Read in తెలుగు / ಕನ್ನಡ / தமிழ் / देवनागरी / English (IAST)
yajanasupūjitayōgivarārcita yāduvināśaka yōgatanō
yativarakalpitayantrakr̥tāsanayakṣavarārpitapuṣpatanō |
yamaniyamāsanayōgihr̥dāsanapāpanivāraṇakālatanō
jaya jaya hē śabarīgirimandirasundara pālaya māmaniśam || 1 ||
makaramahōtsava maṅgaladāyaka bhūtagaṇāvr̥tadēvatanō
madhuripumanmathamārakamānita dīkṣitamānasamānyatanō |
madagajasēvita mañjulanādakavādyasughōṣitamōdatanō
jaya jaya hē śabarīgirimandirasundara pālaya māmaniśam || 2 ||
jaya jaya hē śabarīgirināyaka sādhaya cintitamiṣṭatanō
kalivaradōttama kōmalakuntala kañjasumāvalikāntatanō |
kalivarasaṁsthita kālabhayārdita bhaktajanāvanatuṣṭamatē
jaya jaya hē śabarīgirimandirasundara pālaya māmaniśam || 3 ||
niśisurapūjanamaṅgalavādanamālyavibhūṣaṇamōdamatē
surayuvatīkr̥tavandana nartanananditamānasamañjutanō |
kalimanujādbhuta kalpitakōmalanāmasukīrtanamōdatanō
jaya jaya hē śabarīgirimandirasundara pālaya māmaniśam || 4 ||
aparimitādbhutalīla jagatparipāla nijālayacārutanō
kalijanapālana saṅkaṭavāraṇa pāpajanāvanalabdhatanō |
pratidivasāgatadēvavarārcita sādhumukhāgatakīrtitanō
jaya jaya hē śabarīgirimandirasundara pālaya māmaniśam || 5 ||
kalimalakālana kañjavilōcana kundasumānana kāntatanō
bahujanamānasakāmasupūraṇa nāmajapōttama mantratanō |
nijagiridarśanayātujanārpitaputradhanādikadharmatanō
jaya jaya hē śabarīgirimandirasundara pālaya māmaniśam || 6 ||
śatamakhapālaka śāntividhāyaka śatruvināśaka śuddhatanō
tarunikarālaya dīnakr̥pālaya tāpasamānasa dīptatanō |
hariharasambhava padmasamudbhava vāsavaśambhavasēvyatanō
jaya jaya hē śabarīgirimandirasundara pālaya māmaniśam || 7 ||
mamakuladaivata matpitr̥pūjita mādhavalālitamañjumatē
munijanasaṁstuta muktividhāyaka śaṅkarapālita śāntamatē |
jagadabhayaṅkara janmaphalaprada candanacarcitacandrarucē
jaya jaya hē śabarīgirimandirasundara pālaya māmaniśam || 8 ||
amalamanantapadānvitarāmasudīkṣita satkavipadyamidaṁ
śivaśabarīgirimandirasaṁsthitatōṣadamiṣṭadamārtiharam |
paṭhati śr̥ṇōti ca bhaktiyutō yadi bhāgyasamr̥ddhimathō labhatē
jaya jaya hē śabarīgirimandirasundara pālaya māmaniśam || 9 ||
iti śrīrāmasudīkṣitasatkavi kr̥taṁ śrī śabarīgirīśāṣṭakam |
See more śrī ayyappā stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
