Sri Durga Ashtakam – śrī durgāṣṭakam


kātyāyani mahāmāyē khaḍgabāṇadhanurdharē |
khaḍgadhāriṇi caṇḍi śrī durgādēvi namō:’stu tē || 1 ||

vasudēvasutē kāli vāsudēvasahōdari |
vasundharaśriyē nandē durgādēvi namō:’stu tē || 2 ||

yōganidrē mahānidrē yōgamāyē mahēśvari |
yōgasiddhikarī śuddhē durgādēvi namō:’stu tē || 3 ||

śaṅkhacakragadāpāṇē śārṅgajyāyatabāhavē |
pītāmbaradharē dhanyē durgādēvi namō:’stu tē || 4 ||

r̥gyajuḥ sāmātharvāṇaścatuḥ sāmantalōkini |
brahmasvarūpiṇi brāhmi durgādēvi namō:’stu tē || 5 ||

vr̥ṣṇīnāṁ kulasambhūtē viṣṇunāthasahōdari |
vr̥ṣṇirūpadharē dhanyē durgādēvi namō:’stu tē || 6 ||

sarvajñē sarvagē śarvē sarvēśē sarvasākṣiṇi |
sarvāmr̥tajaṭābhārē durgādēvi namō:’stu tē || 7 ||

aṣṭabāhu mahāsattvē aṣṭamī navamī priyē |
aṭ-ṭahāsapriyē bhadrē durgādēvi namō:’stu tē || 8 ||

durgāṣṭakamidaṁ puṇyaṁ bhaktitō yaḥ paṭhēnnaraḥ |
sarvakāmamavāpnōti durgālōkaṁ sa gacchati || 9 ||

iti śrī durgāṣṭakam |


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

Leave a Reply

error: Not allowed