Chintamani Shatpadi – ಚಿಂತಾಮಣಿ ಷಟ್ಪದೀ


ದ್ವಿರದವದನ ವಿಷಮರದ ವರದ ಜಯೇಶಾನ ಶಾಂತವರಸದನ |
ಸದನವಸಾದನ ದಯಯಾ ಕುರು ಸಾದನಮಂತರಾಯಸ್ಯ || ೧ ||

ಇಂದುಕಲಾ ಕಲಿತಾಲಿಕ ಸಾಲಿಕಶುಂಭತ್ಕಪೋಲಪಾಲಿಯುಗ |
ವಿಕಟಸ್ಫುಟಕಟಧಾರಾಧಾರೋಽಸ್ಯಸ್ಯ ಪ್ರಪಂಚಸ್ಯ || ೨ ||

ವರಪರಶುಪಾಶಪಾಣೇ ಪಣಿತಪಣಾಯಾಪಣಾಯಿತೋಽಸಿ ಯತಃ |
ಆರೂಹ್ಯ ವಜ್ರದಂತಂ ಆಖುಂ ವಿದಧಾಸಿ ವಿಪದಂತಮ್ || ೩ ||

ಲಂಬೋದರ ದೂರ್ವಾಸನ ಶಯಧೃತಸಾಮೋದಮೋದಕಾಶನಕ |
ಶನಕೈರವಲೋಕಯ ಮಾಂ ಯಮಾಂತರಾಯಾಪಹಾರಿಚಾರುದೃಶಾ || ೪ ||

ಆನಂದತುಂದಿಲಾಖಿಲವೃಂದಾರಕವೃಂದವಂದಿತಾಂಘ್ರಿಯುಗ |
ಸುಖಧೃತದಂಡರಸಾಲೋ ನಾಗಜಭಾಲೋಽತಿಭಾಸಿ ವಿಭೋ || ೫ ||

ಅಗಣೇಯಗುಣೇಶಾತ್ಮಜ ಚಿಂತಕಚಿಂತಾಮಣೇ ಗಣೇಶಾನ |
ಸ್ವಚರಣಶರಣಂ ಕರುಣಾವರುಣಾಲಯ ದೇವ ಪಾಹಿ ಮಾಂ ದೀನಮ್ || ೬ ||

ರುಚಿರವಚೋಽಮೃತರಾವೋನ್ನೀತಾ ನೀತಾ ದಿವಂ ಸ್ತುತಿಃ ಸ್ಫೀತಾ |
ಇತಿ ಷಟ್ಪದೀ ಮದೀಯಾ ಗಣಪತಿಪಾದಾಂಬುಜೇ ವಿಶತು || ೭ ||

ಇತಿ ಚಿಂತಾಮಣಿಷಟ್ಪದೀ ||

Report mistakes and corrections in Stotranidhi content.

Facebook Comments
error: Not allowed
%d bloggers like this: