Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀಲಲಿತಾತ್ರಿಪುರಸುಂದರ್ಯೈ ನಮಃ |
ಓಂ ಪರಮಕಾರಣಭೂತಾ ಶಕ್ತಿಃ ಕೇನ ನವಚಕ್ರರೂಪೋ ದೇಹಃ | ನವಚಕ್ರಶಕ್ತಿಮಯಂ ಶ್ರೀಚಕ್ರಮ್ ವಾರಾಹೀಪಿತೃರೂಪಾ ಕುರುಕುಲ್ಲಾ ಬಲಿದೇವತಾ ಮಾತಾ | | ಪುರುಷಾರ್ಥಾಃ ಸಾಗರಾಃ | ದೇಹೋ ನವರತ್ನೇ ದ್ವೀಪಃ | ಆಧಾರನವಕಮುದ್ರಾಃ ಶಕ್ತಯಃ | ತ್ವಗಾದಿಸಪ್ತಧಾತುಭಿರನೇಕೈಃ ಸಂಯುಕ್ತಾಃ ಸಂಕಲ್ಪಾಃ ಕಲ್ಪತರವಃ | ತೇಜಃ ಕಲ್ಪಕೋದ್ಯಾನಮ್ ||
ರಸನಯಾ ಭಾಸಮಾನಾ ಮಧುರಾಮ್ಲತಿಕ್ತಕಟುಕಷಾಯಲವಣರಸಾಃ ಷಡ್ರಸಾಃ | ಕ್ರಿಯಾಶಕ್ತಿಃ ಪೀಠಂ ಕುಂಡಲಿನೀ ಜ್ಞಾನಶಕ್ತಿರಹಮಿಚ್ಛಾಶಕ್ತಿಃ | ಮಹಾತ್ರಿಪುರಸುಂದರೀ ಜ್ಞಾತಾ ಹೋತಾ | ಜ್ಞಾನಮರ್ಧ್ಯಂ ಜ್ಞೇಯಂ ಹವಿಃ
ಜ್ಞಾತೃಜ್ಞಾನಜ್ಞೇಯಾನಾಂ ನಮೋಭೇದಭಾವನಂ ಶ್ರೀಚಕ್ರಪೂಜನಮ್ ||
ನಿಯತಿಸಹಿತಶೃಂಗಾರಾದಯೋ ನವರಸಾಃ | ಅಣಿಮಾದಯಃ ಕಾಮಕ್ರೋಧಲೋಭಮೋಹಮದಮಾತ್ಸರ್ಯಪುಣ್ಯಪಾಪಮಯಾ ಬ್ರಾಹ್ಮ್ಯಾದಯೋಽಷ್ಟಶಕ್ತಯಃ | ಆಧಾರನವಕಮುದ್ರಾ ಶಕ್ತಯಃ | ಪೃಥ್ವ್ಯಪ್ತೇಜೋವಾಯ್ವಾಕಾಶಶ್ರೋತ್ರತ್ವಕ್ಚಕ್ಷುರ್ಜಿಹ್ವಾ-ಪ್ರಾಣವಾಕ್ಪಾಣಿಪಾದಪಾಯೂಪಸ್ಥಮನೋವಿಕಾರಾಃ ಷೋಡಶಶಕ್ತಯಃ | ವಚನಾದಾನಗಮನವಿಸರ್ಗಾನಂದಾದಾನೋಪಾದಾನೋಪೇಕ್ಷಾ-ಬುದ್ಧಯೋಽನಂಗಕುಸುಮಾದಿಶಕ್ತಯೋಽಷ್ಟೌ | ಅಲಂಬುಷಾಕುಹೂವಿಶ್ವೋದರೀವರುಣಾಹಸ್ತಿಜಿಹ್ವಾಯಶಸ್ವಿನೀ-
ಗಾಂಧಾರೀಪೂಷಾಸರಸ್ವತೀಡಾಪಿಂಗಲಾಸುಷುಮ್ನಾ ಚೇತಿ ಚತುರ್ದಶನಾಡಯಃ ಸರ್ವಸಂಕ್ಷೋಭಿಣ್ಯಾದಿಚತುರ್ದಶಾರದೇವತಾಃ ||
