Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “నవగ్రహ స్తోత్రనిధి” పారాయణ గ్రంథములో కూడా ఉన్నది. Click here to buy.]
అస్య శ్రీబుధస్తోత్రమహామంత్రస్య వసిష్ఠ ఋషిః, అనుష్టుప్ ఛందః, బుధో దేవతా, బుధ ప్రీత్యర్థే జపే వినియోగః ||
ధ్యానమ్ –
భుజైశ్చతుర్భిర్వరదాభయాసి-
-గదం వహంతం సుముఖం ప్రశాంతమ్ |
పీతప్రభం చంద్రసుతం సురేఢ్యం
సింహే నిషణ్ణం బుధమాశ్రయామి ||
అథ స్తోత్రమ్ –
పీతాంబరః పీతవపుః పీతధ్వజరథస్థితః |
పీయూషరశ్మితనయః పాతు మాం సర్వదా బుధః || ౧ ||
సింహవాహం సిద్ధనుతం సౌమ్యం సౌమ్యగుణాన్వితమ్ |
సోమసూనుం సురారాధ్యం సర్వదం సౌమ్యమాశ్రయే || ౨ ||
బుధం బుద్ధిప్రదాతారం బాణబాణాసనోజ్జ్వలమ్ |
భద్రప్రదం భీతిహరం భక్తపాలనమాశ్రయే || ౩ ||
ఆత్రేయగోత్రసంజాతమాశ్రితార్తినివారణమ్ |
ఆదితేయకులారాధ్యమాశుసిద్ధిదమాశ్రయే || ౪ ||
కలానిధితనూజాతం కరుణారసవారిధిమ్ |
కల్యాణదాయినం నిత్యం కన్యారాశ్యధిపం భజే || ౫ ||
మందస్మితముఖాంభోజం మన్మథాయుతసుందరమ్ |
మిథునాధీశమనఘం మృగాంకతనయం భజే || ౬ ||
చతుర్భుజం చారురూపం చరాచరజగత్ప్రభుమ్ |
చర్మఖడ్గధరం వందే చంద్రగ్రహతనూభవమ్ || ౭ ||
పంచాస్యవాహనగతం పంచపాతకనాశనమ్ |
పీతగంధం పీతమాల్యం బుధం బుధనుతం భజే || ౮ ||
బుధస్తోత్రమిదం గుహ్యం వసిష్ఠేనోదితం పురా |
యః పఠేచ్ఛృణూయాద్వాపి సర్వాభీష్టమవాప్నుయాత్ || ౯ ||
ఇతి శ్రీ బుధ స్తోత్రమ్ |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
నవగ్రహ స్తోత్రనిధి
(నిత్య పారాయణ గ్రంథము)
మరిన్ని నవగ్రహ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.