Read in తెలుగు / ಕನ್ನಡ / தமிழ் / देवनागरी / English (IAST)
ಪ್ರಾತರ್ಯಾ ಸ್ಯಾತ್ಕುಮಾರೀ ಕುಸುಮಕಲಿಕಯಾ ಜಾಪಮಾಲಾಂ ಜಪಂತೀ
ಮಧ್ಯಾಹ್ನೇ ಪ್ರೌಢರೂಪಾ ವಿಕಸಿತವದನಾ ಚಾರುನೇತ್ರಾ ನಿಶಾಯಾಂ |
ಸಂಧ್ಯಾಯಾಂ ವೃದ್ಧರೂಪಾ ಗಲಿತಕುಚಯುಗಾ ಮುಂಡಮಾಲಾಂ ವಹಂತೀ
ಸಾ ದೇವೀ ದೇವದೇವೀ ತ್ರಿಭುವನಜನನೀ ಕಾಳಿಕಾ ಪಾತು ಯುಷ್ಮಾನ್ || ೧ ||
ಬಧ್ವಾ ಖಟ್ವಾಂಗಖೇಟೌ ಕಪಿಲವರಜಟಾಮಂಡಲಂ ಪದ್ಮಯೋನೇಃ
ಕೃತ್ವಾ ದೈತ್ಯೋತ್ತಮಾಂಗೈಃ ಸ್ರಜಮುರಸಿ ಶಿರಶ್ಶೇಖರಂ ತಾರ್ಕ್ಷ್ಯಪಕ್ಷೈಃ |
ಪೂರ್ಣಂ ರಕ್ತೈಃ ಸುರಾಣಾಂ ಯಮಮಹಿಷಮಹಾಶೃಂಗಮಾದಾಯ ಪಾಣೌ
ಪಾಯಾದ್ವೋ ವಂದ್ಯಮಾನ ಪ್ರಲಯ ಮುದಿತಯಾ ಭೈರವಃ ಕಾಳರಾತ್ರ್ಯಾಮ್ || ೨ ||
ಚರ್ವಂತೀಮಸ್ತಿಖಂಡಂ ಪ್ರಕಟಕಟಕಟಾ ಶಬ್ದಸಂಘಾತ ಮುಗ್ರಂ
ಕುರ್ವಾಣಾ ಪ್ರೇತಮಧ್ಯೇ ಕಹಹ ಕಹಕಹಾ ಹಾಸ್ಯಮುಗ್ರಂ ಕೃಶಾಂಗೀ |
ನಿತ್ಯಂ ನಿತ್ಯಪ್ರಸಕ್ತಾ ಡಮರುಡಮಡಿಮಾನ್ ಸ್ಫಾರಯಂತೀ ಮುಖಾಬ್ಜಂ
ಪಾಯಾನ್ನಶ್ಚಂಡಿಕೇಯಂ ಝಝಮಝಮಝಮಾ ಜಲ್ಪಮಾನಾ ಭ್ರಮಂತೀ || ೩ ||
ಟಂಟಂಟಂಟಂಟಟಂಟಾಪ್ರಕರ ಟಮಟಮಾನಾದಘಂಟಾ ವಹಂತೀ
ಸ್ಫೇಂಸ್ಫೇಂಸ್ಫೇಂಸ್ಫಾರ ಕಾರಾಟಕಟಕಿತಹಸಾ ನಾದಸಂಘಟ್ಟಭೀಮಾ |
ಲೋಲಾ ಮುಂಡಾಗ್ರಮಾಲಾ ಲಲ ಹಲಹಲಹಾ ಲೋಲಲೋಲಾಗ್ರ ವಾಚಂ
ಚರ್ವಂತೀ ಚಂಡಮುಂಡಂ ಮಟಮಟಮಟಿತೇ ಚರ್ವಯಂತೀಪುನಾತು || ೪ ||
ವಾಮೇಕರ್ಣೇ ಮೃಗಾಂಕಪ್ರಳಯಪರಿಗತಂ ದಕ್ಷಿಣೇ ಸೂರ್ಯಬಿಂಬಂ
ಕಂಠೇನಕ್ಷತ್ರಹಾರಂ ವರವಿಕಟಜಟಾಜೂಟಕೇಮುಂಡಮಾಲಾಂ |
ಸ್ಕಂಧೇ ಕೃತ್ವೋರಗೇಂದ್ರ ಧ್ವಜನಿಕರಯುತಂ ಬ್ರಹ್ಮಕಂಕಾಲಭಾರಂ
ಸಂಹಾರೇ ಧಾರಯಂತೀ ಮಮ ಹರತು ಭಯಂ ಭದ್ರದಾ ಭದ್ರಕಾಳೀ || ೫ ||
ತೈಲಾಭ್ಯಕ್ತೈಕವೇಣೀತ್ರಪುಮಯವಿಲಸತ್ಕರ್ಣಿಕಾಕ್ರಾಂತಕರ್ಣಾ
ಲೋಹೇನೈ ಕೇನ ಕೃತ್ವಾ ಚರಣನಳಿನಕಾ ಮಾತ್ಮನಃ ಪಾದಶೋಭಾಂ |
