Read in తెలుగు / ಕನ್ನಡ / தமிழ் / देवनागरी / English (IAST)
ಬ್ರಹ್ಮೋವಾಚ –
ರಕ್ಷ ರಕ್ಷ ಹರೇ ಮಾಂ ಚ ನಿಮಗ್ನಂ ಕಾಮಸಾಗರೇ |
ದುಷ್ಕೀರ್ತಿಜಲಪೂರ್ಣೇ ಚ ದುಷ್ಪಾರೇ ಬಹುಸಂಕಟೇ || ೧ ||
ಭಕ್ತಿವಿಸ್ಮೃತಿಬೀಜೇ ಚ ವಿಪತ್ಸೋಪಾನದುಸ್ತರೇ |
ಅತೀವ ನಿರ್ಮಲಜ್ಞಾನಚಕ್ಷುಃ ಪ್ರಚ್ಛನ್ನಕಾರಿಣೇ || ೨ ||
ಜನ್ಮೋರ್ಮಿಸಂಗಸಹಿತೇ ಯೋಷಿನ್ನಕ್ರೌಘಸಂಕುಲೇ |
ರತಿಸ್ರೋತಸ್ಸಮಾಯುಕ್ತೇ ಗಂಭೀರೇ ಘೋರ ಏವ ಚ || ೩ ||
ಪ್ರಥಮಾಮೃತರೂಪೇ ಚ ಪರಿಣಾಮವಿಷಾಲಯೇ |
ಯಮಾಲಯಪ್ರವೇಶಾಯ ಮುಕ್ತಿದ್ವಾರಾತಿವಿಸ್ಮೃತೌ || ೪ ||
ಬುದ್ಧ್ಯಾ ತರಣ್ಯಾ ವಿಜ್ಞಾನೈರುದ್ಧರಾಸ್ಮಾನತಸ್ಸ್ವಯಮ್ |
ಸ್ವಯಂ ಚ ತ್ವಂ ಕರ್ಣಧಾರಃ ಪ್ರಸೀದ ಮಧುಸೂದನ || ೫ ||
ಮದ್ವಿಧಾಃ ಕತಿಚಿನ್ನಾಥ ನಿಯೋಜ್ಯಾ ಭವಕರ್ಮಣಿ |
ಸಂತಿ ವಿಶ್ವೇಶ ವಿಧಯೋ ಹೇ ವಿಶ್ವೇಶ್ವರ ಮಾಧವ || ೬ ||
ನ ಕರ್ಮಕ್ಷೇತ್ರಮೇವೇದಂ ಬ್ರಹ್ಮಲೋಕೋಽಯಮೀಪ್ಸಿತಃ |
ಅಥಾಪಿ ನ ಸ್ಪೃಹಾ ಕಾಮೇ ತ್ವದ್ಭಕ್ತಿವ್ಯವಧಾಯಕೇ || ೭ ||
ಹೇ ನಾಥ ಕರುಣಾಸಿಂಧೋ ದೀನಬಂಧೋ ಕೃಪಾಂ ಕುರು |
ತ್ವಂ ಮಹೇಶ ಮಹಾಜ್ಞಾತಾ ದುಸ್ಸ್ವಪ್ನಂ ಮಾಂ ನ ದರ್ಶಯ || ೮ ||
ಇತ್ಯುಕ್ತ್ವಾ ಜಗತಾಂ ಧಾತಾ ವಿರರಾಮ ಸನಾತನಃ |
ಧ್ಯಾಯಂ ಧ್ಯಾಯಂ ಮತ್ಪದಾಬ್ಜಂ ಶಶ್ವತ್ಸಸ್ಮಾರ ಮಾಮಿತಿ || ೯ ||
ಬ್ರಹ್ಮಣಾ ಚ ಕೃತಂ ಸ್ತೋತ್ರಂ ಭಕ್ತಿಯುಕ್ತಶ್ಚ ಯಃ ಪಠೇತ್ |
ಸ ಚೈವಾಕರ್ಮವಿಷಯೇ ನ ನಿಮಗ್ನೋ ಭವೇದ್ಧ್ರುವಮ್ || ೧೦ ||
ಮಮ ಮಾಯಾಂ ವಿನಿರ್ಜಿತ್ಯ ಸುಜ್ಞಾನಂ ಲಭತೇ ಧ್ರುವಮ್ |
ಇಹ ಲೋಕೇ ಭಕ್ತಿಯುಕ್ತೋ ಮದ್ಭಕ್ತಪ್ರವರೋ ಭವೇತ್ || ೧೧ ||
ಇತಿ ಶ್ರೀಬ್ರಹ್ಮದೇವಕೃತ ಶ್ರೀಕೃಷ್ಣಸ್ತೋತ್ರಂ |
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
ಗಮನಿಸಿ :"ಪ್ರಭಾತ ಸ್ತೋತ್ರನಿಧಿ" ಪುಸ್ತಕ ಬಿಡುಗಡೆಯಾಗಿದೆ ಮತ್ತು ಈಗ ಖರೀದಿಗೆ ಲಭ್ಯವಿದೆ. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
