Sri Budha Stotram 3 – ஶ்ரீ பு³த⁴ ஸ்தோத்ரம் – 3

ஸ்தோத்ரநிதி → நவக்³ரஹ ஸ்தோத்திரங்கள் → ஶ்ரீ பு³த⁴ ஸ்தோத்ரம் – 3

அஸ்ய ஶ்ரீபு³த⁴ஸ்தோத்ரமஹாமந்த்ரஸ்ய வஸிஷ்ட² ருஷி꞉, அநுஷ்டுப் ச²ந்த³꞉, பு³தோ⁴ தே³வதா, பு³த⁴ ப்ரீத்யர்தே² ஜபே விநியோக³꞉ ॥

த்⁴யாநம் –
பு⁴ஜைஶ்சதுர்பி⁴ர்வரதா³ப⁴யாஸி-
-க³த³ம் வஹந்தம் ஸுமுக²ம் ப்ரஶாந்தம் ।
பீதப்ரப⁴ம் சந்த்³ரஸுதம் ஸுரேட்⁴யம்
ஸிம்ஹே நிஷண்ணம் பு³த⁴மாஶ்ரயாமி ॥

அத² ஸ்தோத்ரம் –
பீதாம்ப³ர꞉ பீதவபு꞉ பீதத்⁴வஜரத²ஸ்தி²த꞉ ।
பீயூஷரஶ்மிதநய꞉ பாது மாம் ஸர்வதா³ பு³த⁴꞉ ॥ 1 ॥

ஸிம்ஹவாஹம் ஸித்³த⁴நுதம் ஸௌம்யம் ஸௌம்யகு³ணாந்விதம் ।
ஸோமஸூநும் ஸுராராத்⁴யம் ஸர்வத³ம் ஸௌம்யமாஶ்ரயே ॥ 2 ॥

பு³த⁴ம் பு³த்³தி⁴ப்ரதா³தாரம் பா³ணபா³ணாஸநோஜ்ஜ்வலம் ।
ப⁴த்³ரப்ரத³ம் பீ⁴திஹரம் ப⁴க்தபாலநமாஶ்ரயே ॥ 3 ॥

ஆத்ரேயகோ³த்ரஸஞ்ஜாதமாஶ்ரிதார்திநிவாரணம் ।
ஆதி³தேயகுலாராத்⁴யமாஶுஸித்³தி⁴த³மாஶ்ரயே ॥ 4 ॥

கலாநிதி⁴தநூஜாதம் கருணாரஸவாரிதி⁴ம் ।
கல்யாணதா³யிநம் நித்யம் கந்யாராஶ்யதி⁴பம் ப⁴ஜே ॥ 5 ॥

மந்த³ஸ்மிதமுகா²ம்போ⁴ஜம் மந்மதா²யுதஸுந்த³ரம் ।
மிது²நாதீ⁴ஶமநக⁴ம் ம்ருகா³ங்கதநயம் ப⁴ஜே ॥ 6 ॥

சதுர்பு⁴ஜம் சாருரூபம் சராசரஜக³த்ப்ரபு⁴ம் ।
சர்மக²ட்³க³த⁴ரம் வந்தே³ சந்த்³ரக்³ரஹதநூப⁴வம் ॥ 7 ॥

பஞ்சாஸ்யவாஹநக³தம் பஞ்சபாதகநாஶநம் ।
பீதக³ந்த⁴ம் பீதமால்யம் பு³த⁴ம் பு³த⁴நுதம் ப⁴ஜே ॥ 8 ॥

பு³த⁴ஸ்தோத்ரமித³ம் கு³ஹ்யம் வஸிஷ்டே²நோதி³தம் புரா ।
ய꞉ படே²ச்ச்²ருணூயாத்³வாபி ஸர்வாபீ⁴ஷ்டமவாப்நுயாத் ॥ 9 ॥

இதி ஶ்ரீ பு³த⁴ ஸ்தோத்ரம் ।

---

மேலும் நவக்ரஹ ஸ்தோத்திரங்கள் பார்க்க.

---