Read in తెలుగు / ಕನ್ನಡ / தமிழ் / देवनागरी / English (IAST)
ಸುಕಲ್ಯಾಣೀಂ ವಾಣೀಂ ಸುರಮುನಿವರೈಃ ಪೂಜಿತಪದಾಂ
ಶಿವಾಮಾದ್ಯಾಂ ವಂದ್ಯಾಂ ತ್ರಿಭುವನಮಯೀಂ ವೇದಜನನೀಮ್ |
ಪರಾಂ ಶಕ್ತಿಂ ಸ್ರಷ್ಟುಂ ವಿವಿಧವಿಧರೂಪಾಂ ಗುಣಮಯೀಂ
ಭಜೇಽಂಬಾಂ ಗಾಯತ್ರೀಂ ಪರಮಸುಭಗಾನಂದಜನನೀಮ್ || ೧ ||
ವಿಶುದ್ಧಾಂ ಸತ್ತ್ವಸ್ಥಾಮಖಿಲದುರವಸ್ಥಾದಿಹರಣೀಂ
ನಿರಾಕಾರಾಂ ಸಾರಾಂ ಸುವಿಮಲ ತಪೋಮೂರ್ತಿಮತುಲಾಮ್ |
ಜಗಜ್ಜ್ಯೇಷ್ಠಾಂ ಶ್ರೇಷ್ಠಾಮಸುರಸುರಪೂಜ್ಯಾಂ ಶ್ರುತಿನುತಾಂ
ಭಜೇಽಂಬಾಂ ಗಾಯತ್ರೀಂ ಪರಮಸುಭಗಾನಂದಜನನೀಮ್ || ೨ ||
ತಪೋನಿಷ್ಠಾಭೀಷ್ಟಾಂ ಸ್ವಜನಮನಸಂತಾಪಶಮನೀಂ
ದಯಾಮೂರ್ತಿಂ ಸ್ಫೂರ್ತಿಂ ಯತಿತತಿ ಪ್ರಸಾದೈಕಸುಲಭಾಮ್ |
ವರೇಣ್ಯಾಂ ಪುಣ್ಯಾಂ ತಾಂ ನಿಖಿಲಭವಬಂಧಾಪಹರಣೀಂ
ಭಜೇಽಂಬಾಂ ಗಾಯತ್ರೀಂ ಪರಮಸುಭಗಾನಂದಜನನೀಮ್ || ೩ ||
ಸದಾರಾಧ್ಯಾಂ ಸಾಧ್ಯಾಂ ಸುಮತಿಮತಿವಿಸ್ತಾರಕರಣೀಂ
ವಿಶೋಕಾಮಾಲೋಕಾಂ ಹೃದಯಗತಮೋಹಾಂಧಹರಣೀಮ್ |
ಪರಾಂ ದಿವ್ಯಾಂ ಭವ್ಯಾಮಗಮಭವಸಿಂಧ್ವೇಕ ತರಣೀಂ
ಭಜೇಽಂಬಾಂ ಗಾಯತ್ರೀಂ ಪರಮಸುಭಗಾನಂದಜನನೀಮ್ || ೪ ||
ಅಜಾಂ ದ್ವೈತಾಂ ತ್ರೈತಾಂ ವಿವಿಧಗುಣರೂಪಾಂ ಸುವಿಮಲಾಂ
ತಮೋಹಂತ್ರೀಂ ತಂತ್ರೀಂ ಶ್ರುತಿಮಧುರನಾದಾಂ ರಸಮಯೀಮ್ |
ಮಹಾಮಾನ್ಯಾಂ ಧನ್ಯಾಂ ಸತತಕರುಣಾಶೀಲ ವಿಭವಾಂ
ಭಜೇಽಂಬಾಂ ಗಾಯತ್ರೀಂ ಪರಮಸುಭಗಾನಂದಜನನೀಮ್ || ೫ ||
ಜಗದ್ಧಾತ್ರೀಂ ಪಾತ್ರೀಂ ಸಕಲಭವಸಂಹಾರಕರಣೀಂ
ಸುವೀರಾಂ ಧೀರಾಂ ತಾಂ ಸುವಿಮಲ ತಪೋರಾಶಿಸರಣೀಮ್ |
ಅನೇಕಾಮೇಕಾಂ ವೈ ತ್ರಿಜಗತ್ಸದಧಿಷ್ಠಾನಪದವೀಂ
ಭಜೇಽಂಬಾಂ ಗಾಯತ್ರೀಂ ಪರಮಸುಭಗಾನಂದಜನನೀಮ್ || ೬ ||
ಪ್ರಬುದ್ಧಾಂ ಬುದ್ಧಾಂ ತಾಂ ಸ್ವಜನತತಿಜಾಡ್ಯಾಪಹರಣೀಂ
ಹಿರಣ್ಯಾಂ ಗುಣ್ಯಾಂ ತಾಂ ಸುಕವಿಜನ ಗೀತಾಂ ಸುನಿಪುಣೀಮ್ |
ಸುವಿದ್ಯಾಂ ನಿರವದ್ಯಾಮಮಲಗುಣಗಾಥಾಂ ಭಗವತೀಂ
ಭಜೇಽಂಬಾಂ ಗಾಯತ್ರೀಂ ಪರಮಸುಭಗಾನಂದಜನನೀಮ್ || ೭ ||
ಅನಂತಾಂ ಶಾಂತಾಂ ಯಾಂ ಭಜತಿ ಬುಧವೃಂದಃ ಶ್ರುತಿಮಯೀಂ
ಸುಗೇಯಾಂ ಧ್ಯೇಯಾಂ ಯಾಂ ಸ್ಮರತಿ ಹೃದಿ ನಿತ್ಯಂ ಸುರಪತಿಃ |
ಸದಾ ಭಕ್ತ್ಯಾ ಶಕ್ತ್ಯಾ ಪ್ರಣತಮತಿಭಿಃ ಪ್ರೀತಿವಶಗಾಂ
ಭಜೇಽಂಬಾಂ ಗಾಯತ್ರೀಂ ಪರಮಸುಭಗಾನಂದಜನನೀಮ್ || ೮ ||
ಶುದ್ಧಚಿತ್ತಃ ಪಠೇದ್ಯಸ್ತು ಗಾಯತ್ರ್ಯಾ ಅಷ್ಟಕಂ ಶುಭಮ್ |
ಅಹೋ ಭಾಗ್ಯೋ ಭವೇಲ್ಲೋಕೇ ತಸ್ಮಿನ್ ಮಾತಾ ಪ್ರಸೀದತಿ || ೯ ||
ಇತಿ ಶ್ರೀ ಗಾಯತ್ರೀ ಅಷ್ಟಕಮ್ ||
ಇನ್ನಷ್ಟು ಶ್ರೀ ಗಾಯತ್ರೀ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
