Read in తెలుగు / ಕನ್ನಡ / தமிழ் / देवनागरी / English (IAST)
(ಋ।6।28।1)
ಆ ಗಾವೋ॑ ಅಗ್ಮನ್ನು॒ತ ಭ॒ದ್ರಮ॑ಕ್ರ॒ನ್ತ್ಸೀದ॑ನ್ತು ಗೋ॒ಷ್ಠೇ ರ॒ಣಯ॑ನ್ತ್ವ॒ಸ್ಮೇ ।
ಪ್ರ॒ಜಾವ॑ತೀಃ ಪುರು॒ರೂಪಾ॑ ಇ॒ಹ ಸ್ಯು॒ರಿನ್ದ್ರಾ॑ಯ ಪೂ॒ರ್ವೀರು॒ಷಸೋ॒ ದುಹಾ॑ನಾಃ ॥ 1
ಇನ್ದ್ರೋ॒ ಯಜ್ವ॑ನೇ ಪೃಣ॒ತೇ ಚ॑ ಶಿಕ್ಷ॒ತ್ಯುಪೇದ್ದ॑ದಾತಿ॒ ನ ಸ್ವಂ ಮು॑ಷಾಯತಿ ।
ಭೂಯೋ॑ಭೂಯೋ ರ॒ಯಿಮಿದ॑ಸ್ಯ ವ॒ರ್ಧಯ॒ನ್ನಭಿ॑ನ್ನೇ ಖಿ॒ಲ್ಯೇ ನಿ ದ॑ಧಾತಿ ದೇವ॒ಯುಮ್ ॥ 2
ನ ತಾ ನ॑ಶನ್ತಿ॒ ನ ದ॑ಭಾತಿ॒ ತಸ್ಕ॑ರೋ॒ ನಾಸಾ॑ಮಾಮಿ॒ತ್ರೋ ವ್ಯಥಿ॒ರಾ ದ॑ಧರ್ಷತಿ ।
ದೇ॒ವಾಂಶ್ಚ॒ ಯಾಭಿ॒ರ್ಯಜ॑ತೇ॒ ದದಾ॑ತಿ ಚ॒ ಜ್ಯೋಗಿತ್ತಾಭಿ॑: ಸಚತೇ॒ ಗೋಪ॑ತಿಃ ಸ॒ಹ ॥ 3
ನ ತಾ ಅರ್ವಾ॑ ರೇ॒ಣುಕ॑ಕಾಟೋ ಅಶ್ನುತೇ॒ ನ ಸಂ॑ಸ್ಕೃತ॒ತ್ರಮುಪ॑ ಯನ್ತಿ॒ ತಾ ಅ॒ಭಿ ।
ಉ॒ರು॒ಗಾ॒ಯಮಭ॑ಯಂ॒ ತಸ್ಯ॒ ತಾ ಅನು॒ ಗಾವೋ॒ ಮರ್ತ॑ಸ್ಯ॒ ವಿ ಚ॑ರನ್ತಿ॒ ಯಜ್ವ॑ನಃ ॥ 4
ಗಾವೋ॒ ಭಗೋ॒ ಗಾವ॒ ಇನ್ದ್ರೋ॑ ಮ ಅಚ್ಛಾ॒ನ್ ಗಾವ॒: ಸೋಮ॑ಸ್ಯ ಪ್ರಥ॒ಮಸ್ಯ॑ ಭ॒ಕ್ಷಃ ।
ಇ॒ಮಾ ಯಾ ಗಾವ॒: ಸ ಜ॑ನಾಸ॒ ಇನ್ದ್ರ॑ ಇ॒ಚ್ಛಾಮೀದ್ಧೃ॒ದಾ ಮನ॑ಸಾ ಚಿ॒ದಿನ್ದ್ರ॑ಮ್ ॥ 5
ಯೂ॒ಯಂ ಗಾ॑ವೋ ಮೇದಯಥಾ ಕೃ॒ಶಂ ಚಿ॑ದಶ್ರೀ॒ರಂ ಚಿ॑ತ್ಕೃಣುಥಾ ಸು॒ಪ್ರತೀ॑ಕಮ್ ।
ಭ॒ದ್ರಂ ಗೃ॒ಹಂ ಕೃ॑ಣುಥ ಭದ್ರವಾಚೋ ಬೃ॒ಹದ್ವೋ॒ ವಯ॑ ಉಚ್ಯತೇ ಸ॒ಭಾಸು॑ ॥ 6
ಪ್ರ॒ಜಾವ॑ತೀಃ ಸೂ॒ಯವ॑ಸಂ ರಿ॒ಶನ್ತೀ॑: ಶು॒ದ್ಧಾ ಅ॒ಪಃ ಸು॑ಪ್ರಪಾ॒ಣೇ ಪಿಬ॑ನ್ತೀಃ ।
ಮಾ ವ॑: ಸ್ತೇ॒ನ ಈ॑ಶತ॒ ಮಾಘಶಂ॑ಸ॒: ಪರಿ॑ ವೋ ಹೇ॒ತಿ ರು॒ದ್ರಸ್ಯ॑ ವೃಜ್ಯಾಃ ॥ 7
ಉಪೇ॒ದಮು॑ಪ॒ಪರ್ಚ॑ನಮಾ॒ಸು ಗೋಷೂಪ॑ ಪೃಚ್ಯತಾಮ್ ।
ಉಪ॑ ಋಷ॒ಭಸ್ಯ॒ ರೇತ॒ಸ್ಯುಪೇ॑ನ್ದ್ರ॒ ತವ॑ ವೀ॒ರ್ಯೇ॑ ॥ 8
ಓಂ ಶಾನ್ತಿ॒: ಶಾನ್ತಿ॒: ಶಾನ್ತಿ॑: ॥
ಇನ್ನಷ್ಟು ವೇದಸೂಕ್ತಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
