Read in తెలుగు / ಕನ್ನಡ / தமிழ் / देवनागरी / English (IAST)
ಪಾರ್ವತ್ಯುವಾಚ |
ದೇವ ಶಂಕರ ಸರ್ವೇಶ ಭಕ್ತಾನಾಮಭಯಪ್ರದ |
ವಿಜ್ಞಪ್ತಿಂ ಶೃಣು ಮೇ ಶಂಭೋ ನರಾಣಾಂ ಹಿತಕಾರಣಮ್ || ೧ ||
ಈಶ್ವರ ಉವಾಚ |
ವದ ಪ್ರಿಯೇ ಮಹಾಭಾಗೇ ಭಕ್ತಾನುಗ್ರಹಕಾರಿಣಿ || ೨ ||
ಪಾರ್ವತ್ಯುವಾಚ |
ದೇವ ದೇವಸ್ಯ ದತ್ತಸ್ಯ ಹೃದಯಂ ಬ್ರೂಹಿ ಮೇ ಪ್ರಭೋ |
ಸರ್ವಾರಿಷ್ಟಹರಂ ಪುಣ್ಯಂ ಜನಾನಾಂ ಮುಕ್ತಿಮಾರ್ಗದಮ್ || ೩ ||
ಈಶ್ವರ ಉವಾಚ |
ಶೃಣು ದೇವಿ ಮಹಾಭಾಗೇ ಹೃದಯಂ ಪರಮಾದ್ಭುತಮ್ |
ಆದಿನಾಥಸ್ಯ ದತ್ತಸ್ಯ ಹೃದಯಂ ಸರ್ವಕಾಮದಮ್ || ೪ ||
ಅಸ್ಯ ಶ್ರೀದತ್ತಾತ್ರೇಯ ಹೃದಯ ಮಹಾಮಂತ್ರಸ್ಯ ಶ್ರೀಭಗವಾನ್ ಈಶ್ವರೋ ಋಷಿಃ ಅನುಷ್ಟುಪ್ ಛಂದಃ ಶ್ರೀಚಿತ್ಸ್ವರೂಪ ದತ್ತಾತ್ರೇಯೋ ದೇವತಾ, ಆಂ ಬೀಜಂ ಹ್ರೀಂ ಶಕ್ತಿಃ, ಕ್ರೋಂ ಕೀಲಕಂ ಶ್ರೀದತ್ತಾತ್ರೇಯ ಪ್ರಸಾದ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ ||
ದ್ರಾಮಿತ್ಯಾದಿ ಕರಹೃದಯಾದಿನ್ಯಾಸಃ ||
ಧ್ಯಾನಮ್ –
ಶ್ರೀಭಾಲಚಂದ್ರಶೋಭಿತಕಿರೀಟಿನಂ
ಪುಷ್ಪಹಾರ ಮಣಿಯುಕ್ತವಕ್ಷಕಮ್ |
ಪೀತವಸ್ತ್ರ ಮಣಿಶೋಭಿತ ಮಧ್ಯಂ
ಪ್ರಣಮಾಮ್ಯನಸೂಯೋದ್ಭವದತ್ತಮ್ ||
ದತ್ತಂ ಸನಾತನಂ ನಿತ್ಯಂ ನಿರ್ವಿಕಲ್ಪಂ ನಿರಾಮಯಮ್ |
ಹರಂ ಶಿವಂ ಮಹಾದೇವಂ ಸರ್ವಭೂತೋಪಕಾರಕಮ್ || ೧ ||
ನಾರಾಯಣಂ ಮಹಾವಿಷ್ಣುಂ ಸರ್ಗಸ್ಥಿತ್ಯಂತಕಾರಣಮ್ |
ನಿರಾಕಾರಂ ಚ ಸರ್ವೇಶಂ ಕಾರ್ತವೀರ್ಯವರಪ್ರದಮ್ || ೨ ||
