Sri Dharma Sastha Ashtakam 2 – ಶ್ರೀ ಧರ್ಮಶಾಸ್ತಾಷ್ಟಕಂ – ೨


ಗಜೇಂದ್ರಶಾರ್ದೂಲ ಮೃಗೇಂದ್ರವಾಹನಂ
ಮುನೀಂದ್ರಸಂಸೇವಿತ ಪಾದಪಂಕಜಮ್ |
ದೇವೀದ್ವಯೇನಾವೃತ ಪಾರ್ಶ್ವಯುಗ್ಮಂ
ಶಾಸ್ತಾರಮಾದ್ಯಂ ಸತತಂ ನಮಾಮಿ || ೧ ||

ಹರಿಹರಭವಮೇಕಂ ಸಚ್ಚಿದಾನಂದರೂಪಂ
ಭವಭಯಹರಪಾದಂ ಭಾವನಾಗಮ್ಯಮೂರ್ತಿಮ್ |
ಸಕಲಭುವನಹೇತುಂ ಸತ್ಯಧರ್ಮಾನುಕೂಲಂ
ಶ್ರಿತಜನಕುಲಪಾಲಂ ಧರ್ಮಶಾಸ್ತಾರಮೀಡೇ || ೨ ||

ಹರಿಹರಸುತಮೀಶಂ ವೀರವರ್ಯಂ ಸುರೇಶಂ
ಕಲಿಯುಗಭವಭೀತಿಧ್ವಂಸಲೀಲಾವತಾರಮ್ |
ಜಯವಿಜಯಲಕ್ಷ್ಮೀ ಸುಸಂಸೃತಾಜಾನುಬಾಹುಂ
ಮಲಯಗಿರಿನಿವಾಸಂ ಧರ್ಮಶಾಸ್ತಾರಮೀಡೇ || ೩ ||

ಪರಶಿವಮಯಮೀಡ್ಯಂ ಭೂತನಾಥಂ ಮುನೀಂದ್ರಂ
ಕರಧೃತವಿಕಚಾಬ್ಜಂ ಬ್ರಹ್ಮಪಂಚಸ್ವರೂಪಮ್ |
ಮಣಿಮಯಸುಕಿರೀಟಂ ಮಲ್ಲಿಕಾಪುಷ್ಪಹಾರಂ
ವರವಿತರಣಶೀಲಂ ಧರ್ಮಶಾಸ್ತಾರಮೀಡೇ || ೪ ||

ಹರಿಹರಮಯಮಾಯ ಬಿಂಬಮಾದಿತ್ಯಕೋಟಿ-
-ತ್ವಿಷಮಮಲಮುಖೇಂದುಂ ಸತ್ಯಸಂಧಂ ವರೇಣ್ಯಮ್ |
ಉಪನಿಷದವಿಭಾವ್ಯಂ ಓಮಿತಿಧ್ಯಾನಗಮ್ಯಂ
ಮುನಿಜನಹೃದಿಚಿಂತ್ಯಂ ಧರ್ಮಶಾಸ್ತಾರಮೀಡೇ || ೫ ||

ಕನಕಮಯ ದುಕೂಲಂ ಚಂದನಾರ್ದ್ರಾವಸಿಕ್ತಂ
ಸರಸಮೃದುಲಹಾಸಂ ಬ್ರಾಹ್ಮಣಾನಂದಕಾರಮ್ |
ಮಧುರಸಮಯಪಾಣಿಂ ಮಾರಜೀವಾತುಲೀಲಂ
ಸಕಲದುರಿತನಾಶಂ ಧರ್ಮಶಾಸ್ತಾರಮೀಡೇ || ೬ ||

ಮುನಿಜನಗಣಸೇವ್ಯಂ ಮುಕ್ತಿಸಾಮ್ರಾಜ್ಯಮೂಲಂ
ವಿದಿತಸಕಲತತ್ತ್ವಜ್ಞಾನಮಂತ್ರೋಪದೇಶಮ್ |
ಇಹಪರಫಲಹೇತುಂ ತಾರಕಂ ಬ್ರಹ್ಮಸಂಜ್ಞಂ
ಷಡರಿಮಲವಿನಾಶಂ ಧರ್ಮಶಾಸ್ತಾರಮೀಡೇ || ೭ ||

ಮಧುರಸಫಲಮುಖ್ಯೈಃ ಪಾಯಸೈರ್ಭಕ್ಷ್ಯಜಾಲೈಃ
ದಧಿಘೃತಪರಿಪೂರ್ಣೈರನ್ನದಾನೈಃ ಸಂತುಷ್ಟಮ್ |
ನಿಜಪದನಮಿತಾನಾಂ ನಿತ್ಯವಾತ್ಸಲ್ಯಭಾವಂ
ಹೃದಯಕಮಲಮಧ್ಯೇ ಧರ್ಮಶಾಸ್ತಾರಮೀಡೇ || ೮ ||

ಭವಗುಣಜನಿತಾನಾಂ ಭೋಗಮೋಕ್ಷಾಯ ನಿತ್ಯಂ
ಹರಿಹರಭವದೇವಸ್ಯಾಷ್ಟಕಂ ಸನ್ನಿಧೌ ಯಃ |
ಪಠತಿ ಸಕಲಭೋಗಾನ್ ಮುಕ್ತಿಸಾಮ್ರಾಜ್ಯಭಾಗ್ಯೇ
ಭುವಿದಿವಿಸುವಸ್ತಸ್ಮೈ ನಿತ್ಯತುಷ್ಟೋ ದದಾತಿ || ೯ ||

ಇತಿ ಶ್ರೀಮಹಾಶಾಸ್ತಾಷ್ಟಕಂ ಸಂಪೂರ್ಣಮ್ |


ಇನ್ನಷ್ಟು ಶ್ರೀ ಅಯ್ಯಪ್ಪ ಸ್ತೋತ್ರಗಳು ನೋಡಿ.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed
%d bloggers like this: