Sri Shiva Pratipadana Stotram – ಶ್ರೀ ಶಿವ ಪ್ರತಿಪಾದನ ಸ್ತೋತ್ರಂ


ದೇವಾ ಊಚುಃ |
ನಮಸ್ತೇ ದೇವದೇವೇಶ ನಮಸ್ತೇ ಕರುಣಾಲಯ |
ನಮಸ್ತೇ ಸರ್ವಜಂತೂನಾಂ ಭುಕ್ತಿಮುಕ್ತಿಫಲಪ್ರದ || ೧ ||

ನಮಸ್ತೇ ಸರ್ವಲೋಕಾನಾಂ ಸೃಷ್ಟಿಸ್ಥಿತ್ಯಂತಕಾರಣ |
ನಮಸ್ತೇ ಭವಭೀತಾನಾಂ ಭವಭೀತಿವಿಮರ್ದನ || ೨ ||

ನಮಸ್ತೇ ವೇದವೇದಾಂತೈರರ್ಚನೀಯ ದ್ವಿಜೋತ್ತಮೈಃ |
ನಮಸ್ತೇ ಶೂಲಹಸ್ತಾಯ ನಮಸ್ತೇ ವಹ್ನಿಪಾಣಯೇ || ೩ ||

ನಮಸ್ತೇ ವಿಶ್ವನಾಥಾಯ ನಮಸ್ತೇ ವಿಶ್ವಯೋನಯೇ |
ನಮಸ್ತೇ ನೀಲಕಂಠಾಯ ನಮಸ್ತೇ ಕೃತ್ತಿವಾಸಸೇ || ೪ ||

ನಮಸ್ತೇ ಸೋಮರೂಪಾಯ ನಮಸ್ತೇ ಸೂರ್ಯರೂಪಿಣೇ |
ನಮಸ್ತೇ ವಹ್ನಿರೂಪಾಯ ನಮಸ್ತೇ ಜಲರೂಪಿಣೇ || ೫ ||

ನಮಸ್ತೇ ಭೂಮಿರೂಪಾಯ ನಮಸ್ತೇ ವಾಯುಮೂರ್ತಯೇ |
ನಮಸ್ತೇ ವ್ಯೋಮರೂಪಾಯ ನಮಸ್ತೇ ಹ್ಯಾತ್ಮರೂಪಿಣೇ || ೬ ||

ನಮಸ್ತೇ ಸತ್ಯರೂಪಯ ನಮಸ್ತೇಽಸತ್ಯರೂಪಿಣೇ |
ನಮಸ್ತೇ ಬೋಧರೂಪಾಯ ನಮಸ್ತೇಽಬೋಧರೂಪಿಣೇ || ೭ ||

ನಮಸ್ತೇ ಸುಖರೂಪಯ ನಮಸ್ತೇಽಸುಖರೂಪಿಣೇ |
ನಮಸ್ತೇ ಪೂರ್ಣರೂಪಾಯ ನಮಸ್ತೇಽಪೂರ್ಣರೂಪಿಣೇ || ೮ ||

ನಮಸ್ತೇ ಬ್ರಹ್ಮರೂಪಾಯ ನಮಸ್ತೇಽಬ್ರಹ್ಮರೂಪಿಣೇ |
ನಮಸ್ತೇ ಜೀವರೂಪಾಯ ನಮಸ್ತೇಽಜೀವರೂಪಿಣೇ || ೯ ||

ನಮಸ್ತೇ ವ್ಯಕ್ತರೂಪಾಯ ನಮಸ್ತೇಽವ್ಯಕ್ತರೂಪಿಣೇ |
ನಮಸ್ತೇ ಶಬ್ದರೂಪಾಯ ನಮಸ್ತೇಽಶಬ್ದರೂಪಿಣೇ || ೧೦ ||

ನಮಸ್ತೇ ಸ್ಪರ್ಶರೂಪಾಯ ನಮಸ್ತೇಽಸ್ಪರ್ಶರೂಪಿಣೇ |
ನಮಸ್ತೇ ರೂಪರೂಪಾಯ ನಮಸ್ತೇಽರೂಪರೂಪಿಣೇ || ೧೧ ||

