Read in తెలుగు / ಕನ್ನಡ / தமிழ் / देवनागरी / English (IAST)
ಪಾದಾರವಿಂದಭಕ್ತಲೋಕಪಾಲನೈಕಲೋಲುಪಂ
ಸದಾರಪಾರ್ಶ್ವಮಾತ್ಮಜಾದಿಮೋದಕಂ ಸುರಾಧಿಪಮ್ |
ಉದಾರಮಾದಿನಾಥಭೂತನಾಥಮದ್ಭುತಾತ್ಮವೈಭವಂ
ಸದಾ ರವೀಂದುಕುಂಡಲಂ ನಮಾಮಿ ಭಾಗ್ಯಸಂಭವಮ್ || ೧ ||
ಕೃಪಾಕಟಾಕ್ಷವೀಕ್ಷಣಂ ವಿಭೂತಿವೇತ್ರಭೂಷಣಂ
ಸುಪಾವನಂ ಸನಾತನಾದಿಸತ್ಯಧರ್ಮಪೋಷಣಮ್ |
ಅಪಾರಶಕ್ತಿಯುಕ್ತಮಾತ್ಮಲಕ್ಷಣಂ ಸುಲಕ್ಷಣಂ
ಪ್ರಭಾಮನೋಹರಂ ಹರೀಶಭಾಗ್ಯಸಂಭವಂ ಭಜೇ || ೨ ||
ಮೃಗಾಸನಂ ವರಾಸನಂ ಶರಾಸನಂ ಮಹೌಜಸಂ
ಜಗದ್ಧಿತಂ ಸಮಸ್ತಭಕ್ತಚಿತ್ತರಂಗಸಂಸ್ಥಿತಮ್ |
ನಗಾಧಿರಾಜರಾಜಯೋಗಪೀಠಮಧ್ಯವರ್ತಿನಂ
ಮೃಗಾಂಕಶೇಖರಂ ಹರೀಶಭಾಗ್ಯಸಂಭವಂ ಭಜೇ || ೩ ||
ಸಮಸ್ತಲೋಕಚಿಂತಿತಪ್ರದಂ ಸದಾ ಸುಖಪ್ರದಂ
ಸಮುತ್ಥಿತಾಪದಂಧಕಾರಕೃಂತನಂ ಪ್ರಭಾಕರಮ್ |
ಅಮರ್ತ್ಯನೃತ್ತಗೀತವಾದ್ಯಲಾಲಸಂ ಮದಾಲಸಂ
ನಮಸ್ಕರೋಮಿ ಭೂತನಾಥಮಾದಿಧರ್ಮಪಾಲಕಮ್ || ೪ ||
ಚರಾಚರಾಂತರಸ್ಥಿತ ಪ್ರಭಾಮನೋಹರ ಪ್ರಭೋ
ಸುರಾಸುರಾರ್ಚಿತಾಂಘ್ರಿಪಾದಪದ್ಮ ಭೂತನಾಯಕ |
ವಿರಾಜಮಾನವಕ್ತ್ರ ಭಕ್ತಮಿತ್ರ ವೇತ್ರಶೋಭಿತ
ಹರೀಶಭಾಗ್ಯಜಾತ ಸಾಧುಪಾರಿಜಾತ ಪಾಹಿ ಮಾಮ್ || ೫ ||
ಇತಿ ಶ್ರೀ ಧರ್ಮಶಾಸ್ತಾ ಪಂಚಕಮ್ |
ಇನ್ನಷ್ಟು ಶ್ರೀ ಅಯ್ಯಪ್ಪ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