ಪ್ರಾಣಾಪಾನವ್ಯಾನೋದಾನಸಮಾನನಾಗಕೂರ್ಮಕೃಕಲದೇವದತ್ತಧನಂಜಯಾ ದಶವಾಯವಃ ಸರ್ವಸಿದ್ಧಿಪ್ರದಾದಿ ಬಹಿರ್ದಶಾರದೇವತಾಃ | ಏತದ್ವಾಯುದಶಕಸಂಸರ್ಗೋಪಾಧಿಭೇದೇನ ರೇಚಕಪೂರಕಪೋಷಕದಾಹಕಾಲ್ಪಾವಕಾಮೃತಮಿತಿ ಪ್ರಾಣಃ ಸಂಖ್ಯತ್ವೇನ ಪಂಚವಿಧೋಽಸ್ತಿ | ಜಠರಾಗ್ನಿರ್ಮನುಷ್ಯಾಣಾಂ ಮೋಹಕೋ ಭಕ್ಷ್ಯಭೋಜ್ಯಲೇಹ್ಯಚೋಷ್ಯಾತ್ಮಕಂ ಚತುರ್ವಿಧಮನ್ನಂ ಪಾಚಯತಿ | ತದಾ
ಕಾಶವಾನ್ಸಕಲಾಃ ಸರ್ವಜ್ಞತ್ವಾದ್ಯಂತರ್ದಶಾರದೇವತಾಃ ||
ಶೀತೋಷ್ಣಸುಖದುಃಖೇಚ್ಛಾಸತ್ವರಜಸ್ತಮೋಗುಣಾದಯ ವಶಿನ್ಯಾದಿಶಕ್ತಯೋಽಷ್ಟೌ | ಶಬ್ದಸ್ಪರ್ಶರೂಪರಸಗಂಧಾಃ ಪಂಚತನ್ಮಾತ್ರಾಃ ಪಂಚಪುಷ್ಪಬಾಣಾ ಮನ ಇಕ್ಷುಧನುರ್ವಲ್ಯೋ ಬಾಣೋ ರಾಗಃ ಪಾಶೋ ದ್ವೇಷೋಽಂಕುಶಃ | ಅವ್ಯಕ್ತಮಹತ್ತತ್ತ್ವಾಹಂಕಾರಕಾಮೇಶ್ವರೀವಜ್ರೇಶ್ವರೀ-ಭಗಮಾಲಿನ್ಯೋಽಂತಸ್ತ್ರಿಕೋಣಾಗ್ರದೇವತಾಃ ||
ಪಂಚದಶತಿಥಿರೂಪೇಣ ಕಾಲಸ್ಯ ಪರಿಣಾಮಾವಲೋಕನಪಂಚದಶನಿತ್ಯಾಃ ಶುದ್ಧಾನುರುಪಾಧಿದೇವತಾಃ | ನಿರುಪಾಧಿಸಾರ್ವದೇವಕಾಮೇಶ್ವರೀ ಸದಾಽಽನಂದಪೂರ್ಣಾ | ಸ್ವಾತ್ಮ್ಯೈಕ್ಯರೂಪಲಲಿತಾಕಾಮೇಶ್ವರೀ ಸದಾಽಽನಂದಘನಪೂರ್ಣಾ ಸ್ವಾತ್ಮೈಕ್ಯರೂಪಾ ದೇವತಾ ಲಲಿತಾಮಿತಿ ||
ಸಾಹಿತ್ಯಕರಣಂ ಸತ್ತ್ವಂ | ಕರ್ತ್ತವ್ಯಮಕರ್ತ್ತವ್ಯಮಿತಿ ಭಾವನಾಮುಕ್ತಾ ಉಪಚಾರಾಃ | ಅಹಂ ತ್ವಮಸ್ತಿ ನಾಸ್ತಿ ಕರ್ತ್ತವ್ಯಾಕರ್ತ್ತವ್ಯಮುಪಾಸಿತವ್ಯಾನುಪಾಸಿತವ್ಯಮಿತಿ ವಿಕಲ್ಪನಾ | ಮನೋವಿಲಾಪನಂ ಹೋಮಃ ||
