Sri Sastha Panchakshara Stotram – ಶ್ರೀ ಶಾಸ್ತಾ ಪಂಚಾಕ್ಷರ ಸ್ತೋತ್ರಂ


ಓಂಕಾರಮೂರ್ತಿಮಾರ್ತಿಘ್ನಂ ದೇವಂ ಹರಿಹರಾತ್ಮಜಮ್ |
ಶಬರೀಪೀಠನಿಲಯಂ ಶಾಸ್ತಾರಂ ಪ್ರಣತೋಽಸ್ಮ್ಯಹಮ್ || ೧ ||

ನಕ್ಷತ್ರನಾಥವದನಂ ನಾಥಂ ತ್ರಿಭುವನಾವನಮ್ |
ನಮಿತಾಶೇಷಭುವನಂ ಶಾಸ್ತಾರಂ ಪ್ರಣತೋಽಸ್ಮ್ಯಹಮ್ || ೨ ||

ಮನ್ಮಥಾಯುತಸೌಂದರ್ಯಂ ಮಹಾಭೂತನಿಷೇವಿತಮ್ |
ಮೃಗಯಾರಸಿಕಂ ಶೂರಂ ಶಾಸ್ತಾರಂ ಪ್ರಣತೋಽಸ್ಮ್ಯಹಮ್ || ೩ ||

ಶಿವಪ್ರದಾಯಿನಂ ಭಕ್ತದೈವತಂ ಪಾಂಡ್ಯಬಾಲಕಮ್ |
ಶಾರ್ದೂಲದುಗ್ಧಹರ್ತಾರಂ ಶಾಸ್ತಾರಂ ಪ್ರಣತೋಽಸ್ಮ್ಯಹಮ್ || ೪ ||

ವಾರಣೇಂದ್ರಸಮಾರೂಢಂ ವಿಶ್ವತ್ರಾಣಪರಾಯಣಮ್ |
ವೇತ್ರೋದ್ಭಾಸಿಕರಾಂಭೋಜಂ ಶಾಸ್ತಾರಂ ಪ್ರಣತೋಽಸ್ಮ್ಯಹಮ್ || ೫ ||

ಯಕ್ಷಿಣ್ಯಭಿಮತಂ ಪೂರ್ಣಾಪುಷ್ಕಲಾಪರಿಸೇವಿತಮ್ |
ಕ್ಷಿಪ್ರಪ್ರಸಾದಕಂ ನಿತ್ಯಂ ಶಾಸ್ತಾರಂ ಪ್ರಣತೋಽಸ್ಮ್ಯಹಮ್ || ೬ ||

ಇತಿ ಶ್ರೀ ಶಾಸ್ತಾ ಪಂಚಾಕ್ಷರ ಸ್ತೋತ್ರಮ್ |


ಇನ್ನಷ್ಟು ಶ್ರೀ ಅಯ್ಯಪ್ಪ ಸ್ತೋತ್ರಗಳು ನೋಡಿ.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed
%d bloggers like this: