Read in తెలుగు / ಕನ್ನಡ / தமிழ் / देवनागरी / English (IAST)
ನಮಾಮಿ ಕಾಳಿಕಾ ದೇವೀಂ ಕಲಿಕಲ್ಮಷನಾಶಿನೀಮ್ |
ನಮಾಮಿ ಶಂಭುಪತ್ನೀಂ ಚ ನಮಾಮಿ ಭವಸುಂದರೀಮ್ || ೧ ||
ಆದ್ಯಾಂ ದೇವೀ ನಮಸ್ಕೃತ್ಯ ನಮಸ್ತ್ರೈಲೋಕ್ಯಮೋಹಿನೀಮ್ |
ನಮಾಮಿ ಸತ್ಯಸಂಕಲ್ಪಾಂ ಸರ್ವಪರ್ವತವಾಸಿನೀಮ್ || ೨ ||
ಪಾರ್ವತೀಂ ಚ ನಮಸ್ಕೃತ್ಯ ನಮೋ ನಿತ್ಯಂ ನಗಾತ್ಮಜೇ || ೩ ||
ಮಾತಸ್ತ್ವದೀಯ ಚರಣಂ ಶರಣಂ ಸುರಾಣಾಂ
ಧ್ಯಾನಾಸ್ಪದೈರ್ದಿಶತಿ ವಾಂಛಿತವಾಂಛನೀಯಮ್ |
ಯೇಷಾಂ ಹೃದಿ ಸ್ಫುರತಿ ತಚ್ಚರಣಾರವಿಂದಂ
ಧನ್ಯಾಸ್ತ ಏವ ನಿಯತಂ ಸುರಲೋಕಪೂಜ್ಯಾಃ || ೪ ||
ಗಂಧೈಃ ಶುಭೈಃ ಕುಂಕುಮ ಪಂಕಲೇಪೈ
ಮತಿಸ್ತ್ವದೀಯಂ ಚರಣಂ ಹಿ ಭಕ್ತಾಃ |
ಸ್ಮರಂತಿ ಶೃಣ್ವಂತಿ ಲುಠಂತಿಧೀರಾ-
-ಸ್ತೇಷಾಂ ಜರಾನೈವ ಭವೇದ್ಭವಾನಿ || ೫ ||
ತವಾಂಘ್ರಿ ಪದ್ಮಂ ಶರಣಂ ಸುರಾಣಾಂ
ಪರಾಪರಾ ತ್ವಂ ಪರಮಾ ಪ್ರಕೃಷ್ಟಿಃ |
ದಿನೇ ದಿನೇ ದೇವ ಭವೇತ್ ಕರಸ್ಥಃ
ಕಿಮನ್ಯಮುಚ್ಚೈಃ ಕಥಯಂತಿ ಸಂತಃ || ೬ ||
ಕವೀಂದ್ರಾಣಾಂ ದರ್ಪಂ ಕರಕಮಲಶೋಭಾ ಪರಿಚಿತಮ್ |
ವಿಧುನ್ವಜ್ಜಂಘಾ ಮೇ ಸಕಲಗಣಮೇತದ್ಗಿರಿಸುತೇ || ೭ ||
ಅತಸ್ತ್ವತ್ಪಾದಾಬ್ಜಂ ಜನನಿ ಸತತಂ ಚೇತಸಿ ಮಮ |
ಹಿತಂ ನಾರೀಭೂತಂ ಪ್ರಣಿಹಿತಪದಂ ಶಾಂಕರಮಪಿ || ೮ ||
ಯೇ ತೇ ದರಿದ್ರಾಃ ಸತತಂ ಹಿ ಮಾತ-
-ಸ್ತ್ವದೀಯಪಾದಂ ಮನಸಾ ನಮಂತಿ |
ದೇವಾಸುರಾಃ ಸಿದ್ಧವರಾಶ್ಚ ಸರ್ವೇ
ತವ ಪ್ರಸಾದಾತ್ ಸತತಂ ಲುಠಂತಿ || ೯ ||
ಹರಿಸ್ತ್ವತ್ಪಾದಾಬ್ಜಂ ನಿಖಿಲಜಗತಾಂ ಭೂತಿರಭವತ್ |
ಶಿವೋ ಧ್ಯಾತ್ವಾ ಧ್ಯಾತ್ವಾ ಕಿಮಪಿ ಪರಮಂ ತತ್ಪರತರಮ್ || ೧೦ ||
