ ಭವತಾಂ ದೇವ ಅರ್ಪಯಾಮ್ಯದ್ಯ ಶಙ್ಕರ ।
ಪೂಗೀಫಲ ಸಮಾಯುಕ್ತಂ ನಾಗವಲ್ಲೀ ದಲೈರ್ಯುತಮ್ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ತಾಮ್ಬೂಲಂ ಸಮರ್ಪಯಾಮಿ ।
ತಾಮ್ಬೂಲ ಚರ್ವಣಾನನ್ತರಂ ಶುದ್ಧ ಆಚಮನೀಯಂ ಸಮರ್ಪಯಾಮಿ ।
ನೀರಾಜನಮ್ –
ಓಂ ಅ॒ಘೋರೇ᳚ಭ್ಯೋಽಥ॒ ಘೋರೇ᳚ಭ್ಯೋ॒ ಘೋರ॒ಘೋರ॑ತರೇಭ್ಯಃ ।
ಸರ್ವೇ᳚ಭ್ಯಃ ಸರ್ವ॒ಶರ್ವೇ᳚ಭ್ಯೋ॒ ನಮ॑ಸ್ತೇ ಅಸ್ತು ರು॒ದ್ರರೂ॑ಪೇಭ್ಯಃ ॥
ನೀರಾಜನಮಿದಂ ದೇವ ಕರ್ಪೂರಾಮೋದ ಸಮ್ಯುತಮ್ ।
ಗೃಹಾಣ ಪರಮಾನನ್ದ ಹೇರಮ್ಬ ವರದಾಯಕ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಕರ್ಪೂರ ನೀರಾಜನಂ ದರ್ಶಯಾಮಿ ।
ನೀರಾಜನಾನನ್ತರಂ ಶುದ್ಧ ಆಚಮನೀಯಂ ಸಮರ್ಪಯಾಮಿ ।
ಮನ್ತ್ರಪುಷ್ಪಮ್ –
ಓಂ ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ ।
ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್ ॥
ಓಂ ಕಾ॒ತ್ಯಾ॒ಯ॒ನಾಯ॑ ವಿ॒ದ್ಮಹೇ॑ ಕನ್ಯಕು॒ಮಾರಿ॑ ಧೀಮಹಿ ।
ತನ್ನೋ॑ ದುರ್ಗಿಃ ಪ್ರಚೋ॒ದಯಾ᳚ತ್ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಪಾದಾರವಿನ್ದಯೋಃ ದಿವ್ಯ ಸುವರ್ಣ ಮನ್ತ್ರ ಪುಷ್ಪಾಞ್ಜಲಿಂ ಸಮರ್ಪಯಾಮಿ ।
ಪ್ರದಕ್ಷಿಣಮ್ –
ಈಶಾನಃ ಸರ್ವ॑ವಿದ್ಯಾ॒ನಾ॒ಮೀಶ್ವರಃ ಸರ್ವ॑ಭೂತಾ॒ನಾಂ॒
ಬ್ರಹ್ಮಾಧಿ॑ಪತಿ॒ರ್ಬ್ರಹ್ಮ॒ಣೋಽಧಿ॑ಪತಿ॒ರ್ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿ॒ವೋಮ್ ॥
ಪದೇ ಪದೇ ಸರ್ವತಮೋ ನಿಕೃನ್ತನಂ
ಪದೇ ಪದೇ ಸರ್ವ ಶುಭಪ್ರದಾಯಕಮ್ ।
ಪ್ರಕ್ಷಿಣಂ ಭಕ್ತಿಯುತೇನ ಚೇತಸಾ
ಕರೋಮಿ ಮೃತ್ಯುಞ್ಜಯ ರಕ್ಷ ರಕ್ಷ ಮಾಮ್ ॥
ಓಂ ಶ್ರೀ ಉಮಾಮಹೇಶ್ವರ ಸ್ವಾಮಿನೇ ನಮಃ ಆತ್ಮಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ ।
ಪ್ರಾರ್ಥನಾ –
