Read in తెలుగు / ಕನ್ನಡ / தமிழ் / देवनागरी / English (IAST)
pādāravindabhaktalōkapālanaikalōlupaṁ
sadārapārśvamātmajādimōdakaṁ surādhipam |
udāramādināthabhūtanāthamadbhutātmavaibhavaṁ
sadā ravīndukuṇḍalaṁ namāmi bhāgyasambhavam || 1 ||
kr̥pākaṭākṣavīkṣaṇaṁ vibhūtivētrabhūṣaṇaṁ
supāvanaṁ sanātanādisatyadharmapōṣaṇam |
apāraśaktiyuktamātmalakṣaṇaṁ sulakṣaṇaṁ
prabhāmanōharaṁ harīśabhāgyasambhavaṁ bhajē || 2 ||
mr̥gāsanaṁ varāsanaṁ śarāsanaṁ mahaujasaṁ
jagaddhitaṁ samastabhaktacittaraṅgasaṁsthitam |
nagādhirājarājayōgapīṭhamadhyavartinaṁ
mr̥gāṅkaśēkharaṁ harīśabhāgyasambhavaṁ bhajē || 3 ||
samastalōkacintitapradaṁ sadā sukhapradaṁ
samutthitāpadandhakārakr̥ntanaṁ prabhākaram |
amartyanr̥ttagītavādyalālasaṁ madālasaṁ
namaskarōmi bhūtanāthamādidharmapālakam || 4 ||
carācarāntarasthita prabhāmanōhara prabhō
surāsurārcitāṅghripādapadma bhūtanāyaka |
virājamānavaktra bhaktamitra vētraśōbhita
harīśabhāgyajāta sādhupārijāta pāhi mām || 5 ||
iti śrī dharmaśāstā pañcakam |
See more śrī ayyappā stōtrāṇi for chanting.
గమనిక: ఇటివలి ప్రచురణలు "శ్రీ కృష్ణ స్తోత్రనిధి" మరియు "శ్రీ ఆంజనేయ స్తోత్రనిధి"
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