ಪ್ರಜಾನಾಂ ನಾಥೋಽಯಂ ತದನು ಜಗತಾಂ ಸೃಷ್ಟಿವಿಹಿತಮ್ |
ಕಿಮನ್ಯತ್ತೇ ಮಾತಸ್ತವ ಚರಣಯುಗ್ಮಸ್ಯ ಫಲತಾ || ೧೧ ||
ಇಂದ್ರಃ ಸುರಾಣಾಂ ಶರಣಂ ಶರಣ್ಯೇ
ಪ್ರಜಾಪತಿಃ ಕಾಶ್ಯಪ ಏವ ನಾನ್ಯಃ |
ವರಃ ಪತಿರ್ವಿಷ್ಣುಭವಃ ಪರೇಶಿ
ತ್ವದೀಯಪಾದಾಬ್ಜಫಲಂ ಸಮಸ್ತಮ್ || ೧೨ ||
ತ್ವದೀಯನಾಭೀ ನವ ಪಲ್ಲವೇವಾ
ನವಾಂಕುರೈರ್ಲೋಮವರೈಃ ಪ್ರಫುಲ್ಲಮ್ |
ಸದಾ ವರೇಣ್ಯೇ ಶರಣಂ ವಿಧೇಹಿ
ಕಿಂ ವಾಪರಂ ಚಿತ್ತವರೈರ್ವಿಭಾವ್ಯಮ್ || ೧೩ ||
ತ್ವದೀಯ ಪಾದಾರ್ಚಿತ ವಸ್ತು ಸಂಭವಃ
ಸುರಾಸುರೈಃ ಪೂಜ್ಯಮವಾಯ ಶಂಭುಃ |
ತ್ವದೀಯ ಪಾದಾರ್ಚನ ತತ್ಪರೇ ಹರಿಃ
ಸುದರ್ಶನಾಧೀಶ್ವರತಾಮುಪಾಲಭತ್ || ೧೪ ||
ಧರಿತ್ರೀ ಗಂಧರೂಪೇಣ ರಸೇನ ಚ ಜಲಂ ಧೃತಮ್ |
ತೇಜೋ ವಹ್ನಿಸ್ವರೂಪೇಣ ಪ್ರಣವೇ ಬ್ರಹ್ಮರೂಪಧೃಕ್ || ೧೫ ||
ಮುಖಂ ಚಂದ್ರಾಕಾರಂ ತ್ರಿಭುವನಪದೇ ಯಾಮಸಹಿತಂ
ತ್ರಿನೇತ್ರಂ ಮೇ ಮಾತಃ ಪರಿಹರತಿ ಯಃ ಸ್ಯಾತ್ ಸ ತು ಪಶುಃ |
ನ ಸಿದ್ಧಿಸ್ತಸ್ಯ ಸ್ಯಾತ್ ಸುರತಸತತಂ ವಿಶ್ವಮಖಿಲಂ
ಕಟಾಕ್ಷೈಸ್ತೇ ಮಾತಃ ಸಫಲಪದಪದ್ಮಂ ಸ ಲಭತೇ || ೧೬ ||
ಋತುಸ್ತ್ವಂ ಹರಿಸ್ತ್ವಂ ಶಿವಸ್ತ್ವಂ ಮುರಾರೇಃ
ಪುರಾ ತ್ವಂ ಪರಾ ತ್ವಂ ಸದಶೀರ್ಮುರಾರೇಃ |
ಹರಸ್ತ್ವಂ ಹರಿಸ್ತ್ವಂ ಶಿವಸ್ತ್ವಂ ಶಿವಾನಾಂ
ಗತಿಸ್ತ್ವಂ ಗತಿಸ್ತ್ವಂ ಗತಿಸ್ತ್ವಂ ಭವಾನಿ || ೧೭ ||
ನವಾಽಹಂ ನವಾ ತ್ವಂ ನವಾ ವಾ ಕ್ರಿಯಾಯಾ
ವರಸ್ತ್ವಂ ಚರುಸ್ತ್ವಂ ಶರಣ್ಯಂ ಶರಾಯಾಃ |
ನದಸ್ತವಂ ನದೀಂ ತ್ವಂ ಗತಿಸ್ತ್ವಂ ನಿಧೀನಾಂ
ಸುತಸ್ತ್ವಂ ಸುತಾ ತ್ವಂ ಪಿತಾ ತ್ವಂ ಗೃಹೀಣಾಮ್ || ೧೮ ||
ತ್ವದೀಯ ಮುಂಡಾಖ್ಯ ಭವಾನಿ ಮಾಲಾಂ
ವಿಧಾಯ ಚಿತ್ತೇ ಭವ ಪದ್ಮಜಾಪ್ಯಃ |