ಅತ್ರಿಪುತ್ರಂ ಮಹಾತೇಜಂ ಮುನಿವಂದ್ಯಂ ಜನಾರ್ದನಮ್ |
ದ್ರಾಂ ಬೀಜವರದಂ ಶುದ್ಧಂ ಹ್ರೀಂ ಬೀಜೇನ ಸಮನ್ವಿತಮ್ || ೩ ||
ಶರಣ್ಯಂ ಶಾಶ್ವತಂ ಯುಕ್ತಂ ಮಾಯಯಾ ಚ ಗುಣಾನ್ವಿತಮ್ |
ತ್ರಿಗುಣಂ ತ್ರಿಗುಣಾತೀತಂ ತ್ರಿಯಾಮಾಪತಿಮೌಳಿಕಮ್ || ೪ ||
ರಾಮಂ ರಮಾಪತಿಂ ಕೃಷ್ಣಂ ಗೋವಿಂದಂ ಪೀತವಾಸಸಮ್ |
ದಿಗಂಬರಂ ನಾಗಹಾರಂ ವ್ಯಾಘ್ರಚರ್ಮೋತ್ತರೀಯಕಮ್ || ೫ ||
ಭಸ್ಮಗಂಧಾದಿಲಿಪ್ತಾಂಗಂ ಮಾಯಾಮುಕ್ತಂ ಜಗತ್ಪತಿಮ್ |
ನಿರ್ಗುಣಂ ಚ ಗುಣೋಪೇತಂ ವಿಶ್ವವ್ಯಾಪಿನಮೀಶ್ವರಮ್ || ೬ ||
ಧ್ಯಾತ್ವಾ ದೇವಂ ಮಹಾತ್ಮಾನಂ ವಿಶ್ವವಂದ್ಯಂ ಪ್ರಭುಂ ಗುರುಮ್ |
ಕಿರೀಟಕುಂಡಲಾಭ್ಯಾಂ ಚ ಯುಕ್ತಂ ರಾಜೀವಲೋಚನಮ್ || ೭ ||
ಚಂದ್ರಾನುಜಂ ಚಂದ್ರವಕ್ತ್ರಂ ರುದ್ರಮಿಂದ್ರಾದಿವಂದಿತಮ್ |
ಅನಸೂಯಾವಕ್ತ್ರಪದ್ಮದಿನೇಶಮಮರಾಧಿಪಮ್ || ೮ ||
ದೇವದೇವ ಮಹಾಯೋಗಿನ್ ಅಬ್ಜಾಸನಾದಿವಂದಿತ |
ನಾರಾಯಣ ವಿರೂಪಾಕ್ಷ ದತ್ತಾತ್ರೇಯ ನಮೋಽಸ್ತು ತೇ || ೯ ||
ಅನಂತ ಕಮಲಾಕಾಂತ ಔದುಂಬರಸ್ಥಿತ ಪ್ರಭೋ |
ನಿರಂಜನ ಮಹಾಯೋಗಿನ್ ದತ್ತಾತ್ರೇಯ ನಮೋಽಸ್ತು ತೇ || ೧೦ ||
ಮಹಾಬಾಹೋ ಮುನಿಮಣೇ ಸರ್ವವಿದ್ಯಾವಿಶಾರದ |
ಸ್ಥಾವರಂ ಜಂಗಮಾನಾಂ ಚ ದತ್ತಾತ್ರೇಯ ನಮೋಽಸ್ತು ತೇ || ೧೧ ||
ಐಂದ್ರ್ಯಾಂ ಪಾತು ಮಹಾವೀರೋ ವಹ್ನ್ಯಾಂ ಪ್ರಣವಪೂರ್ವಕಮ್ |
ಯಾಮ್ಯಾಂ ದತ್ತಾತ್ರೇಯೋ ರಕ್ಷೇತ್ ನೈರೃತ್ಯಾಂ ಭಕ್ತವತ್ಸಲಃ || ೧೨ || [ದತ್ತಾತ್ರಿಜೋ]
ಪ್ರತೀಚ್ಯಾಂ ಪಾತು ಯೋಗೀಶೋ ಯೋಗೀನಾಂ ಹೃದಯೇ ಸ್ಥಿತಃ |
