Sri Budha Stotram 2 – శ్రీ బుధ స్తోత్రం – 2

స్తోత్రనిధి → నవగ్రహ స్తోత్రాలు → శ్రీ బుధ స్తోత్రం – 2

[గమనిక: ఈ స్తోత్రము “నవగ్రహ స్తోత్రనిధి” పారాయణ గ్రంథములో కూడా ఉన్నది. Click here to buy.]

ధ్యానమ్ –
భుజైశ్చతుర్భిర్వరదాభయాసి-
గదా వహంతం సుముఖం ప్రశాంతమ్ |
పీతప్రభం చంద్రసుతం సురేఢ్యం
సింహేనిషణ్ణం బుధమాశ్రయామి ||

అథ స్తోత్రమ్ –
పీతాంబరః పీతవపుః కిరీటీ చ చతుర్భుజః |
పీతధ్వజపతాకీ చ రోహిణీగర్భసంభవః || ౧ ||

ఈశాన్యాదిషుదేశేషు బాణాసన ఉదఙ్ముఖః |
నాథో మగధదేశస్య మంత్రో మంత్రార్థతత్త్వవిత్ || ౨ ||

సుఖాసనః కర్ణికారో జైత్రశ్చాత్రేయగోత్రవాన్ |
భరద్వాజ ఋషిప్రఖ్యైర్జ్యోతిర్మండలమండితః || ౩ ||

అధిప్రత్యధిదేవాభ్యామన్యతో గ్రహమండలే |
ప్రవిష్టః సూక్ష్మరూపేణ సమస్తవరదః సుఖీ || ౪ ||

సదా ప్రదక్షిణం మేరోః కుర్వాణః కామరూపవాన్ |
అసిదండౌ చ బిభ్రాణః సంప్రాప్తసుఫలప్రదః || ౫ ||

కన్యాయా మిథునస్యాపి రాశేరధిపతిర్ద్వయోః |
ముద్గధాన్యప్రదో నిత్యం మర్త్యామర్త్యసురార్చితః || ౬ ||

యస్తు సౌమ్యేన మనసా స్వమాత్మానం ప్రపూజయేత్ |
తస్య వశ్యో భవేన్నిత్యం సౌమ్యనామధరో బుధః || ౭ ||

బుధస్తోత్రమిదం గుహ్యం వసిష్ఠేనోదితం పురా |
దిలీపాయ చ భక్తాయ యాచమానాయ భూభృతే || ౮ ||

యః పఠేదేకవారం వా సర్వాభీష్టమవాప్నుయాత్ |
స్తోత్రరాజమిదం పుణ్యం గుహ్యాద్గుహ్యతమం మహత్ || ౯ ||

ఏకవారం ద్వివారం వా త్రివారం యః పఠేన్నరః |
తస్యాపస్మారకుష్ఠాదివ్యాధిబాధా న విద్యతే || ౧౦ ||

సర్వగ్రహకృతాపీడా పఠితేఽస్మిన్న విద్యతే |
కృత్రిమౌషధదుర్మంత్రం కృత్రిమాదినిశాచరైః || ౧౧ ||

యద్యద్భయం భవేత్తత్ర పఠితేఽస్మిన్న విద్యతే |
ప్రతిమా యా సువర్ణేన లిఖితా తు భుజాష్టకా || ౧౨ ||

ముద్గధాన్యోపరిన్యస్త పీతవస్త్రాన్వితే ఘటే |
విన్యస్య విధినా సమ్యక్ మాసమేకం నిరంతరమ్ || ౧౩ ||

యే పూజయంతి తే యాంతి దీర్ఘమాయుః ప్రజాధనమ్ |
ఆరోగ్యం భస్మగుల్మాది సర్వవ్యాధివినాశనమ్ |
యం యం కామయతే సమ్యక్ తత్తదాప్నోత్యసంశయః || ౧౪ ||

ఇతి శ్రీస్కాందపురాణే శ్రీ బుధ స్తోత్రమ్ |

---

గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.

నవగ్రహ స్తోత్రనిధి

(నిత్య పారాయణ గ్రంథము)

Click here to buy

---

మరిన్ని నవగ్రహ స్తోత్రాలు చూడండి.

Did you see any mistake/variation in the content above? Click here to report mistakes and corrections in Stotranidhi content.