Read in తెలుగు / ಕನ್ನಡ / தமிழ் / देवनागरी / English (IAST)
ಓಂಕಾರಜಪರತಾನಾಮೋಂಕಾರಾರ್ಥಂ ಮುದಾ ವಿವೃಣ್ವಾನಮ್ |
ಓಜಃಪ್ರದಂ ನತೇಭ್ಯಸ್ತಮಹಂ ಪ್ರಣಮಾಮಿ ಚಂದ್ರಮೌಳೀಶಮ್ || ೧ ||
ನಮ್ರಸುರಾಸುರನಿಕರಂ ನಲಿನಾಹಂಕಾರಹಾರಿಪದಯುಗಲಮ್ |
ನಮದಿಷ್ಟದಾನಧೀರಂ ಸತತಂ ಪ್ರಣಮಾಮಿ ಚಂದ್ರಮೌಳೀಶಮ್ || ೨ ||
ಮನನಾದ್ಯತ್ಪದಯೋಃ ಖಲು ಮಹತೀಂ ಸಿದ್ಧಿಂ ಜವಾತ್ಪ್ರಪದ್ಯಂತೇ |
ಮಂದೇತರಲಕ್ಷ್ಮೀಪ್ರದಮನಿಶಂ ಪ್ರಣಮಾಮಿ ಚಂದ್ರಮೌಳೀಶಮ್ || ೩ ||
ಶಿತಿಕಂಠಮಿಂದುದಿನಕರಶುಚಿಲೋಚನಮಂಬುಜಾಕ್ಷವಿಧಿಸೇವ್ಯಮ್ |
ನತಮತಿದಾನಧುರೀಣಂ ಸತತಂ ಪ್ರಣಮಾಮಿ ಚಂದ್ರಮೌಳೀಶಮ್ || ೪ ||
ವಾಚೋ ವಿನಿವರ್ತಂತೇ ಯಸ್ಮಾದಪ್ರಾಪ್ಯ ಸಹ ಹೃದೈವೇತಿ |
ಗೀಯಂತೇ ಶ್ರುತಿತತಿಭಿಸ್ತಮಹಂ ಪ್ರಣಮಾಮಿ ಚಂದ್ರಮೌಳೀಶಮ್ || ೫ ||
ಯಚ್ಛಂತಿ ಯತ್ಪದಾಂಬುಜಭಕ್ತಾಃ ಕುತುಕಾತ್ಸ್ವಭಕ್ತೇಭ್ಯಃ |
ಸರ್ವಾನಪಿ ಪುರುಷಾರ್ಥಾಂಸ್ತಮಹಂ ಪ್ರಣಮಾಮಿ ಚಂದ್ರಮೌಳೀಶಮ್ || ೬ ||
ಪಂಚಾಕ್ಷರಮನುವರ್ಣೈರಾದೌ ಕ್ಲುಪ್ತಾಂ ಸ್ತುತಿಂ ಪಠನ್ನೇನಾಮ್ |
ಪ್ರಾಪ್ಯ ದೃಢಾಂ ಶಿವಭಕ್ತಿಂ ಭುಕ್ತ್ವಾ ಭೋಗಾಂಲ್ಲಭೇತ ಮುಕ್ತಿಮಪಿ || ೭ ||
ಇತಿ ಶ್ರೀಸಚ್ಚಿದಾನಂದ ಶಿವಾಭಿನವ ನೃಸಿಂಹಭಾರತೀ ಸ್ವಾಮಿಭಿಃ ವಿರಚಿತಂ ಶ್ರೀ ಚಂದ್ರಮೌಲೀಶ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.