ಸುರಾಧಿಪತ್ವಂ ಲಭತೇ ಮುನೀಂದ್ರಃ
ಶರಣ್ಯಮೇತತ್ ಕಿಮಯೀಹ ಚಾನ್ಯತ್ || ೧೯ ||
ನರಸ್ಯ ಮುಂಡಂ ಚ ತಥಾ ಹಿ ಖಡ್ಗಂ
ಭುಜದ್ವಯೇ ಯೇ ಮನಸಾ ಜಪಂತಿ |
ಸವ್ಯೇತರೇ ದೇವಿ ವರಾಭಯಂ ಚ
ಭವಂತಿ ತೇ ಸಿದ್ಧಜನಾ ಮುನೀಂದ್ರಾಃ || ೨೦ ||
ಶಿರೋಪರಿ ತ್ವಾಂ ಹೃದಯೇ ನಿಧಾಯ
ಜಪಂತಿ ವಿದ್ಯಾಂ ಹೃದಯೇ ಕದಾಚಿತ್ |
ಸದಾ ಭವೇತ್ಕಾವ್ಯರಸಸ್ಯ ವೇತ್ತಾ
ಅಂತೇ ಪರದ್ವಂದ್ವಮುಪಾಶ್ರಯೇತ || ೨೧ ||
ದಿಗಂಬರಾ ತ್ವಾಂ ಮನಸಾ ವಿಚಿಂತ್ಯ
ಜಪೇತ್ಪರಾಖ್ಯಾಂ ಜಗತಾಂ ಜನೀತಿ |
ಜಪೇತ್ಪರಾಖ್ಯಾಂ ಜಗತಾಂ ಮತಿಶ್ಚ
ಕಿಂವಾ ಪರಾಖ್ಯಾಂ ಶರಣಂ ಭವಾಮಃ || ೨೨ ||
ಶಿವಾವಿರಾವೈಃ ಪರಿವೇಷ್ಟಿತಾಂ ತ್ವಾಂ
ನಿಧಾಯ ಚಿತ್ತೇ ಸತತಂ ಜಪಂತಿ |
ಭವೇಯ ದೇವೇಶಿ ಪರಾಪರಾದಿ
ನಿರೀಶತಾಂ ದೇವಿ ಪರಾ ವದಂತಿ || ೨೩ ||
ತ್ವದೀಯ ಶೃಂಗಾರರಸಂ ನಿಧಾಯ
ಜಪಂತಿ ಮಂತ್ರಂ ಯದಿ ವೇದಮುಖ್ಯಾ |
ಭವಂತಿ ತೇ ದೇವಿ ಜನಾಪವಾದಂ
ಕವಿಃ ಕವೀನಾಮಪಿ ಚಾಗ್ರಜನ್ಮಾ || ೨೪ ||
ವಿಕೀರ್ಣವೇಶಾಂ ಮನಸಾ ನಿಧಾಯ
ಜಪಂತಿ ವಿದ್ಯಾಂ ಚಕಿತಂ ಕದಾಚಿತ್ |
ಸುಧಾಧಿಪತ್ಯಂ ಲಭತೇ ನರಃ ಸ
ಕಿಮಸ್ತಿ ಭೂಮ್ಯಾಂ ಶೃಣು ಕಾಲಕಾಳಿ || ೨೫ ||
ತ್ವದೀಯ ಬೀಜತ್ರಯಮಾತರೇತ-
-ಜ್ಜಪಂತಿ ಸಿದ್ಧಾಸ್ತು ವಿಮುಕ್ತಿಹೇತೋಃ |
ತದೇವ ಮಾತಸ್ತವಪಾದಪದ್ಮಾ
ಭವಂತಿ ಸಿದ್ಧಿಶ್ಚ ದಿನತ್ರಯೇಽಪಿ || ೨೬ ||
ತ್ವದೀಯ ಕೂರ್ಚದ್ವಯಜಾಪಕತ್ವಾ-
-ತ್ಸುರಾಸುರೇಭ್ಯೋಽಪಿ ಭವೇಚ್ಚ ವರ್ಣಃ |
ಧನಿತ್ವ ಪಾಂಡಿತ್ಯಮಯಂತಿ ಸರ್ವೇ
ಕಿಂ ವಾ ಪರಾನ್ ದೇವಿ ಪರಾಪರಾಖ್ಯಾ || ೨೭ ||
ತ್ವದೀಯ ಲಜ್ಜಾದ್ವಯ ಜಾಪಕತ್ವಾ-
-ದ್ಭವೇನ್ಮಹೇಶಾನಿ ಚತುರ್ಥಸಿದ್ಧಿಃ |
