Read in తెలుగు / ಕನ್ನಡ / தமிழ் / देवनागरी / English (IAST)
ಯಜನಸುಪೂಜಿತಯೋಗಿವರಾರ್ಚಿತ ಯಾದುವಿನಾಶಕ ಯೋಗತನೋ
ಯತಿವರಕಲ್ಪಿತಯಂತ್ರಕೃತಾಸನಯಕ್ಷವರಾರ್ಪಿತಪುಷ್ಪತನೋ |
ಯಮನಿಯಮಾಸನಯೋಗಿಹೃದಾಸನಪಾಪನಿವಾರಣಕಾಲತನೋ
ಜಯ ಜಯ ಹೇ ಶಬರೀಗಿರಿಮಂದಿರಸುಂದರ ಪಾಲಯ ಮಾಮನಿಶಮ್ || ೧ ||
ಮಕರಮಹೋತ್ಸವ ಮಂಗಳದಾಯಕ ಭೂತಗಣಾವೃತದೇವತನೋ
ಮಧುರಿಪುಮನ್ಮಥಮಾರಕಮಾನಿತ ದೀಕ್ಷಿತಮಾನಸಮಾನ್ಯತನೋ |
ಮದಗಜಸೇವಿತ ಮಂಜುಲನಾದಕವಾದ್ಯಸುಘೋಷಿತಮೋದತನೋ
ಜಯ ಜಯ ಹೇ ಶಬರೀಗಿರಿಮಂದಿರಸುಂದರ ಪಾಲಯ ಮಾಮನಿಶಮ್ || ೨ ||
ಜಯ ಜಯ ಹೇ ಶಬರೀಗಿರಿನಾಯಕ ಸಾಧಯ ಚಿಂತಿತಮಿಷ್ಟತನೋ
ಕಲಿವರದೋತ್ತಮ ಕೋಮಲಕುಂತಲ ಕಂಜಸುಮಾವಲಿಕಾಂತತನೋ |
ಕಲಿವರಸಂಸ್ಥಿತ ಕಾಲಭಯಾರ್ದಿತ ಭಕ್ತಜನಾವನತುಷ್ಟಮತೇ
ಜಯ ಜಯ ಹೇ ಶಬರೀಗಿರಿಮಂದಿರಸುಂದರ ಪಾಲಯ ಮಾಮನಿಶಮ್ || ೩ ||
ನಿಶಿಸುರಪೂಜನಮಂಗಳವಾದನಮಾಲ್ಯವಿಭೂಷಣಮೋದಮತೇ
ಸುರಯುವತೀಕೃತವಂದನ ನರ್ತನನಂದಿತಮಾನಸಮಂಜುತನೋ |
ಕಲಿಮನುಜಾದ್ಭುತ ಕಲ್ಪಿತಕೋಮಲನಾಮಸುಕೀರ್ತನಮೋದತನೋ
ಜಯ ಜಯ ಹೇ ಶಬರೀಗಿರಿಮಂದಿರಸುಂದರ ಪಾಲಯ ಮಾಮನಿಶಮ್ || ೪ ||
ಅಪರಿಮಿತಾದ್ಭುತಲೀಲ ಜಗತ್ಪರಿಪಾಲ ನಿಜಾಲಯಚಾರುತನೋ
ಕಲಿಜನಪಾಲನ ಸಂಕಟವಾರಣ ಪಾಪಜನಾವನಲಬ್ಧತನೋ |
ಪ್ರತಿದಿವಸಾಗತದೇವವರಾರ್ಚಿತ ಸಾಧುಮುಖಾಗತಕೀರ್ತಿತನೋ
ಜಯ ಜಯ ಹೇ ಶಬರೀಗಿರಿಮಂದಿರಸುಂದರ ಪಾಲಯ ಮಾಮನಿಶಮ್ || ೫ ||
ಕಲಿಮಲಕಾಲನ ಕಂಜವಿಲೋಚನ ಕುಂದಸುಮಾನನ ಕಾಂತತನೋ
ಬಹುಜನಮಾನಸಕಾಮಸುಪೂರಣ ನಾಮಜಪೋತ್ತಮ ಮಂತ್ರತನೋ |
ನಿಜಗಿರಿದರ್ಶನಯಾತುಜನಾರ್ಪಿತಪುತ್ರಧನಾದಿಕಧರ್ಮತನೋ
ಜಯ ಜಯ ಹೇ ಶಬರೀಗಿರಿಮಂದಿರಸುಂದರ ಪಾಲಯ ಮಾಮನಿಶಮ್ || ೬ ||
ಶತಮಖಪಾಲಕ ಶಾಂತಿವಿಧಾಯಕ ಶತ್ರುವಿನಾಶಕ ಶುದ್ಧತನೋ
ತರುನಿಕರಾಲಯ ದೀನಕೃಪಾಲಯ ತಾಪಸಮಾನಸ ದೀಪ್ತತನೋ |
ಹರಿಹರಸಂಭವ ಪದ್ಮಸಮುದ್ಭವ ವಾಸವಶಂಭವಸೇವ್ಯತನೋ
ಜಯ ಜಯ ಹೇ ಶಬರೀಗಿರಿಮಂದಿರಸುಂದರ ಪಾಲಯ ಮಾಮನಿಶಮ್ || ೭ ||
ಮಮಕುಲದೈವತ ಮತ್ಪಿತೃಪೂಜಿತ ಮಾಧವಲಾಲಿತಮಂಜುಮತೇ
ಮುನಿಜನಸಂಸ್ತುತ ಮುಕ್ತಿವಿಧಾಯಕ ಶಂಕರಪಾಲಿತ ಶಾಂತಮತೇ |
ಜಗದಭಯಂಕರ ಜನ್ಮಫಲಪ್ರದ ಚಂದನಚರ್ಚಿತಚಂದ್ರರುಚೇ
ಜಯ ಜಯ ಹೇ ಶಬರೀಗಿರಿಮಂದಿರಸುಂದರ ಪಾಲಯ ಮಾಮನಿಶಮ್ || ೮ ||
ಅಮಲಮನಂತಪದಾನ್ವಿತರಾಮಸುದೀಕ್ಷಿತ ಸತ್ಕವಿಪದ್ಯಮಿದಂ
ಶಿವಶಬರೀಗಿರಿಮಂದಿರಸಂಸ್ಥಿತತೋಷದಮಿಷ್ಟದಮಾರ್ತಿಹರಮ್ |
ಪಠತಿ ಶೃಣೋತಿ ಚ ಭಕ್ತಿಯುತೋ ಯದಿ ಭಾಗ್ಯಸಮೃದ್ಧಿಮಥೋ ಲಭತೇ
ಜಯ ಜಯ ಹೇ ಶಬರೀಗಿರಿಮಂದಿರಸುಂದರ ಪಾಲಯ ಮಾಮನಿಶಮ್ || ೯ ||
ಇತಿ ಶ್ರೀರಾಮಸುದೀಕ್ಷಿತಸತ್ಕವಿ ಕೃತಂ ಶ್ರೀ ಶಬರೀಗಿರೀಶಾಷ್ಟಕಮ್ |
ಇನ್ನಷ್ಟು ಶ್ರೀ ಅಯ್ಯಪ್ಪ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