ನಮೋ ಹಿರಣ್ಯಬಾಹವೇ ಹಿರಣ್ಯವರ್ಣಾಯ ಹಿರಣ್ಯರೂಪಾಯ ಹಿರಣ್ಯಪತಯೇಽಮ್ಬಿಕಾಪತಯ ಉಮಾಪತಯೇ ಪಶುಪತಯೇ॑ ನಮೋ॒ ನಮಃ ॥
ಅಥ ತರ್ಪಣಮ್ –
ಭವಂ ದೇವಂ ತರ್ಪಯಾಮಿ
– ಭವಸ್ಯ ದೇವಸ್ಯ ಪತ್ನೀಂ ತರ್ಪಯಾಮಿ ।
ಶರ್ವಂ ದೇವಂ ತರ್ಪಯಾಮಿ
– ಶರ್ವಸ್ಯ ದೇವಸ್ಯ ಪತ್ನೀಂ ತರ್ಪಯಾಮಿ ।
ಈಶಾನಂ ದೇವಂ ತರ್ಪಯಾಮಿ
– ಈಶಾನಸ್ಯ ದೇವಸ್ಯ ಪತ್ನೀಂ ತರ್ಪಯಾಮಿ ।
ಪಶುಪತಿಂ ದೇವಂ ತರ್ಪಯಾಮಿ
– ಪಶುಪತೇರ್ದೇವಸ್ಯ ಪತ್ನೀಂ ತರ್ಪಯಾಮಿ ।
ರುದ್ರಂ ದೇವಂ ತರ್ಪಯಾಮಿ
– ರುದ್ರಸ್ಯ ದೇವಸ್ಯ ಪತ್ನೀಂ ತರ್ಪಯಾಮಿ ।
ಉಗ್ರಂ ದೇವಂ ತರ್ಪಯಾಮಿ
– ಉಗ್ರಸ್ಯ ದೇವಸ್ಯ ಪತ್ನೀಂ ತರ್ಪಯಾಮಿ ।
ಭೀಮಂ ದೇವಂ ತರ್ಪಯಾಮಿ
– ಭೀಮಸ್ಯ ದೇವಸ್ಯ ಪತ್ನೀಂ ತರ್ಪಯಾಮಿ ।
ಮಹಾನ್ತಂ ದೇವಂ ತರ್ಪಯಾಮಿ
– ಮಹತೋ ದೇವಸ್ಯ ಪತ್ನೀಂ ತರ್ಪಯಾಮಿ ।
ಇತಿ ತರ್ಪಯಿತ್ವಾ ಅಘೋರಾದಿಭಿಸ್ತ್ರಿಭಿರ್ಮನ್ತ್ರೈಃ ಘೋರ ತನೂರುಪತಿಷ್ಠತೇ ।
ಓಂ ಅ॒ಘೋರೇ᳚ಭ್ಯೋಽಥ॒ ಘೋರೇ᳚ಭ್ಯೋ॒ ಘೋರ॒ಘೋರ॑ತರೇಭ್ಯಃ ।
ಸರ್ವೇ᳚ಭ್ಯಃ ಸರ್ವ॒ಶರ್ವೇ᳚ಭ್ಯೋ॒ ನಮ॑ಸ್ತೇ ಅಸ್ತು ರು॒ದ್ರರೂ॑ಪೇಭ್ಯಃ ॥
ಓಂ ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ ।
ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್ ॥
ಈಶಾನಃ ಸರ್ವ॑ವಿದ್ಯಾ॒ನಾ॒ಮೀಶ್ವರಃ ಸರ್ವ॑ಭೂತಾ॒ನಾಂ॒
ಬ್ರಹ್ಮಾಧಿ॑ಪತಿ॒ರ್ಬ್ರಹ್ಮ॒ಣೋಽಧಿ॑ಪತಿ॒ರ್ಬ್ರಹ್ಮಾ॑ ಶಿ॒ವೋ ಮೇ॑ ಅಸ್ತು ಸದಾಶಿ॒ವೋಮ್ ॥
ಇತಿ ಧ್ಯಾತ್ವಾ ರುದ್ರಗಾಯತ್ರೀಂ ಯಥಾ ಶಕ್ತಿ ಜಪೇತ್ ।
ಓಂ ತತ್ಪುರು॑ಷಾಯ ವಿ॒ದ್ಮಹೇ॑ ಮಹಾದೇ॒ವಾಯ॑ ಧೀಮಹಿ ।
ತನ್ನೋ॑ ರುದ್ರಃ ಪ್ರಚೋ॒ದಯಾ᳚ತ್ ॥
ಇತಿ ಜಪಿತ್ವಾ ಅಥೈನಮಾಶಿಷಮಾಶಾಸ್ತೇ ।
(ತೈ।ಬ್ರಾ।೩-೫-೧೦-೪)
ಆಶಾ᳚ಸ್ತೇ॒ಽಯಂ ಯಜ॑ಮಾನೋ॒ಽಸೌ । ಆಯು॒ರಾಶಾ᳚ಸ್ತೇ ।
ಸು॒ಪ್ರ॒ಜಾ॒ಸ್ತ್ವಮಾಶಾ᳚ಸ್ತೇ । ಸ॒ಜಾ॒ತ॒ವ॒ನ॒ಸ್ಯಾಮಾಶಾ᳚ಸ್ತೇ ।
ಉತ್ತ॑ರಾಂ ದೇವಯ॒ಜ್ಯಾಮಾಶಾ᳚ಸ್ತೇ । ಭೂಯೋ॑ ಹವಿ॒ಷ್ಕರ॑ಣ॒ಮಾಶಾ᳚ಸ್ತೇ ।