ದಿಗ್ವಾಸಾರಾಸಭೇನ ಗ್ರಸತಿ ಜಗದಿದಂ ಯಾ ಯವಾಕರ್ಣಪೂರಾ
ವರ್ಷಿಣ್ಯಾತಿಪ್ರಬದ್ಧಾ ಧ್ವಜವಿತತಭುಜಾ ಭಾಸಿ ದೇವಿ ತ್ವಮೇವ || ೬ ||
ಸಂಗ್ರಾಮೇ ಹೇತಿಕೃತ್ಯೈಃ ಸರುಧಿರದಶನೈರ್ಯದ್ಭಟಾನಾಂ ಶಿರೋಭಿಃ
ಮಾಲಾಮಾಬದ್ಧ್ಯಮೂರ್ಧ್ನಿ ಧ್ವಜವಿತತಭುಜಾ ತ್ವಂ ಶ್ಮಶಾನೇ ಪ್ರವಿಷ್ಟಾ |
ದೃಷ್ಟಾ ಭೂತಪ್ರಭೂತೈಃಪೃಥುತರಜಘನಾ ಬದ್ಧನಾಗೇಂದ್ರಕಾಂಚೀ
ಶೂಲಾಗ್ರವ್ಯಗ್ರಹಸ್ತಾ ಮಧುರುಧಿರವಸಾ ತಾಮ್ರನೇತ್ರಾ ನಿಶಾಯಾಮ್ || ೭ ||
ದಂಷ್ಟ್ರಾರೌದ್ರೇ ಮುಖೇಽಸ್ಮಿಂ ಸ್ತವ ವಿಶತಿ ಜಗದ್ದೇವಿ ಸರ್ವಂ ಕ್ಷಣಾರ್ಧಾತ್
ಸಂಸಾರಸ್ಯಾಂತಕಾಲೇ ನರರುಧಿರವಸಾಸಂಪ್ಲವೇ ಧೂಮಧೂಮ್ರೇ |
ಕಾಳಿ ಕಾಪಾಲಿಕೀ ಸಾ ಶವಶಯನರತಾ ಯೋಗಿನೀ ಯೋಗಮುದ್ರಾ
ರಕ್ತಾರೂಕ್ಷಾ ಸಭಾಸ್ಥಾ ಮರಣಭಯಹರಾ ತ್ವಂ ಶಿವಾ ಚಂಡಘಂಟಾ || ೮ ||
ಧೂಮಾವತ್ಯಷ್ಟಕಂ ಪುಣ್ಯಂ ಸರ್ವಾಪದ್ವಿನಿವಾರಣಂ |
ಯಃಪಠೇತ್ಸಾಧಕೋ ಭಕ್ತ್ಯಾ ಸಿದ್ಧಿಂ ವಿಂದತಿ ವಾಂಛಿತಾಮ್ || ೯ ||
ಮಹಾಪದಿ ಮಹಾಘೋರೇ ಮಹಾರೋಗೇ ಮಹಾರಣೇ |
ಶತ್ರೂಚ್ಚಾಟೇ ಮಾರಣಾದೌ ಜಂತೂನಾಂ ಮೋಹನೇ ತಥಾ || ೧೦ ||
ಪಠೇತ್ ಸ್ತೋತ್ರಮಿದಂ ದೇವಿ ಸರ್ವತಃ ಸಿದ್ಧಿಭಾಗ್ಭವೇತ್ |
ದೇವದಾನವಗಂಧರ್ವಾ ಯಕ್ಷರಾಕ್ಷಸಪನ್ನಗಾಃ || ೧೧ ||
ಸಿಂಹವ್ಯಾಘ್ರಾದಿಕಾಸ್ಸರ್ವೇ ಸ್ತೋತ್ರಸ್ಮರಣಮಾತ್ರತಃ |
ದೂರಾದ್ದೂರಾತರಂ ಯಾಂತಿ ಕಿಂಪುನರ್ಮಾನುಷಾದಯಃ || ೧೨ ||
ಸ್ತೋತ್ರೇಣಾನೇನ ದೇವೇಶಿ ಕಿನ್ನ ಸಿದ್ಧ್ಯತಿ ಭೂತಲೇ |
ಸರ್ವಶಾಂತಿರ್ಭವೇದ್ದೇವಿ ಅಂತೇ ನಿರ್ವಾಣತಾಂ ವ್ರಜೇತ್ || ೧೩ ||
ಇತಿ ಊರ್ಧ್ವಾಮ್ನಾಯೇ ಶ್ರೀ ಧೂಮವತೀಸ್ತೋತ್ರಂ ಸಂಪೂರ್ಣಮ್ |
ಇನ್ನಷ್ಟು ದಶಮಹಾವಿದ್ಯಾ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