ಬಾಹ್ಯಾಭ್ಯಂತರಕರಣಾನಾಂ ರೂಪಗ್ರಹಣಯೋಗ್ಯತಾಸ್ತೀತ್ಯಾವಾಹನಮ್ | ತಸ್ಯ ಬಾಹ್ಯಾಭ್ಯಂತರಕರಣಾನಾಮೇಕರೂಪವಿಷಯಗ್ರಹಣಮಾಸನಮ್ | ರಕ್ತಶುಕ್ಲಪದೈಕೀಕರಣಂ ಪಾದ್ಯಮ್ | ಉಜ್ಜ್ವಲದಾಮೋದಾಽಽನಂದಾತ್ಸಾನಂದನಮರ್ಘ್ಯಮ್ | ಸ್ವಚ್ಛಾಸ್ವತಃ ಶಕ್ತಿರಿತ್ಯಾಚಮನಮ್ | ಚಿಚ್ಚಂದ್ರಮಯೀಸ್ಮರಣಂ ಸ್ನಾನಮ್ | ಚಿದಗ್ನಿಸ್ವರೂಪಪರಮಾನಂದಶಕ್ತಿಸ್ಮರಣಂ ವಸ್ತ್ರಮ್ | ಪ್ರತ್ಯೇಕಂ ಸಪ್ತವಿಂಶತಿಧಾಭಿನ್ನತ್ವೇನ ಇಚ್ಛಾಕ್ರಿಯಾತ್ಮಕಬ್ರಹ್ಮಗ್ರಂಥಿಮಯೀ ಸತಂತುಬ್ರಹ್ಮನಾಡೀ ಬ್ರಹ್ಮಸೂತ್ರಂ ಸವ್ಯಾತಿರಿಕ್ತವಸ್ತ್ರಮ್ | ಸಂಗರಹಿತಂ ಸ್ಮರಣಂ ವಿಭೂಷಣಮ್ | ಸ್ವಚ್ಛಂದಪರಿಪೂರ್ಣಸ್ಮರಣಂ ಗಂಧಃ | ಸಮಸ್ತವಿಷಯಾಣಾಂ ಮನಃಸ್ಥೈರ್ಯೇಣಾನುಸಂಧಾನಂ ಕುಸುಮಮ್ | ತೇಷಾಮೇವ ಸರ್ವದಾ ಸ್ವೀಕರಣಂ ಧೂಪಃ | ಪವನಾಚ್ಛಿನ್ನೋರ್ಧ್ವಜ್ವಾಲಾಸಚ್ಚಿದಾಹ್ಲಾದಾಕಾಶದೇಹೋ ದೀಪಃ | ಸಮಸ್ತಯಾತಾಯಾತವರ್ಜನಂ ನೈವೇದ್ಯಮ್ | ಅವಸ್ಥಾತ್ರಯೈಕೀಕರಣಂ ತಾಂಬೂಲಮ್ | ಮೂಲಾಧಾರಾದಾಬ್ರಹ್ಮರಂಧ್ರಪರ್ಯಂತಂ ಬ್ರಹ್ಮರಂಧ್ರಾದಾಮೂಲಾಧಾರಪರ್ಯಂತಂ ಗತಾಗತರೂಪೇಣ ಪ್ರಾದಕ್ಷಿಣ್ಯಮ್ | ತುರೀಯಾವಸ್ಥಾನಂ ಸಂಸ್ಕಾರದೇಹಶೂನ್ಯಂ ಪ್ರಮಾದಿತಾವತಿಮಜ್ಜನಂ ಬಲಿಹರಣಮ್ | ಸತ್ತ್ವಮಸ್ತಿ ಕರ್ತ್ತವ್ಯಮಕರ್ತ್ತವ್ಯಮೌದಾಸೀನ್ಯಮಾತ್ಮವಿಲಾಪನಂ ಹೋಮಃ | ಭಾವನಾವಿಷಯಾಣಾಮಭೇದಭಾವನಾ ತರ್ಪಣಮ್ | ಸ್ವಯಂ ತತ್ಪಾದುಕಾನಿಮಜ್ಜನಂ ಪರಿಪೂರ್ಣಧ್ಯಾನಮ್ ||
ಏವಂ ಮೂರ್ತಿತ್ರಯಂ ಭಾವನಯಾ ಯುಕ್ತೋ ಮುಕ್ತೋ ಭವತಿ | ತಸ್ಯ ದೇವತಾತ್ಮೈಕ್ಯಸಿದ್ಧಿಶ್ಚಿತಿಕಾರ್ಯಾಣ್ಯಪ್ರಯತ್ನೇನ ಸಿಧ್ಯಂತಿ ಸ ಏವ ಶಿವಯೋಗೀತಿ ಕಥ್ಯತೇ ||
ಇತಿ ಶ್ರೀಲಲಿತೋಪನಿಷತ್ಸಂಪೂರ್ಣಾ |
ಇನ್ನಷ್ಟು ಉಪನಿಷತ್ತುಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
