Read in తెలుగు / ಕನ್ನಡ / தமிழ் / देवनागरी / English (IAST)
ಬ್ರಹ್ಮೋವಾಚ |
ಚಕ್ರಾಂಭೋಜೇ ಸಮಾಸೀನಂ ಚಕ್ರಾದ್ಯಾಯುಧಧಾರಿಣಮ್ |
ಚಕ್ರರೂಪಂ ಮಹಾವಿಷ್ಣುಂ ಚಕ್ರಮಂತ್ರೇಣ ಚಿಂತಯೇತ್ || ೧ ||
ಸರ್ವಾವಯವಸಂಪೂರ್ಣಂ ಭಯಸ್ಯಾಪಿ ಭಯಂಕರಮ್ |
ಉಗ್ರಂ ತ್ರಿನೇತ್ರಂ ಕೇಶಾಗ್ನಿಂ ಜ್ವಾಲಾಮಾಲಾಸಮಾಕುಲಮ್ || ೨ ||
ಅಪ್ರಮೇಯಮನಿರ್ದೇಶ್ಯಂ ಬ್ರಹ್ಮಾಂಡವ್ಯಾಪ್ತವಿಗ್ರಹಮ್ |
ಅಷ್ಟಾಯುಧಪರೀವಾರಂ ಅಷ್ಟಾಪದಸಮದ್ಯುತಿಮ್ || ೩ ||
ಅಷ್ಟಾರಚಕ್ರಮತ್ಯುಗ್ರಂ ಸಂವರ್ತಾಗ್ನಿಸಮಪ್ರಭಮ್ |
ದಕ್ಷಿಣೈರ್ಬಾಹುಭಿಶ್ಚಕ್ರಮುಸಲಾಂಕುಶಪತ್ರಿಣಃ || ೪ ||
ದಧಾನಂ ವಾಮತಃ ಶಂಖಚಾಪಪಾಶಗದಾಧರಮ್ |
ರಕ್ತಾಂಬರಧರಂ ದೇವಂ ರಕ್ತಮಾಲ್ಯೋಪಶೋಭಿತಮ್ || ೫ ||
ರಕ್ತಚಂದನಲಿಪ್ತಾಂಗಂ ರಕ್ತವರ್ಣಮಿವಾಂಬುದಮ್ |
ಶ್ರೀವತ್ಸಕೌಸ್ತುಭೋರಸ್ಕಂ ದೀಪ್ತಕುಂಡಲಧಾರಿಣಮ್ || ೬ ||
ಹಾರಕೇಯೂರಕಟಕಶೃಂಖಲಾದ್ಯೈರಲಂಕೃತಮ್ |
ದುಷ್ಟನಿಗ್ರಹಕರ್ತಾರಂ ಶಿಷ್ಟಾನುಗ್ರಹಕಾರಿಣಮ್ || ೭ ||
ಏವಂ ಸೌದರ್ಶನಂ ನಿತ್ಯಂ ಪುರುಷಂ ಹೃದಿ ಭಾವಯೇತ್ |
ಸೌಲಭ್ಯಚೂಡಾಮಣ್ಯಾಖ್ಯಂ ಮಯಾ ಭಕ್ತ್ಯಾ ಸಮೀರಿತಮ್ || ೮ ||
ಚೂಡಾಯುಕ್ತಂ ತ್ರಿಸಂಧ್ಯಾಯಾಂ ಯಃ ಪಠೇತ್ ಸ್ತೋತ್ರಮುತ್ತಮಮ್ |
ಭಯಂ ಚ ನ ಭವೇತ್ತಸ್ಯ ದುರಿತಂ ಚ ಕದಾಚನ || ೯ ||
ಜಲೇ ವಾಽಪಿ ಸ್ಥಲೇ ವಾಽಪಿ ಚೋರದುಃಖಮಹಾಪದಿ |
ಸಂಗ್ರಾಮೇ ರಾಜಸಂಮರ್ದೇ ಶತ್ರುಭಿಃ ಪರಿಪೀಡಿತೇ || ೧೦ ||
ಬಂಧನೇ ನಿಗಲೇ ವಾಽಪಿ ಸಂಕಟೇಽಪಿ ಮಹಾಭಯೇ |
ಯಃ ಪಠೇತ್ ಪರಯಾ ಭಕ್ತ್ಯಾ ಸ್ತೋತ್ರಮೇತಜ್ಜಿತೇಂದ್ರಿಯಃ |
ಸರ್ವತ್ರ ಚ ಸುಖೀ ಭೂತ್ವಾ ಸರ್ವಾನ್ ಕಾಮಾನವಾಪ್ನುಯಾತ್ || ೧೧ ||
ಇತಿ ಶ್ರೀ ಸೌಲಭ್ಯಚೂಡಾಮಣಿ ಸ್ತೋತ್ರಮ್ |
ಇನ್ನಷ್ಟು ಶ್ರೀ ಸುದರ್ಶನ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
