Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ కృష్ణ స్తోత్రనిధి” పారాయణ గ్రంథములో కూడా ఉన్నది. Click here to buy.]
త్వామతీంద్రియమవ్యక్తమక్షరం నిర్గుణం విభుమ్ |
ధ్యానాసాధ్యం చ సర్వేషాం పరమాత్మానమీశ్వరమ్ || ౧ ||
స్వేచ్ఛామయం సర్వరూపం స్వేచ్ఛారూపధరం పరమ్ |
నిర్లిప్తం పరమం బ్రహ్మ బీజరూపం సనాతనమ్ || ౨ ||
స్థూలాత్ స్థూలతరం ప్రాప్తమతిసూక్ష్మమదర్శనమ్ |
స్థితం సర్వశరీరేషు సాక్షిరూపమదృశ్యకమ్ || ౩ ||
శరీరవంతం సగుణమశరీరం గుణోత్కరమ్ |
ప్రకృతేః ప్రకృతీశం చ ప్రాకృతం ప్రకృతేః పరమ్ || ౪ ||
సర్వేశం సర్వరూపం చ సర్వాంతకరమవ్యయమ్ |
సర్వాధారం నిరాధారం నిర్వ్యూహం స్తౌమి కిం విభుమ్ || ౫ ||
అనంతః స్తవనేఽశక్తోఽశక్తా దేవీ సరస్వతీ |
యం వా స్తోతుమశక్తశ్చ పంచవక్త్రః షడాననః || ౬ ||
చతుర్ముఖో వేదకర్తా యం స్తోతుమక్షమః సదా |
గణేశో న సమర్థశ్చ యోగీంద్రాణాం గురోర్గురుః || ౭ ||
ఋషయో దేవతాశ్చైవ మునీంద్రమనుమానవాః |
స్వప్నే తేషామదృశ్యం చ త్వామేవం కిం స్తువంతి తే || ౮ ||
శ్రుతయః స్తవనేఽశక్తాః కిం స్తువంతి విపశ్చితః |
విహాయైవం శరీరం చ బాలో భవితుమర్హసి || ౯ ||
వసుదేవకృతం స్తోత్రం త్రిసంధ్యం యః పఠేన్నరః |
భక్తిం దాస్యమవాప్నోతి శ్రీకృష్ణచరణాంబుజే || ౧౦ ||
విశిష్టపుత్రం లభతే హరిదాసం గుణాన్వితమ్ |
సంకటం నిస్తరేత్తూర్ణం శత్రుభీతేః ప్రముచ్యతే || ౧౧ ||
ఇతి శ్రీబ్రహ్మవైవర్తమహాపురాణే శ్రీకృష్ణజన్మఖండే సప్తమోఽధ్యాయే వసుదేవకృత శ్రీ కృష్ణ స్తోత్రమ్ |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ కృష్ణ స్తోత్రనిధి
(నిత్య పారాయణ గ్రంథము)
See details – Click here to buy
మరిన్ని శ్రీ కృష్ణ స్తోత్రాలు చూడండి.
గమనిక: ఇటివలి ప్రచురణలు "శ్రీ కృష్ణ స్తోత్రనిధి" మరియు "శ్రీ ఆంజనేయ స్తోత్రనిధి"
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
