Read in తెలుగు / ಕನ್ನಡ / தமிழ் / देवनागरी / English (IAST)
brahmōvāca |
cakrāmbhōjē samāsīnaṁ cakrādyāyudhadhāriṇam |
cakrarūpaṁ mahāviṣṇuṁ cakramantrēṇa cintayēt || 1 ||
sarvāvayavasampūrṇaṁ bhayasyāpi bhayaṅkaram |
ugraṁ trinētraṁ kēśāgniṁ jvālāmālāsamākulam || 2 ||
apramēyamanirdēśyaṁ brahmāṇḍavyāptavigraham |
aṣṭāyudhaparīvāraṁ aṣṭāpadasamadyutim || 3 ||
aṣṭāracakramatyugraṁ saṁvartāgnisamaprabham |
dakṣiṇairbāhubhiścakramusalāṅkuśapatriṇaḥ || 4 ||
dadhānaṁ vāmataḥ śaṅkhacāpapāśagadādharam |
raktāmbaradharaṁ dēvaṁ raktamālyōpaśōbhitam || 5 ||
raktacandanaliptāṅgaṁ raktavarṇamivāmbudam |
śrīvatsakaustubhōraskaṁ dīptakuṇḍaladhāriṇam || 6 ||
hārakēyūrakaṭakaśr̥ṅkhalādyairalaṅkr̥tam |
duṣṭanigrahakartāraṁ śiṣṭānugrahakāriṇam || 7 ||
ēvaṁ saudarśanaṁ nityaṁ puruṣaṁ hr̥di bhāvayēt |
saulabhyacūḍāmaṇyākhyaṁ mayā bhaktyā samīritam || 8 ||
cūḍāyuktaṁ trisandhyāyāṁ yaḥ paṭhēt stōtramuttamam |
bhayaṁ ca na bhavēttasya duritaṁ ca kadācana || 9 ||
jalē vā:’pi sthalē vā:’pi cōraduḥkhamahāpadi |
saṅgrāmē rājasaṁmardē śatrubhiḥ paripīḍitē || 10 ||
bandhanē nigalē vā:’pi saṅkaṭē:’pi mahābhayē |
yaḥ paṭhēt parayā bhaktyā stōtramētajjitēndriyaḥ |
sarvatra ca sukhī bhūtvā sarvān kāmānavāpnuyāt || 11 ||
iti śrī saulabhyacūḍāmaṇi stōtram |
ಗಮನಿಸಿ :"ಪ್ರಭಾತ ಸ್ತೋತ್ರನಿಧಿ" ಪುಸ್ತಕ ಬಿಡುಗಡೆಯಾಗಿದೆ ಮತ್ತು ಈಗ ಖರೀದಿಗೆ ಲಭ್ಯವಿದೆ. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