ತ್ವದೀಯ ಸತ್ಸಿದ್ಧಿ ವರಪ್ರಸಾದಾ-
-ತ್ತವಾಧಿಪತ್ಯಂ ಲಭತೇ ನರೇಶಃ || ೨೮ ||
ತತಃ ಸ್ವನಾಮ್ನಃ ಶೃಣು ಮಾತರೇತ-
-ತ್ಫಲಂ ಚತುರ್ವರ್ಗ ವದಂತಿ ಸಂತಃ |
ಬೀಜತ್ರಯಂ ವೈ ಪುನರಪ್ಯುಪಾಸ್ಯ
ಸುರಾಧಿಪತ್ಯಂ ಲಭತೇ ಮುನೀಂದ್ರಃ || ೨೯ ||
ಪುನಸ್ತಥಾ ಕೂರ್ಚಯುಗಂ ಜಪಂತಿ
ನಮಂತಿ ಸಿದ್ಧಾ ನರಸಿಂಹರೂಪಾ |
ತತೋಽಪಿ ಲಜ್ಜಾದ್ವಯಜಾಪಕತ್ವಾ
ಲಭಂತಿ ಸಿದ್ಧಿಂ ಮನಸೋ ಜನಾಸ್ತೇ || ೩೦ ||
ತ್ರಿಪಂಚಾರೇ ಚಕ್ರೇ ಜನನಿ ಸತತಂ ಸಿದ್ಧಿ ಸಹಿತಾಮ್ |
ವಿಚಿನ್ವನ್ ಸಂಚಿನ್ವನ್ ಪರಮಮಮೃತಂ ದಕ್ಷಿಣ ಪದಮ್ || ೩೧ ||
ಸದಾಕಾಳೀ ಧ್ಯಾತ್ವಾ ವಿಧಿ ವಿಹಿತ ಪೂಜಾಪರಿಕರಾ |
ನ ತೇಷಾಂ ಸಂಸಾರೇ ವಿಭವಪರಿಭಂಗಪ್ರಮಥನೇ || ೩೨ ||
ತ್ವಂ ಶ್ರೀಸ್ತ್ವಮೀಶ್ವರೀ ಕಾಳೀ ತ್ವಂ ಹ್ರೀಸ್ತ್ವಂ ಚ ಕರಾಳಿಕಾ |
ಲಜ್ಜಾ ಲಕ್ಷ್ಮೀಃ ಸತೀ ಗೌರೀ ನಿತ್ಯಾಚಿಂತ್ಯಾ ಚಿತಿಃ ಕ್ರಿಯಾ || ೩೩ ||
ಅಕುಲ್ಯಾದ್ಯೈಶ್ಚಿತ್ತೇ ಪ್ರಚಯಪದಪದ್ಯೈಃ ಪದಯುತೈಃ
ಸದಾ ಜಪ್ತ್ವಾ ಸ್ತುತ್ವಾ ಜಪತಿ ಹೃದಿ ಮಂತ್ರಂ ಮನುವಿದಾ |
ನ ತೇಷಾಂ ಸಂಸಾರೇ ವಿಭವಪರಿಭಂಗಪ್ರಮಥನೇ
ಕ್ಷಣಂ ಚಿತ್ತಂ ದೇವಿ ಪ್ರಭವತಿ ವಿರುದ್ಧೇ ಪರಿಕರಮ್ || ೩೪ ||
ತ್ರಯಸ್ತ್ರಿಂಶೈಃ ಶ್ಲೋಕೈರ್ಯದಿ ಜಪತಿ ಮಂತ್ರಂ ಸ್ತವತಿ ಚ
ನಮಚ್ಚೈತಾನೇತಾನ್ ಪರಮಮೃತಕಲ್ಪಂ ಸುಖಕರಮ್ |
ಭವೇತ್ ಸಿದ್ಧಿ ಶುದ್ಧೌ ಜಗತಿ ಶಿರಸಾ ತ್ವತ್ಪದಯುಗಮ್
ಪ್ರಣಮ್ಯಂ ಪ್ರಕಾಮ್ಯಂ ವರಸುರಜನೈಃ ಪೂಜ್ಯವಿತತಿಮ್ || ೩೫ ||
ಇತಿ ಶ್ರೀ ಕಾಳೀ ಕ್ರಮ ಸ್ತವಃ |
ಇನ್ನಷ್ಟು ಶ್ರೀ ಕಾಳಿಕಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
