Read in తెలుగు / ಕನ್ನಡ / தமிழ் / देवनागरी / English (IAST)
brahmōvāca –
rakṣa rakṣa harē māṁ ca nimagnaṁ kāmasāgarē |
duṣkīrtijalapūrṇē ca duṣpārē bahusaṅkaṭē || 1 ||
bhaktivismr̥tibījē ca vipatsōpānadustarē |
atīva nirmalajñānacakṣuḥ pracchannakāriṇē || 2 ||
janmōrmisaṅgasahitē yōṣinnakraughasaṅkulē |
ratisrōtassamāyuktē gambhīrē ghōra ēva ca || 3 ||
prathamāmr̥tarūpē ca pariṇāmaviṣālayē |
yamālayapravēśāya muktidvārātivismr̥tau || 4 ||
buddhyā taraṇyā vijñānairuddharāsmānatassvayam |
svayaṁ ca tvaṁ karṇadhāraḥ prasīda madhusūdana || 5 ||
madvidhāḥ katicinnātha niyōjyā bhavakarmaṇi |
santi viśvēśa vidhayō hē viśvēśvara mādhava || 6 ||
na karmakṣētramēvēdaṁ brahmalōkō:’yamīpsitaḥ |
athāpi na spr̥hā kāmē tvadbhaktivyavadhāyakē || 7 ||
hē nātha karuṇāsindhō dīnabandhō kr̥pāṁ kuru |
tvaṁ mahēśa mahājñātā dussvapnaṁ māṁ na darśaya || 8 ||
ityuktvā jagatāṁ dhātā virarāma sanātanaḥ |
dhyāyaṁ dhyāyaṁ matpadābjaṁ śaśvatsasmāra māmiti || 9 ||
brahmaṇā ca kr̥taṁ stōtraṁ bhaktiyuktaśca yaḥ paṭhēt |
sa caivākarmaviṣayē na nimagnō bhavēddhruvam || 10 ||
mama māyāṁ vinirjitya sujñānaṁ labhatē dhruvam |
iha lōkē bhaktiyuktō madbhaktapravarō bhavēt || 11 ||
iti śrībrahmadēvakr̥ta śrīkr̥ṣṇastōtram |
See more śrī kr̥ṣṇa stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
