Go Suktam – gō sūktam

:: Chant this in తెలుగు / ಕನ್ನಡ / தமிழ் / देवनागरी / English (IAST) ::

(r̥|6|28|1)

ā gāvṓ agmannu̲ta bha̲dramákra̲ntsīdántu gō̲ṣṭhē ra̲ṇayántva̲smē |
pra̲jāvátīḥ puru̲rupā́ i̲ha syu̲rindrā́ya pū̲rvīru̲ṣasō̲ duhā́nāḥ || 1

indrō̲ yajvánē pr̥ṇa̲tē cá śikṣa̲tyupēddádāti̲ na svaṁ mā́ṣuyati |
bhūyṓbhūyō ra̲yimidásya va̲rdhaya̲nnabhínnē khi̲lyē ni dádhāti dēva̲yum || 2

na tā náśanti̲ na dábhāti̲ taskárō̲ nāsā́māmi̲trō vyathi̲rā dádharṣati |
dē̲vāṁśca̲ yābhi̲ryajátē̲ dadā́ti ca̲ jyōgittābhíḥ sacatē̲ gōpátiḥ sa̲ha || 3

na tā arvā́ rē̲ṇukákāṭō aśnutē̲ na sáṁskr̥ta̲tramupá yanti̲ tā a̲bhi |
u̲ru̲gā̲yamabháya̲ṁ tasya̲ tā anu̲ gāvō̲ martásya̲ vi cáranti̲ yajvánaḥ || 4

gāvō̲ bhagō̲ gāva̲ indrṓ ma acchā̲n gāva̲ḥ sōmásya pratha̲masyá bha̲kṣaḥ |
i̲mā yā gāva̲ḥ sa jánāsa̲ indrá i̲cchāmīddhr̥̲dā manásā ci̲dindrám || 5

yū̲yaṁ gā́vō mēdayathā kr̥̲śaṁ cídaśrī̲raṁ cítkr̥ṇuthā su̲pratī́kam |
bha̲draṁ gr̥̲haṁ kŕ̥ṇutha bhadravācō br̥̲hadvō̲ vayá ucyatē sa̲bhāsú || 6

pra̲jāvátīḥ sū̲yavásaṁ ri̲śantī́ḥ śu̲ddhā a̲paḥ súprapā̲ṇē pibántīḥ |
mā váḥ stē̲na ī́śata̲ māghaśáṁsa̲ḥ parí vō hē̲ti ru̲drasyá vr̥jyāḥ || 7

upē̲damúpa̲parcánamā̲su gōṣūpá pr̥cyatām |
upá r̥ṣa̲bhasya̲ rēta̲syupḗndra̲ tavá vī̲ryḗ || 8

ōṁ śānti̲ḥ śānti̲ḥ śāntíḥ ||

Facebook Comments

You may also like...

Leave a Reply

Your email address will not be published. Required fields are marked *

error: Not allowed
%d bloggers like this: