Read in తెలుగు / ಕನ್ನಡ / தமிழ் / देवनागरी / English (IAST)
ತ್ರಿಭುವನಭವನಾಭಿರಾಮಕೋಶಂ ಸಕಲಕಳಂಕಹರಂ ಪರಂ ಪ್ರಕಾಶಮ್ |
ಅಶರಣಶರಣಂ ಶರಣ್ಯಮೀಶಂ ಹರಿಮಜಮಚ್ಯುತಮೀಶ್ವರಂ ಪ್ರಪದ್ಯೇ || ೧ ||
ಕುವಲಯದಲನೀಲಸಂನಿಕಾಶಂ ಶರದಮಲಾಮ್ಬರಕೋಟರೋಪಮಾನಮ್ |
ಭ್ರಮರತಿಮಿರಕಜ್ಜಲಾಞ್ಜನಾಭಂ ಸರಸಿಜಚಕ್ರಗದಾಧರಂ ಪ್ರಪದ್ಯೇ || ೨ ||
ವಿಮಲಮಲಿಕಲಾಪಕೋಮಲಾಙ್ಗಂ ಸಿತಜಲಪಙ್ಕಜಕುಡ್ಮಲಾಭಶಙ್ಖಮ್
ಶ್ರುತಿರಣಿತವಿರಞ್ಚಿಚಞ್ಚರೀಕಂ ಸ್ವಹೃದಯಪದ್ಮದಲಾಶ್ರಯಂ ಪ್ರಪದ್ಯೇ || ೩ ||
ಸಿತನಖಗಣತಾರಕಾವಿಕೀರ್ಣಂ ಸ್ಮಿತಧವಲಾನನಪೀವರೇನ್ದುಬಿಮ್ಬಮ್
ಹೃದಯಮಣಿಮರೀಚಿಜಾಲಗಙ್ಗಂ ಹರಿಶರದಮ್ಬರಮಾತತಂ ಪ್ರಪದ್ಯೇ || ೪ ||
ಅವಿರಲಕೃತಸೃಷ್ಟಿಸರ್ವಲೀನಂ ಸತತಮಜಾತಮವರ್ಥನಂ ವಿಶಾಲಮ್
ಗುಣಶತಜರಠಾಭಿಜಾತದೇಹಂ ತರುದಲಶಾಯಿನ ಮರ್ಭಕಂ ಪ್ರಪದ್ಯೇ || ೫ ||
ನವವಿಕಸಿತಪದ್ಮರೇಣುಗೌರಂ ಸ್ಫುಟಕಮಲಾವಪುಷಾ ವಿಭೂಷಿತಾಙ್ಗಮ್
ದಿನಶಮಸಮಯಾರುಣಾಙ್ಗರಾಗಂ ಕನಕನಿಭಾಮ್ಬರಸುನ್ದರಂ ಪ್ರಪದ್ಯೇ || ೬ ||
ದಿತಿಸುತನಲಿನೀತುಷಾರಪಾತಂ ಸುರನಲಿನೀಸತತೋದಿತಾರ್ಕಬಿಮ್ಬಮ್
ಕಮಲಜನಲಿನೀಜಲಾವಪೂರಂ ಹೃದಿ ನಲಿನೀನಿಲಯಂ ವಿಭುಂ ಪ್ರಪದ್ಯೇ || ೭ ||
ತ್ರಿಭುವನನಲಿನೀಸಿತಾರವಿನ್ದಂ ತಿಮಿರಸಮಾನವಿಮೋಹದೀಪಮಗ್ರ್ಯಮ್
ಸ್ಫುಟತರಮಜಡಂ ಚಿದಾತ್ಮತತ್ತ್ವಂ ಜಗದಖಿಲಾರ್ತಿಹರಂ ಹರಿಂ ಪ್ರಪದ್ಯೇ || ೮ ||
ಇನ್ನಷ್ಟು ಶ್ರೀ ವಿಷ್ಣು ಸ್ತೋತ್ರಗಳು ನೋಡಿ.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