ದಿ॒ವ್ಯಂ ಧಾಮಾಶಾ᳚ಸ್ತೇ । ವಿಶ್ವಂ॑ ಪ್ರಿ॒ಯಮಾಶಾ᳚ಸ್ತೇ ।
ಯದ॒ನೇನ॑ ಹ॒ವಿಷಾಽಽಶಾ᳚ಸ್ತೇ । ತದ॑ಸ್ಯಾ॒ತ್ತ॒ದೃ॑ಧ್ಯಾತ್ ।
ತದ॑ಸ್ಮೈ ದೇ॒ವಾ ರಾ॑ಸನ್ತಾಮ್ । ತದ॒ಗ್ನಿರ್ದೇ॒ವೋ ದೇ॒ವೇಭ್ಯೋ॒ ವನ॑ತೇ ।
ವ॒ಯಮ॒ಗ್ನೇರ್ಮಾನು॑ಷಾಃ । ಇ॒ಷ್ಟಂ ಚ॑ ವೀ॒ತಂ ಚ॑ ।
ಉ॒ಭೇ ಚ॑ ನೋ॒ ದ್ಯಾವಾ॑ಪೃಥಿ॒ವೀ ಅಗ್ಂಹ॑ಸಃ ಸ್ಪಾತಾಮ್ ।
ಇ॒ಹ ಗತಿ॑ರ್ವಾ॒ಮಸ್ಯೇ॒ದಂ ಚ॑ । ನಮೋ॑ ದೇ॒ವೇಭ್ಯ॑: ॥
ಉಪಚಾರಪೂಜಾಃ –
ಪುನಃ ಪೂಜಾಂ ಕರಿಷ್ಯೇ । ಛತ್ರಮಾಚ್ಛಾದಯಾಮಿ ।
ಚಾಮರೈರ್ವೀಜಯಾಮಿ । ನೃತ್ಯಂ ದರ್ಶಯಾಮಿ ।
ಗೀತಂ ಶ್ರಾವಯಾಮಿ । ಆನ್ದೋಲಿಕಾನಾರೋಹಯಾಮಿ ।
ಅಶ್ವಾನಾರೋಹಯಾಮಿ । ಗಜಾನಾರೋಹಯಾಮಿ ।
ಸಮಸ್ತ ರಾಜೋಪಚಾರ ದೇವೋಪಚಾರ ಭಕ್ತ್ಯುಪಚಾರ ಶಕ್ತ್ಯುಪಚಾರ ಮನ್ತ್ರೋಪಚಾರ ಪೂಜಾಸ್ಸಮರ್ಪಯಾಮಿ ॥
ಕ್ಷಮಾಪ್ರಾರ್ಥನಾ –
ಯಸ್ಯ ಸ್ಮೃತ್ಯಾಚ ನಾಮೋಕ್ತ್ಯಾ ತಪಃ ಪೂಜಾ ಕ್ರಿಯಾದಿಷು ।
ನ್ಯೂನಂ ಸಮ್ಪೂರ್ಣತಾಂ ಯಾತಿ ಸದ್ಯೋವನ್ದೇ ಮಹೇಶ್ವರಮ್ ॥
ಮನ್ತ್ರಹೀನಂ ಕ್ರಿಯಾಹೀನಂ ಭಕ್ತಿಹೀನಂ ಮಹೇಶ್ವರ ।
ಯತ್ಪೂಜಿತಂ ಮಯಾ ದೇವ ಪರಿಪೂರ್ಣಂ ತದಸ್ತು ತೇ ॥
ಅನಯಾ ಸದ್ಯೋಜಾತ ವಿಧಿನಾ ಧ್ಯಾನಾವಹನಾದಿ ಷೋಡಶೋಪಚಾರ ಪೂಜಯಾ ಭಗವಾನ್ ಸರ್ವಾತ್ಮಕಃ ಶ್ರೀ ಉಮಾಮಹೇಶ್ವರಸ್ವಾಮೀ ಸುಪ್ರೀತಃ ಸುಪ್ರಸನ್ನೋ ವರದೋ ಭವತು ।
ಏತತ್ಫಲಂ ಪರಮೇಶ್ವರಾರ್ಪಣಮಸ್ತು ॥
ಉತ್ತರತಶ್ಚಣ್ಡೀಶ್ವರಾಯ ನಮಃ ನಿರ್ಮಾಲ್ಯಂ ವಿಸೃಜ್ಯ ॥
ತೀರ್ಥಮ್ –
ಅಕಾಲಮೃತ್ಯುಹರಣಂ ಸರ್ವವ್ಯಾಧಿ ನಿವಾರಣಮ್ ।
ಸಮಸ್ತಪಾಪಕ್ಷಯಕರಂ ಶಿವಪಾದೋದಕಂ ಪಾವನಂ ಶುಭಮ್ ॥
ಇತಿ ತ್ರಿವಾರಂ ಪೀತ್ವಾ ಶಿವ ನಿರ್ಮಾಲ್ಯ ರೂಪ ಬಿಲ್ವದಲಂ ವಾ ದಕ್ಷಿಣೇ ಕರ್ಣೇ ಧಾರಯೇತ್ ।
ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ॥
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
