Sri Krishna Stotram (Vasudeva kritam) – ಶ್ರೀ ಕೃಷ್ಣ ಸ್ತೋತ್ರಂ (ವಸುದೇವ ಕೃತಂ)


ವಸುದೇವ ಉವಾಚ –
ತ್ವಾಮತೀಂದ್ರಿಯಮವ್ಯಕ್ತಮಕ್ಷರಂ ನಿರ್ಗುಣಂ ವಿಭುಮ್ |
ಧ್ಯಾನಾಸಾಧ್ಯಂ ಚ ಸರ್ವೇಷಾಂ ಪರಮಾತ್ಮಾನಮೀಶ್ವರಮ್ || ೧ ||

ಸ್ವೇಚ್ಛಾಮಯಂ ಸರ್ವರೂಪಂ ಸ್ವೇಚ್ಛಾರೂಪಧರಂ ಪರಮ್ |
ನಿರ್ಲಿಪ್ತಂ ಪರಮಂ ಬ್ರಹ್ಮ ಬೀಜರೂಪಂ ಸನಾತನಮ್ || ೨ ||

ಸ್ಥೂಲಾತ್ ಸ್ಥೂಲತರಂ ಪ್ರಾಪ್ತಮತಿಸೂಕ್ಷ್ಮಮದರ್ಶನಮ್ |
ಸ್ಥಿತಂ ಸರ್ವಶರೀರೇಷು ಸಾಕ್ಷಿರೂಪಮದೃಶ್ಯಕಮ್ || ೩ ||

ಶರೀರವಂತಂ ಸಗುಣಮಶರೀರಂ ಗುಣೋತ್ಕರಂ |
ಪ್ರಕೃತಿಂ ಪ್ರಕೃತೀಶಂ ಚ ಪ್ರಾಕೃತಂ ಪ್ರಕೃತೇಃ ಪರಮ್ || ೪ ||

ಸರ್ವೇಶಂ ಸರ್ವರೂಪಂ ಚ ಸರ್ವಾಂತಕರಮವ್ಯಯಮ್ |
ಸರ್ವಾಧಾರಂ ನಿರಾಧಾರಂ ನಿರ್ವ್ಯೂಹಂ ಸ್ತೌಮಿ ಕಿಂ ವಿಭುಮ್ || ೫ ||

ಅನಂತಃ ಸ್ತವನೇಽಶಕ್ತೋಽಶಕ್ತಾ ದೇವೀ ಸರಸ್ವತೀ |
ಯಂ ವಾ ಸ್ತೋತುಮಶಕ್ತಶ್ಚ ಪಂಚವಕ್ತ್ರಃ ಷಡಾನನಃ || ೬ ||

ಚತುರ್ಮುಖೋ ವೇದಕರ್ತಾ ಯಂ ಸ್ತೋತುಮಕ್ಷಮಃ ಸದಾ |
ಗಣೇಶೋ ನ ಸಮರ್ಥಶ್ಚ ಯೋಗೀಂದ್ರಾಣಾಂ ಗುರೋರ್ಗುರುಃ || ೭ ||

ಋಷಯೋ ದೇವತಾಶ್ಚೈವ ಮುನೀಂದ್ರಮನುಮಾನವಾಃ |
ಸ್ವಪ್ನೇ ತೇಷಾಮದೃಶ್ಯಂ ಚ ತ್ವಾಮೇವಂ ಕಿಂ ಸ್ತುವಂತಿ ತೇ || ೮ ||

ಶ್ರುತಯಃ ಸ್ತವನೇಽಶಕ್ತಾಃ ಕಿಂ ಸ್ತುವಂತಿ ವಿಪಶ್ಚಿತಃ |
ವಿಹಾಯೈವಂ ಶರೀರಂ ಚ ಬಾಲೋ ಭವಿತುಮರ್ಹಸಿ || ೯ ||

ವಸುದೇವಕೃತಂ ಸ್ತೋತ್ರಂ ತ್ರಿಸಂಧ್ಯಂ ಯಃ ಪಠೇನ್ನರಃ |
ಭಕ್ತಿಂ ದಾಸ್ಯಮವಾಪ್ನೋತಿ ಶ್ರೀಕೃಷ್ಣಚರಣಾಂಬುಜೇ || ೧೦ ||

ವಿಶಿಷ್ಟಪುತ್ರಂ ಲಭತೇ ಹರಿದಾಸಂ ಗುಣಾನ್ವಿತಮ್ |
ಸಂಕಟಂ ನಿಸ್ತರೇತ್ತೂರ್ಣಂ ಶತ್ರುಭೀತೇಃ ಪ್ರಮುಚ್ಯತೇ || ೧೧ ||


ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

ನಿಮ್ಮದೊಂದು ಉತ್ತರ

error: Not allowed