ಅನಿಲ್ಯಾಂ ವರದಃ ಶಂಭುಃ ಕೌಬೇರ್ಯಾಂ ಚ ಜಗತ್ಪ್ರಭುಃ || ೧೩ ||
ಈಶಾನ್ಯಾಂ ಪಾತು ಮೇ ರಾಮೋ ಊರ್ಧ್ವಂ ಪಾತು ಮಹಾಮುನಿಃ |
ಷಡಕ್ಷರೋ ಮಹಾಮಂತ್ರಃ ಪಾತ್ವಧಸ್ತಾಜ್ಜಗತ್ಪತಿಃ || ೧೪ ||
ಏವಂ ಪಂಕ್ತಿದಶೋ ರಕ್ಷೇದ್ಯಮರಾಜವರಪ್ರದಃ |
ಅಕಾರಾದಿ ಕ್ಷಕಾರಾಂತಂ ಸದಾ ರಕ್ಷೇದ್ವಿಭುಃ ಸ್ವಯಮ್ || ೧೫ ||
ದತ್ತಂ ದತ್ತಂ ಪುನರ್ದತ್ತಂ ಯೋ ವದೇದ್ಭಕ್ತಿಸಂಯುತಃ |
ತಸ್ಯ ಪಾಪಾನಿ ಸರ್ವಾಣಿ ಕ್ಷಯಂ ಯಾಂತಿ ನ ಸಂಶಯಃ || ೧೬ ||
ಯ ಇದಂ ಪಠತೇ ನಿತ್ಯಂ ಹೃದಯಂ ಸರ್ವಕಾಮದಮ್ |
ಪಿಶಾಚ ಶಾಕಿನೀ ಭೂತ ಡಾಕಿನೀ ಕಾಕಿನೀ ತಥಾ || ೧೭ ||
ಬ್ರಹ್ಮರಾಕ್ಷಸ ವೇತಾಳಾ ಕ್ಷೋಟಿಂಗಾ ಬಾಲಭೂತಕಾಃ |
ಗಚ್ಛಂತಿ ಪಠನಾದೇವ ನಾತ್ರ ಕಾರ್ಯಾ ವಿಚಾರಣಾ || ೧೮ ||
ಅಪವರ್ಗಪ್ರದಂ ಸಾಕ್ಷಾತ್ ಮನೋರಥಪ್ರಪೂರಕಮ್ |
ಏಕವಾರಂ ದ್ವಿವಾರಂ ಚ ತ್ರಿವಾರಂ ಚ ಪಠೇನ್ನರಃ || ೧೯ ||
ಜನ್ಮಮೃತ್ಯುಂ ಚ ದುಃಖಂ ಚ ಸುಖಂ ಪ್ರಾಪ್ನೋತಿ ಭಕ್ತಿಮಾನ್ |
ಗೋಪನೀಯಂ ಪ್ರಯತ್ನೇನ ಜನನೀಜಾರವತ್ ಪ್ರಿಯೇ || ೨೦ ||
ನ ದೇಯಮಿದಂ ಸ್ತೋತ್ರಂ ಹೃದಯಾಖ್ಯಂ ಚ ಭಾಮಿನೀ |
ಗುರುಭಕ್ತಾಯ ದಾತವ್ಯಂ ಅನ್ಯಥಾ ನ ಪ್ರಕಾಶಯೇತ್ || ೨೧ ||
ತವ ಸ್ನೇಹಾಚ್ಚ ಕಥಿತಂ ಭಕ್ತಿಂ ಜ್ಞಾತ್ವಾ ಮಯಾ ಶುಭೇ |
ದತ್ತಾತ್ರೇಯಸ್ಯ ಕೃಪಯಾ ಸ ಭವೇದ್ದೀರ್ಘಮಾಯುಕಃ || ೨೨ ||
ಇತಿ ಶ್ರೀರುದ್ರಯಾಮಲೇ ಶಿವಪಾರ್ವತೀಸಂವಾದೇ ಶ್ರೀ ದತ್ತಾತ್ರೇಯ ಹೃದಯಮ್ ||
ಇನ್ನಷ್ಟು ಶ್ರೀ ದತ್ತತ್ರೇಯ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
