Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀಬುಧಸ್ತೋತ್ರಮಹಾಮಂತ್ರಸ್ಯ ವಸಿಷ್ಠ ಋಷಿಃ, ಅನುಷ್ಟುಪ್ ಛಂದಃ, ಬುಧೋ ದೇವತಾ, ಬುಧ ಪ್ರೀತ್ಯರ್ಥೇ ಜಪೇ ವಿನಿಯೋಗಃ ||
ಧ್ಯಾನಮ್ –
ಭುಜೈಶ್ಚತುರ್ಭಿರ್ವರದಾಭಯಾಸಿ-
-ಗದಂ ವಹಂತಂ ಸುಮುಖಂ ಪ್ರಶಾಂತಮ್ |
ಪೀತಪ್ರಭಂ ಚಂದ್ರಸುತಂ ಸುರೇಢ್ಯಂ
ಸಿಂಹೇ ನಿಷಣ್ಣಂ ಬುಧಮಾಶ್ರಯಾಮಿ ||
ಅಥ ಸ್ತೋತ್ರಮ್ –
ಪೀತಾಂಬರಃ ಪೀತವಪುಃ ಪೀತಧ್ವಜರಥಸ್ಥಿತಃ |
ಪೀಯೂಷರಶ್ಮಿತನಯಃ ಪಾತು ಮಾಂ ಸರ್ವದಾ ಬುಧಃ || ೧ ||
ಸಿಂಹವಾಹಂ ಸಿದ್ಧನುತಂ ಸೌಮ್ಯಂ ಸೌಮ್ಯಗುಣಾನ್ವಿತಮ್ |
ಸೋಮಸೂನುಂ ಸುರಾರಾಧ್ಯಂ ಸರ್ವದಂ ಸೌಮ್ಯಮಾಶ್ರಯೇ || ೨ ||
ಬುಧಂ ಬುದ್ಧಿಪ್ರದಾತಾರಂ ಬಾಣಬಾಣಾಸನೋಜ್ಜ್ವಲಮ್ |
ಭದ್ರಪ್ರದಂ ಭೀತಿಹರಂ ಭಕ್ತಪಾಲನಮಾಶ್ರಯೇ || ೩ ||
ಆತ್ರೇಯಗೋತ್ರಸಂಜಾತಮಾಶ್ರಿತಾರ್ತಿನಿವಾರಣಮ್ |
ಆದಿತೇಯಕುಲಾರಾಧ್ಯಮಾಶುಸಿದ್ಧಿದಮಾಶ್ರಯೇ || ೪ ||
ಕಲಾನಿಧಿತನೂಜಾತಂ ಕರುಣಾರಸವಾರಿಧಿಮ್ |
ಕಲ್ಯಾಣದಾಯಿನಂ ನಿತ್ಯಂ ಕನ್ಯಾರಾಶ್ಯಧಿಪಂ ಭಜೇ || ೫ ||
ಮಂದಸ್ಮಿತಮುಖಾಂಭೋಜಂ ಮನ್ಮಥಾಯುತಸುಂದರಮ್ |
ಮಿಥುನಾಧೀಶಮನಘಂ ಮೃಗಾಂಕತನಯಂ ಭಜೇ || ೬ ||
ಚತುರ್ಭುಜಂ ಚಾರುರೂಪಂ ಚರಾಚರಜಗತ್ಪ್ರಭುಮ್ |
ಚರ್ಮಖಡ್ಗಧರಂ ವಂದೇ ಚಂದ್ರಗ್ರಹತನೂಭವಮ್ || ೭ ||
ಪಂಚಾಸ್ಯವಾಹನಗತಂ ಪಂಚಪಾತಕನಾಶನಮ್ |
ಪೀತಗಂಧಂ ಪೀತಮಾಲ್ಯಂ ಬುಧಂ ಬುಧನುತಂ ಭಜೇ || ೮ ||
ಬುಧಸ್ತೋತ್ರಮಿದಂ ಗುಹ್ಯಂ ವಸಿಷ್ಠೇನೋದಿತಂ ಪುರಾ |
ಯಃ ಪಠೇಚ್ಛೃಣೂಯಾದ್ವಾಪಿ ಸರ್ವಾಭೀಷ್ಟಮವಾಪ್ನುಯಾತ್ || ೯ ||
ಇತಿ ಶ್ರೀ ಬುಧ ಸ್ತೋತ್ರಮ್ |
ಇನ್ನಷ್ಟು ನವಗ್ರಹ ಸ್ತೋತ್ರಗಳು ನೋಡಿ.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