ನಮಸ್ತೇ ರಸರೂಪಾಯ ನಮಸ್ತೇಽರಸರೂಪಿಣೇ |
ನಮಸ್ತೇ ಗಂಧರೂಪಾಯ ನಮಸ್ತೇಽಗಂಧರೂಪಿಣೇ || ೧೨ ||

ನಮಸ್ತೇ ದೇಹರೂಪಾಯ ನಮಸ್ತೇಽದೇಹರೂಪಿಣೇ |
ನಮಸ್ತೇ ಪ್ರಾಣರೂಪಾಯ ನಮಸ್ತೇಽಪ್ರಾಣರೂಪಿಣೇ || ೧೩ ||

ನಮಸ್ತೇ ಶ್ರೋತ್ರರೂಪಾಯ ನಮಸ್ತೇಽಶ್ರೋತ್ರರೂಪಿಣೇ |
ನಮಸ್ತೇ ತ್ವಕ್ಸ್ವರೂಪಾಯ ನಮಸ್ತೇಽತ್ವಕ್ಸ್ವರೂಪಿಣೇ || ೧೪ ||

ನಮಸ್ತೇ ದೃಷ್ಟಿರೂಪಾಯ ನಮಸ್ತೇಽದೃಷ್ಟಿರೂಪಿಣೇ |
ನಮಸ್ತೇ ರಸನಾರೂಪ ನಮಸ್ತೇಽರಸನಾತ್ಮನೇ || ೧೫ ||

ನಮಸ್ತೇ ಘ್ರಾಣರೂಪಾಯ ನಮಸ್ತೇಽಘ್ರಾಣರೂಪಿಣೇ |
ನಮಸ್ತೇ ಪಾದರೂಪಾಯ ನಮಸ್ತೇಽಪಾದರೂಪಿಣೇ || ೧೬ ||

ನಮಸ್ತೇ ಪಾಣಿರೂಪಾಯ ನಮಸ್ತೇಽಪಾಣಿರೂಪಿಣೇ |
ನಮಸ್ತೇ ವಾಕ್ಸ್ವರೂಪಾಯ ನಮಸ್ತೇಽವಾಕ್ಸ್ವರೂಪಿಣೇ || ೧೭ ||

ನಮಸ್ತೇ ಲಿಂಗರೂಪಾಯ ನಮಸ್ತೇಽಲಿಂಗರೂಪಿಣೇ |
ನಮಸ್ತೇ ಪಾಯುರೂಪಾಯ ನಮಸ್ತೇಽಪಾಯುರೂಪಿಣೇ || ೧೮ ||

ನಮಸ್ತೇ ಚಿತ್ತರೂಪಾಯ ನಮಸ್ತೇಽಚಿತ್ತರೂಪಿಣೇ |
ನಮಸ್ತೇ ಮಾತೃರೂಪಾಯ ನಮಸ್ತೇಽಮಾತೃರೂಪಿಣೇ || ೧೯ ||

ನಮಸ್ತೇ ಮಾನರೂಪಾಯ ನಮಸ್ತೇಽಮಾನರೂಪಿಣೇ |
ನಮಸ್ತೇ ಮೇಯರೂಪಾಯ ನಮಸ್ತೇಽಮೇಯರೂಪಿಣೇ || ೨೦ ||

ನಮಸ್ತೇ ಮಿತಿರೂಪಾಯ ನಮಸ್ತೇಽಮಿತಿರೂಪಿಣೇ |
ನಮಸ್ತೇ ಸರ್ವರೂಪಾಯ ನಮಸ್ತೇಽಸರ್ವರೂಪಿಣೇ || ೨೧ ||

ರಕ್ಷ ರಕ್ಷ ಮಹಾದೇವ ಕ್ಷಮಸ್ವ ಕರುಣಾಲಯ |
ಭಕ್ತಚಿತ್ತಸಮಾಸೀನ ಬ್ರಹ್ಮವಿಷ್ಣುಶಿವಾತ್ಮಕ || ೨೨ ||

ಇತಿ ಶ್ರೀಸ್ಕಾಂದಪುರಾಣೇ ಸೂತಸಂಹಿತಾಯಾಂ ಶಿವಮಾಹಾತ್ಮ್ಯಖಂಡೇ ತೃತೀಯೋಽಧ್ಯಾಯೇ ನಂದೀಶ್ವರವಿಷ್ಣುಸಂವಾದೇ ಈಶ್ವರಪ್ರತಿಪಾದನ ಸ್ತೋತ್ರಮ್ |


ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ.


గమనిక: "శ్రీ లక్ష్మీ స్తోత్రనిధి" ముద్రణ పూర్తి అయినది. Click here to buy

Report mistakes and corrections in Stotranidhi content.

Facebook Comments

ನಿಮ್ಮದೊಂದು ಉತ್ತರ

ನಿಮ್ಮ ಮಿಂಚೆ ವಿಳಾಸ ಎಲ್ಲೂ ಪ್ರಕಟವಾಗುವುದಿಲ್ಲ.

error: Not allowed
%d bloggers like this: