Read in తెలుగు / ಕನ್ನಡ / தமிழ் / देवनागरी / English (IAST)
sukalyāṇīṁ vāṇīṁ suramunivaraiḥ pūjitapadāṁ
śivāmādyāṁ vandyāṁ tribhuvanamayīṁ vēdajananīm |
parāṁ śaktiṁ sraṣṭuṁ vividhavidharūpāṁ guṇamayīṁ
bhajē:’mbāṁ gāyatrīṁ paramasubhagānandajananīm || 1 ||
viśuddhāṁ sattvasthāmakhiladuravasthādiharaṇīṁ
nirākārāṁ sārāṁ suvimala tapōmūrtimatulām |
jagajjyēṣṭhāṁ śrēṣṭhāmasurasurapūjyāṁ śrutinutāṁ
bhajē:’mbāṁ gāyatrīṁ paramasubhagānandajananīm || 2 ||
tapōniṣṭhābhīṣṭāṁ svajanamanasantāpaśamanīṁ
dayāmūrtiṁ sphūrtiṁ yatitati prasādaikasulabhām |
varēṇyāṁ puṇyāṁ tāṁ nikhilabhavabandhāpaharaṇīṁ
bhajē:’mbāṁ gāyatrīṁ paramasubhagānandajananīm || 3 ||
sadārādhyāṁ sādhyāṁ sumatimativistārakaraṇīṁ
viśōkāmālōkāṁ hr̥dayagatamōhāndhaharaṇīm |
parāṁ divyāṁ bhavyāmagamabhavasindhvēka taraṇīṁ
bhajē:’mbāṁ gāyatrīṁ paramasubhagānandajananīm || 4 ||
ajāṁ dvaitāṁ traitāṁ vividhaguṇarūpāṁ suvimalāṁ
tamōhantrīṁ tantrīṁ śrutimadhuranādāṁ rasamayīm |
mahāmānyāṁ dhanyāṁ satatakaruṇāśīla vibhavāṁ
bhajē:’mbāṁ gāyatrīṁ paramasubhagānandajananīm || 5 ||
jagaddhātrīṁ pātrīṁ sakalabhavasaṁhārakaraṇīṁ
suvīrāṁ dhīrāṁ tāṁ suvimala tapōrāśisaraṇīm |
anēkāmēkāṁ vai trijagatsadadhiṣṭhānapadavīṁ
bhajē:’mbāṁ gāyatrīṁ paramasubhagānandajananīm || 6 ||
prabuddhāṁ buddhāṁ tāṁ svajanatatijāḍyāpaharaṇīṁ
hiraṇyāṁ guṇyāṁ tāṁ sukavijana gītāṁ sunipuṇīm |
suvidyāṁ niravadyāmamalaguṇagāthāṁ bhagavatīṁ
bhajē:’mbāṁ gāyatrīṁ paramasubhagānandajananīm || 7 ||
anantāṁ śāntāṁ yāṁ bhajati budhavr̥ndaḥ śrutimayīṁ
sugēyāṁ dhyēyāṁ yāṁ smarati hr̥di nityaṁ surapatiḥ |
sadā bhaktyā śaktyā praṇatamatibhiḥ prītivaśagāṁ
bhajē:’mbāṁ gāyatrīṁ paramasubhagānandajananīm || 8 ||
śuddhacittaḥ paṭhēdyastu gāyatryā aṣṭakaṁ śubham |
ahō bhāgyō bhavēllōkē tasmin mātā prasīdati || 9 ||
iti śrī gāyatrī aṣṭakam ||
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
