Sri Durga Ashtakam – ಶ್ರೀ ದುರ್ಗಾಷ್ಟಕಂ

ಕಾತ್ಯಾಯನಿ ಮಹಾಮಾಯೇ ಖಡ್ಗಬಾಣಧನುರ್ಧರೇ |
ಖಡ್ಗಧಾರಿಣಿ ಚಂಡಿ ದುರ್ಗಾದೇವಿ ನಮೋಽಸ್ತು ತೇ || ೧ ||

ವಸುದೇವಸುತೇ ಕಾಲಿ ವಾಸುದೇವಸಹೋದರೀ |
ವಸುಂಧರಾಶ್ರಿಯೇ ನಂದೇ ದುರ್ಗಾದೇವಿ ನಮೋಽಸ್ತು ತೇ || ೨ ||

ಯೋಗನಿದ್ರೇ ಮಹಾನಿದ್ರೇ ಯೋಗಮಾಯೇ ಮಹೇಶ್ವರೀ |
ಯೋಗಸಿದ್ಧಿಕರೀ ಶುದ್ಧೇ ದುರ್ಗಾದೇವಿ ನಮೋಽಸ್ತು ತೇ || ೩ ||

ಶಂಖಚಕ್ರಗದಾಪಾಣೇ ಶಾರ್ಙ್ಗಜ್ಯಾಯತಬಾಹವೇ |
ಪೀತಾಂಬರಧರೇ ಧನ್ಯೇ ದುರ್ಗಾದೇವಿ ನಮೋಽಸ್ತು ತೇ || ೪ ||

ಋಗ್ಯಜುಸ್ಸಾಮಾಥರ್ವಾಣಶ್ಚತುಸ್ಸಾಮಂತಲೋಕಿನೀ |
ಬ್ರಹ್ಮಸ್ವರೂಪಿಣಿ ಬ್ರಾಹ್ಮಿ ದುರ್ಗಾದೇವಿ ನಮೋಽಸ್ತು ತೇ || ೫ ||

ವೃಷ್ಣೀನಾಂ ಕುಲಸಂಭೂತೇ ವಿಷ್ಣುನಾಥಸಹೋದರೀ |
ವೃಷ್ಣಿರೂಪಧರೇ ಧನ್ಯೇ ದುರ್ಗಾದೇವಿ ನಮೋಽಸ್ತು ತೇ || ೬ ||

ಸರ್ವಜ್ಞೇ ಸರ್ವಗೇ ಶರ್ವೇ ಸರ್ವೇಶೇ ಸರ್ವಸಾಕ್ಷಿಣೀ |
ಸರ್ವಾಮೃತಜಟಾಭಾರೇ ದುರ್ಗಾದೇವಿ ನಮೋಽಸ್ತು ತೇ || ೭ ||

ಅಷ್ಟಬಾಹು ಮಹಾಸತ್ತ್ವೇ ಅಷ್ಟಮೀ ನವಮೀ ಪ್ರಿಯೇ |
ಅಟ್ಟಹಾಸಪ್ರಿಯೇ ಭದ್ರೇ ದುರ್ಗಾದೇವಿ ನಮೋಽಸ್ತು ತೇ || ೮ ||

ದುರ್ಗಾಷ್ಟಕಮಿದಂ ಪುಣ್ಯಂ ಭಕ್ತಿತೋ ಯಃ ಪಠೇನ್ನರಃ |
ಸರ್ವಕಾಮಮವಾಪ್ನೋತಿ ದುರ್ಗಾಲೋಕಂ ಸ ಗಚ್ಛತಿ || ೯ ||

ಇತಿ ಶ್ರೀ ದುರ್ಗಾಷ್ಟಕಮ್ ||


ಇನ್ನಷ್ಟು ಶ್ರೀ ದುರ್ಗಾ ಸ್ತೋತ್ರಗಳು ನೋಡಿ.


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

ನಿಮ್ಮದೊಂದು ಉತ್ತರ

ನಿಮ್ಮ ಮಿಂಚಂಚೆ ವಿಳಾಸ ಎಲ್ಲೂ ಪ್ರಕಟವಾಗುವುದಿಲ್ಲ.

error: Not allowed
%d bloggers like this: