Read in తెలుగు / ಕನ್ನಡ / தமிழ் / देवनागरी / English (IAST)
ಅದ್ವೈತವಾಸ್ತವಮತೇಃ ಪ್ರಣಮಜ್ಜನಾನಾಂ
ಸಂಪಾದನಾಯ ಧೃತಮಾನವಸಿಂಹರೂಪಮ್ |
ಪ್ರಹ್ಲಾದಪೋಷಣರತಂ ಪ್ರಣತೈಕವಶ್ಯಂ
ದೇವಂ ಮುದಾ ಕಮಪಿ ನೌಮಿ ಕೃಪಾಸಮುದ್ರಮ್ || ೧ ||
ನತಜನವಚನಋತತ್ವ-
-ಪ್ರಕಾಶಕಾಲಸ್ಯ ದೈರ್ಘ್ಯಮಸಹಿಷ್ಣುಃ |
ಆವಿರ್ಬಭೂವ ತರಸಾ
ಯಃ ಸ್ತಂಭಾನ್ನೌಮಿ ತಂ ಮಹಾವಿಷ್ಣುಮ್ || ೨ ||
ವಕ್ಷೋವಿದಾರಣಂ ಯ-
-ಶ್ಚಕ್ರೇ ಹಾರ್ದಂ ತಮೋ ಹಂತುಮ್ |
ಶತ್ರೋರಪಿ ಕರುಣಾಬ್ಧಿಂ
ನರಹರಿವಪುಷಂ ನಮಾಮಿ ತಂ ವಿಷ್ಣುಮ್ || ೩ ||
ರಿಪುಹೃದಯಸ್ಥಿತರಾಜಸ-
-ಗುಣಮೇವಾಸೃಙ್ಮಿಷೇಣ ಕರಜಾಗ್ರೈಃ |
ಧತ್ತೇ ಯಸ್ತಂ ವಂದೇ
ಪ್ರಹ್ಲಾದಪೂರ್ವಭಾಗ್ಯನಿಚಯಮಹಮ್ || ೪ ||
ಪ್ರಹ್ಲಾದಂ ಪ್ರಣಮಜ್ಜನ-
-ಪಂಕ್ತೇಃ ಕುರ್ವಂತಿ ದಿವಿಷದೋ ಹ್ಯನ್ಯೇ |
ಪ್ರಹ್ಲಾದಪ್ರಹ್ಲಾದಂ
ಚಿತ್ರಂ ಕುರುತೇ ನಮಾಮಿ ಯಸ್ತಮಹಮ್ || ೫ ||
ಶರದಿಂದುಕುಂದಧವಲಂ
ಕರಜಪ್ರವಿದಾರಿತಾಸುರಾಧೀಶಮ್ |
ಚರಣಾಂಬುಜರತವಾಕ್ಯಂ
ತರಸೈವ ಋತಂ ಪ್ರಕುರ್ವದಹಮೀಡೇ || ೬ ||
ಮುಖೇನ ರೌದ್ರೋ ವಪುಷಾ ಚ ಸೌಮ್ಯಃ
ಸನ್ಕಂಚನಾರ್ಥಂ ಪ್ರಕಟೀಕರೋಷಿ |
ಭಯಸ್ಯ ಕರ್ತಾ ಭಯಹೃತ್ತ್ವಮೇವೇ-
-ತ್ಯಾಖ್ಯಾಪ್ರಸಿದ್ಧಿರ್ಯದಸಂಶಯಾಭೂತ್ || ೭ ||
ಇತಿ ಶೃಂಗೇರಿ ಜಗದ್ಗುರು ಶ್ರೀಸಚ್ಚಿದಾನಂದಶಿವಾಭಿನವನೃಸಿಂಹಭಾರತೀ ಸ್ವಾಮಿಭಿಃ ವಿರಚಿತಂ ಶ್ರೀ ನೃಸಿಂಹ ಸಪ್ತಕಮ್ |
ಇನ್ನಷ್ಟು ಶ್ರೀ ನೃಸಿಂಹ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
