Sri Lakshmi Ashtottara Shatanama Stotram 2 – ಶ್ರೀ ಲಕ್ಷ್ಮೀ ಅಷ್ಟೋತ್ತರಶತನಾಮ ಸ್ತೋತ್ರಂ – ೨


ಶ್ರೀರ್ಲಕ್ಷ್ಮೀ ಕಮಲಾ ದೇವೀ ಮಾ ಪದ್ಮಾ ಕಮಲಾಲಯಾ |
ಪದ್ಮೇಸ್ಥಿತಾ ಪದ್ಮವರ್ಣಾ ಪದ್ಮಿನೀ ಮಣಿಪಂಕಜಾ || ೧

ಪದ್ಮಪ್ರಿಯಾ ನಿತ್ಯಪುಷ್ಟಾ ಹ್ಯುದಾರಾ ಪದ್ಮಮಾಲಿನೀ |
ಹಿರಣ್ಯವರ್ಣಾ ಹರಿಣೀ ಹ್ಯರ್ಘ್ಯಾ ಚಂದ್ರಾ ಹಿರಣ್ಮಯೀ || ೨

ಆದಿತ್ಯವರ್ಣಾಽಶ್ವಪೂರ್ವಾ ಹಸ್ತಿನಾದಪ್ರಬೋಧಿನೀ |
ರಥಮಧ್ಯಾ ದೇವಜುಷ್ಟಾ ಸುವರ್ಣರಜತಸ್ರಜಾ || ೩

ಗಂಧಧ್ವಾರಾ ದುರಾಧರ್ಷಾ ತರ್ಪಯಂತೀ ಕರೀಷಿಣೀ |
ಪಿಂಗಳಾ ಸರ್ವಭೂತಾನಾಂ ಈಶ್ವರೀ ಹೇಮಮಾಲಿನೀ || ೪

ಕಾಂಸೋಸ್ಮಿತಾ ಪುಷ್ಕರಿಣೀ ಜ್ವಲನ್ತ್ಯನಪಗಾಮಿನೀ |
ಸೂರ್ಯಾ ಸುಪರ್ಣಾ ಮಾತಾ ಚ ವಿಷ್ಣುಪತ್ನೀ ಹರಿಪ್ರಿಯಾ || ೫

ಆರ್ದ್ರಾ ಯಃ ಕರಿಣೀ ಗಂಗಾ ವೈಷ್ಣವೀ ಹರಿವಲ್ಲಭಾ |
ಶ್ರಯಣೀಯಾ ಚ ಹೈರಣ್ಯಪ್ರಾಕಾರಾ ನಳಿನಾಲಯಾ || ೬

ವಿಶ್ವಪ್ರಿಯಾ ಮಹಾದೇವೀ ಮಹಾಲಕ್ಷ್ಮೀ ವರಾ ರಮಾ |
ಪದ್ಮಾಲಯಾ ಪದ್ಮಹಸ್ತಾ ಪದ್ಮಾ ಗಂಧರ್ವಸೇವಿತಾ || ೭

ಆಯಾಸಹಾರಿಣೀ ದಿವ್ಯಾ ಶ್ರೀದೇವೀ ಚಂದ್ರಸೋದರೀ |
ವರಾರೋಹಾ ಭೃಗುಸುತಾ ಲೋಕಮಾತಾಽಮೃತೋದ್ಭವಾ || ೮

ಸಿಂಧುಜಾ ಶಾರ‍್ಙ್ಗಿಣೀ ಸೀತಾ ಮುಕುಂದಮಹಿಷೀಂದಿರಾ |
ವಿರಿಂಚಿಜನನೀ ಧಾತ್ರೀ ಶಾಶ್ವತಾ ದೇವಪೂಜಿತಾ || ೯

ದುಗ್ಧಾ ವೈರೋಚನೀ ಗೌರೀ ಮಾಧವ್ಯಚ್ಯುತವಲ್ಲಭಾ |
ನಾರಾಯಣೀ ರಾಜ್ಯಲಕ್ಷ್ಮೀಃ ಮೋಹಿನೀ ಸುರಸುಂದರೀ || ೧೦

ಸುರೇಶಸೇವ್ಯಾ ಸಾವಿತ್ರೀ ಸಂಪೂರ್ಣಾಯುಷ್ಕರೀ ಸತೀ |
ಸರ್ವದುಃಖಹರಾರೋಗ್ಯಕಾರಿಣೀ ಸತ್ಕಳತ್ರಿಕಾ || ೧೧

ಸಂಪತ್ಕರೀ ಜಯಿತ್ರೀ ಚ ಸತ್ಸಂತಾನಪ್ರದೇಷ್ಟದಾ |
ವಿಷ್ಣುವಕ್ಷಃಸ್ಥಲಾವಾಸಾ ವಾರಾಹೀ ವಾರಣಾರ್ಚಿತಾ || ೧೨

ಧರ್ಮಜ್ಞಾ ಸತ್ಯಸಂಕಲ್ಪಾ ಸಚ್ಚಿದಾನಂದವಿಗ್ರಹಾ |
ಧರ್ಮದಾ ಧನದಾ ಸರ್ವಕಾಮದಾ ಮೋಕ್ಷದಾಯಿನೀ || ೧೩

ಸರ್ವಶತ್ರುಕ್ಷಯಕರೀ ಸರ್ವಾಭೀಷ್ಟಫಲಪ್ರದಾ || ೧೪

ಇತಿ ಶ್ರೀಲಕ್ಷ್ಮೀ ಅಷ್ಟೋತ್ತರಶತನಾಮಸ್ತೋತ್ರಮ್ |


గమనిక: "శ్రీ లక్ష్మీ స్తోత్రనిధి" పారాయణ గ్రంథము తెలుగులో ముద్రణ చేయుటకు ఆలోచన చేయుచున్నాము.

Report mistakes and corrections in Stotranidhi content.

Facebook Comments

ನಿಮ್ಮದೊಂದು ಉತ್ತರ

ನಿಮ್ಮ ಮಿಂಚೆ ವಿಳಾಸ ಎಲ್ಲೂ ಪ್ರಕಟವಾಗುವುದಿಲ್ಲ.

error: Not allowed
%d bloggers like this: