Read in తెలుగు / ಕನ್ನಡ / தமிழ் / देवनागरी / English (IAST)
ಬೃಹಸ್ಪತಿರುವಾಚ |
ನಮೋ ಹರಾಯ ದೇವಾಯ ಮಹಾಮಾಯಾ ತ್ರಿಶೂಲಿನೇ |
ತಾಪಸಾಯ ಮಹೇಶಾಯ ತತ್ತ್ವಜ್ಞಾನಪ್ರದಾಯಿನೇ || ೧ ||
ನಮೋ ಮೌಂಜಾಯ ಶುದ್ಧಾಯ ನಮಃ ಕಾರುಣ್ಯಮೂರ್ತಯೇ |
ನಮೋ ದೇವಾಧಿದೇವಾಯ ನಮೋ ವೇದಾಂತದಾಯಿನೇ || ೨ ||
ನಮಃ ಪರಾಯ ರುದ್ರಾಯ ಸುಪಾರಾಯ ನಮೋ ನಮಃ |
ವಿಶ್ವಮೂರ್ತೇ ಮಹೇಶಾಯ ವಿಶ್ವಾಧಾರಾಯ ತೇ ನಮಃ || ೩ ||
ನಮೋ ಭಕ್ತಭವಚ್ಛೇದಕಾರಣಾಯಾಽಮಲಾತ್ಮನೇ |
ಕಾಲಕಾಲಾಯ ಕಾಲಾಯ ಕಾಲಾತೀತಾಯ ತೇ ನಮಃ || ೪ ||
ಜಿತೇಂದ್ರಿಯಾಯ ನಿತ್ಯಾಯ ಜಿತಕ್ರೋಧಾಯ ತೇ ನಮಃ |
ನಮಃ ಪಾಷಂಡಭಂಗಾಯ ನಮಃ ಪಾಪಹರಾಯ ತೇ || ೫ ||
ನಮಃ ಪರ್ವತರಾಜೇಂದ್ರಕನ್ಯಕಾಪತಯೇ ನಮಃ |
ಯೋಗಾನಂದಾಯ ಯೋಗಾಯ ಯೋಗಿನಾಂ ಪತಯೇ ನಮಃ || ೬ ||
ಪ್ರಾಣಾಯಾಮಪರಾಣಾಂ ತು ಪ್ರಾಣರಕ್ಷಾಯ ತೇ ನಮಃ |
ಮೂಲಾಧಾರೇ ಪ್ರವಿಷ್ಟಾಯ ಮೂಲದೀಪಾತ್ಮನೇ ನಮಃ || ೭ ||
ನಾಭಿಕಂದೇ ಪ್ರವಿಷ್ಟಾಯ ನಮೋ ಹೃದ್ದೇಶವರ್ತಿನೇ |
ಸಚ್ಚಿದಾನಂದಪೂರ್ಣಾಯ ನಮಃ ಸಾಕ್ಷಾತ್ಪರಾತ್ಮನೇ || ೮ ||
ನಮಃ ಶಿವಾಯಾದ್ಭುತವಿಕ್ರಮಾಯ ತೇ
ನಮಃ ಶಿವಾಯಾದ್ಭುತವಿಗ್ರಹಾಯ ತೇ |
ನಮಃ ಶಿವಾಯಾಖಿಲನಾಯಕಾಯ ತೇ
ನಮಃ ಶಿವಾಯಾಮೃತಹೇತವೇ ನಮಃ || ೯ ||
ಸೂತ ಉವಾಚ |
ಯ ಇದಂ ಪಠತೇ ನಿತ್ಯಂ ಸ್ತೋತ್ರಂ ಭಕ್ತ್ಯಾ ಸುಸಂಯುತಃ |
ತಸ್ಯ ಮುಕ್ತಿಃ ಕರಸ್ಥಾ ಸ್ಯಾಚ್ಛಂಕರಪ್ರಿಯಕಾರಣಾತ್ || ೧೦ ||
ವಿದ್ಯಾರ್ಥೀ ಲಭತೇ ವಿದ್ಯಾಂ ವಿವಾಹಾರ್ಥೀ ಗೃಹೀ ಭವೇತ್ |
ವೈರಾಗ್ಯಕಾಮೋ ಲಭತೇ ವೈರಾಗ್ಯಂ ಭವತಾರಕಮ್ || ೧೧ ||
ತಸ್ಮಾದ್ದಿನೇ ದಿನೇ ಯೂಯಮಿದಂ ಸ್ತೋತ್ರಂ ಸಮಾಹಿತಾಃ |
ಪಠಂತು ಭವನಾಶಾರ್ಥಮಿದಂ ವೋ ಭವನಾಶನಮ್ || ೧೨ ||
ಇತಿ ಶ್ರೀಸ್ಕಾಂದೇ ಮಹಾಪುರಾಣೇ ಸೂತಸಂಹಿತಾಯಾಂ ಬೃಹಸ್ಪತಿಕೃತ ಶಿವ ನವರತ್ನ ಸ್ತವಃ ||
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
