Read in తెలుగు / ಕನ್ನಡ / தமிழ் / देवनागरी / English (IAST)
<< ಪಂಚದಶ ದಶಕಮ್ (೧೫) ಸುದರ್ಶನಕಥಾ-ದೇವೀದರ್ಶನಮ್
|| ಸುದರ್ಶನವಿವಾಹಮ್ ||
ಶ್ರುತ್ವಾ ವಧೂವಾಕ್ಯಮರಂ ಕುಮಾರೋ
ಹೃಷ್ಟೋ ಭರದ್ವಾಜಮುನಿಂ ಪ್ರಣಮ್ಯ |
ಆಪೃಛ್ಯ ಮಾತ್ರಾ ಸಹ ದೇವಿ ಸ ತ್ವಾಂ
ಸ್ಮರನ್ ರಥೇನಾಽಽಪ ಪುರಂ ಸುಬಾಹೋಃ || ೧೬-೧ ||
ಸ್ವಯಂವರಾಹೂತಮಹೀಭುಜಾಂ ಸ
ಸಭಾಂ ಪ್ರವಿಷ್ಟೋ ಹತಭೀರ್ನಿಷಣ್ಣಃ |
ಕನ್ಯಾ ಕಲಾ ಪೂರ್ಣಶಶೀ ತ್ವಸಾವಿ-
-ತ್ಯಾಹುರ್ಜನಾಸ್ತಾಮಭಿವೀಕ್ಷಮಾಣಾಃ || ೧೬-೨ ||
ವಧೂಶ್ಚ ತದ್ದರ್ಶನ ವರ್ಧಿತಾನು-
-ರಾಗಾ ಸ್ಮರಂತೀ ತವ ವಾಕ್ಯಸಾರಮ್ |
ಸಭಾಂ ನೃಪಾಣಾಮಜಿತೇಂದ್ರಿಯಾಣಾಂ
ನ ಪ್ರಾವಿಶತ್ಸಾ ಪಿತೃಚೋದಿತಾಽಪಿ || ೧೬-೩ ||
ಶಂಕಾಕುಲಾಸ್ತೇ ನೃವರಾ ಬಭೂವು-
-ರುಚ್ಚೈರ್ಯುಧಾಜಿತ್ಕುಪಿತೋ ಜಗಾದ |
ಮಾ ದೀಯತಾಂ ಲೋಕಹಿತಾನಭಿಜ್ಞಾ
ವಧೂರಶಕ್ತಾಯ ಸುದರ್ಶನಾಯ || ೧೬-೪ ||
ಬಾಲೋಽಯಮಿತ್ಯೇಷ ಮಯಾಽಽಶ್ರಮೇ ಪ್ರಾ-
-ಗುಪೇಕ್ಷಿತಃ ಸೋಽತ್ರ ರಿಪುತ್ವಮೇತಿ |
ಮಾಽಯಂ ಚ ವಧ್ವಾ ವ್ರಿಯತಾಂ ವೃತಶ್ಚೇ-
-ದ್ಧನ್ಯಾಮಿಮಂ ತಾಂ ಚ ಹರೇಯಮಾಶು || ೧೬-೫ ||
ಶ್ರುತ್ವಾ ಯುಧಾಜಿದ್ವಚನಂ ನೃಪಾಲಾ
ಹಿತೈಷಿಣಃ ಕೇಚಿದುಪೇತ್ಯ ಸರ್ವಮ್ |
ಸುದರ್ಶನಂ ಪ್ರೋಚುರಥಾಪಿ ಧೀರಃ
ಸ ನಿರ್ಭಯೋ ನೈವ ಚಚಾಲ ದೇವಿ || ೧೬-೬ ||
ಏಕತ್ರ ಪುತ್ರೀ ಚ ಸುದರ್ಶನಶ್ಚ
ಯುಧಾಜಿದನ್ಯತ್ರ ಬಲೀ ಸಕೋಪಃ |
ತನ್ಮಧ್ಯಗೋ ಮಂಕ್ಷು ನೃಪಃ ಸುಬಾಹು-
-ರ್ಬದ್ಧಾಂಜಲಿಃ ಪ್ರಾಹ ನೃಪಾನ್ ವಿನಮ್ರಃ || ೧೬-೭ ||
ನೃಪಾ ವಚೋ ಮೇ ಶೃಣುತೇಹ ಬಾಲಾ
ನಾಽಽಯಾತಿ ಪುತ್ರೀ ಮಮ ಮಂಡಪೇಽತ್ರ |
ತತ್ ಕ್ಷಮ್ಯತಾಂ ಶ್ವೋಽತ್ರ ನಯಾಮ್ಯಹಂ ತಾಂ
ಯಾತಾದ್ಯ ವೋ ವಿಶ್ರಮಮಂದಿರಾಣಿ || ೧೬-೮ ||
ಗತೇಷು ಸರ್ವೇಷು ಸುದರ್ಶನಸ್ತು
ತ್ವಾಂ ಸಂಸ್ಮರನ್ ಮಾತೃಹಿತಾನುಸಾರೀ |
ಸುಬಾಹುನಾ ತನ್ನಿಶಿ ತೇನ ದತ್ತಾಂ
ವಧೂಂ ಯಥಾವಿಧ್ಯುದುವಾಹ ದೇವಿ || ೧೬-೯ ||
ಪ್ರಾತರ್ಯುಧಾಜಿತ್ಪ್ರಬಲೋ ವಿವಾಹ-
-ವಾರ್ತಾಂ ನಿಶಮ್ಯಾತ್ತರುಷಾ ಸಸೈನ್ಯಃ |
ಸುದರ್ಶನಂ ಮಾತೃವಧೂಸಮೇತಂ
ಯಾತ್ರೋನ್ಮುಖಂ ಭೀಮರವೋ ರುರೋಧ || ೧೬-೧೦ ||
ತತೋ ರಣೇ ಘೋರತರೇ ಸುಬಾಹುಃ
ಕ್ಲೀಂ ಕ್ಲೀಮಿತೀಶಾನಿ ಸಮುಚ್ಚಚಾರ |
ತತ್ರಾವಿರಾಸೀಃ ಸಮರಾಂಗಣೇ ತ್ವಂ
ಸಿಂಹಾಧಿರೂಢಾ ಸ್ವಜನಾರ್ತಿಹಂತ್ರೀ || ೧೬-೧೧ ||
ತ್ವನ್ನಾಮ ಗಾಯನ್ ಕಥಯನ್ ಗುಣಾಂಸ್ತೇ
ತ್ವಾಂ ಪೂಜಯಂಶ್ಚಾತ್ರ ನಯಾಮಿ ಕಾಲಮ್ |
ಸ್ವಪ್ನೇಽಪಿ ದೃಷ್ಟಾ ನ ಮಯಾ ತ್ವಮಂಬೇ
ಕೃಪಾಂ ಕುರು ತ್ವಂ ಮಯಿ ತೇ ನಮೋಽಸ್ತು || ೧೬-೧೨ ||
ಸಪ್ತದಶ ದಶಕಮ್ (೧೭) – ಸುದರ್ಶನ ಕೋಸಲಪ್ರಾಪ್ತಿಃ >>
ಸಂಪೂರ್ಣ ದೇವೀ ನಾರಾಯಣೀಯಂ ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
