Read in తెలుగు / ಕನ್ನಡ / தமிழ் / देवनागरी / English (IAST)
ರೈಭ್ಯ ಉವಾಚ |
ಗದಾಧರಂ ವಿಬುಧಜನೈರಭಿಷ್ಟುತಂ
ಧೃತಕ್ಷಮಂ ಕ್ಷುಧಿತಜನಾರ್ತಿನಾಶನಮ್ |
ಶಿವಂ ವಿಶಾಲಾಽಸುರಸೈನ್ಯಮರ್ದನಂ
ನಮಾಮ್ಯಹಂ ಹೃತಸಕಲಾಽಶುಭಂ ಸ್ಮೃತೌ || ೧ ||
ಪುರಾಣಪೂರ್ವಂ ಪುರುಷಂ ಪುರುಷ್ಟುತಂ
ಪುರಾತನಂ ವಿಮಲಮಲಂ ನೃಣಾಂ ಗತಿಮ್ |
ತ್ರಿವಿಕ್ರಮಂ ಹೃತಧರಣಿಂ ಬಲೋರ್ಜಿತಂ
ಗದಾಧರಂ ರಹಸಿ ನಮಾಮಿ ಕೇಶವಮ್ || ೨ ||
ವಿಶುದ್ಧಭಾವಂ ವಿಭವೈರುಪಾವೃತಂ
ಶ್ರಿಯಾ ವೃತಂ ವಿಗತಮಲಂ ವಿಚಕ್ಷಣಮ್ |
ಕ್ಷಿತೀಶ್ವರೈರಪಗತಕಿಲ್ಬಿಷೈಃ ಸ್ತುತಂ
ಗದಾಧರಂ ಪ್ರಣಮತಿ ಯಃ ಸುಖಂ ವಸೇತ್ || ೩ ||
ಸುರಾಽಸುರೈರರ್ಚಿತಪಾದಪಂಕಜಂ
ಕೇಯೂರಹಾರಾಂಗದಮೌಳಿಧಾರಿಣಮ್ |
ಅಬ್ಧೌ ಶಯಾನಂ ಚ ರಥಾಂಗಪಾಣಿನಂ
ಗದಾಧರಂ ಪ್ರಣಮತಿ ಯಃ ಸುಖಂ ವಸೇತ್ || ೪ ||
ಸಿತಂ ಕೃತೇ ತ್ರೇತಯುಗೇಽರುಣಂ ವಿಭುಂ
ತಥಾ ತೃತೀಯೇ ನೀಲವರ್ಣಮಚ್ಯುತಮ್ |
ಕಲೌ ಯುಗೇಽಲಿಪ್ರತಿಮಂ ಮಹೇಶ್ವರಂ
ಗದಾಧರಂ ಪ್ರಣಮತಿ ಯಃ ಸುಖಂ ವಸೇತ್ || ೫ ||
ಬೀಜೋದ್ಭವೋ ಯಃ ಸೃಜತೇ ಚತುರ್ಮುಖಂ
ತಥೈವ ನಾರಾಯಣರೂಪತೋ ಜಗತ್ |
ಪ್ರಪಾಲಯೇದ್ರುದ್ರವಪುಸ್ತಥಾಂತಕೃ-
-ದ್ಗದಾಧರೋ ಜಯತು ಷಡರ್ಧಮೂರ್ತಿಮಾನ್ || ೬ ||
ಸತ್ತ್ವಂ ರಜಶ್ಚೈವ ತಮೋ ಗುಣಾಸ್ತ್ರಯ-
-ಸ್ತ್ವೇತೇಷು ವಿಶ್ವಸ್ಯ ಸಮುದ್ಭವಃ ಕಿಲ |
ಸ ಚೈಕ ಏವ ತ್ರಿವಿಧೋ ಗದಾಧರೋ
ದಧಾತು ಧೈರ್ಯಂ ಮಮ ಧರ್ಮಮೋಕ್ಷಯೋಃ || ೭ ||
ಸಂಸಾರತೋಯಾರ್ಣವದುಃಖತಂತುಭಿ-
-ರ್ವಿಯೋಗನಕ್ರಕ್ರಮಣೈಃ ಸುಭೀಷಣೈಃ |
ಮಜ್ಜಂತಮುಚ್ಚೈಃ ಸುತರಾಂ ಮಹಾಪ್ಲವೋ
ಗದಾಧರೋ ಮಾಮುದಧೌ ತು ಯೋಽತರತ್ || ೮ ||
ಸ್ವಯಂ ತ್ರಿಮೂರ್ತಿಃ ಖಮಿವಾತ್ಮನಾತ್ಮನಿ
ಸ್ವಶಕ್ತಿತಶ್ಚಾಂಡಮಿದಂ ಸಸರ್ಜ ಹ |
ತಸ್ಮಿನ್ ಜಲೋತ್ಥಾಸನಮಾಪ ತೈಜಸಂ
ಸಸರ್ಜ ಯಸ್ತಂ ಪ್ರಣತೋಽಸ್ಮಿ ಭೂಧರಮ್ || ೯ ||
ಮತ್ಸ್ಯಾದಿನಾಮಾನಿ ಜಗತ್ಸು ಪ್ರಶ್ನುತೇ
ಸುರಾದಿಸಂರಕ್ಷಣತೋ ವೃಷಾಕಪಿಃ |
ಮುಖಸ್ವರೂಪೇಣ ಸ ಸಂತತೋ ವಿಭು-
-ರ್ಗದಾಧರೋ ಮೇ ವಿದಧಾತು ಸದ್ಗತಿಮ್ || ೧೦ ||
ಇತಿ ಶ್ರೀವರಾಹಪುರಾಣೇ ಸಪ್ತಮೋಽಧ್ಯಾಯೇ ರೈಭ್ಯ ಕೃತ ಶ್ರೀ ಗದಾಧರ ಸ್ತೋತ್ರಮ್ ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
