Read in తెలుగు / ಕನ್ನಡ / தமிழ் / देवनागरी / English (IAST)
ರೈಭ್ಯ ಉವಾಚ |
ಗದಾಧರಂ ವಿಬುಧಜನೈರಭಿಷ್ಟುತಂ
ಧೃತಕ್ಷಮಂ ಕ್ಷುಧಿತ ಜನಾರ್ತಿನಾಶನಮ್ |
ಶಿವಂ ವಿಶಾಲಾಽಸುರಸೈನ್ಯಮರ್ದನಂ
ನಮಾಮ್ಯಹಂ ಹತಸಕಲಾಽಶುಭಂ ಸ್ಮೃತೌ || ೧ ||
ಪುರಾಣಪೂರ್ವಂ ಪುರುಷಂ ಪುರುಷ್ಟುತಂ
ಪುರಾತನಂ ವಿಮಲಮಲಂ ನೃಣಾಂ ಗತಿಮ್ |
ತ್ರಿವಿಕ್ರಮಂ ಹೃತಧರಣಿಂ ಬಲೋರ್ಜಿತಂ
ಗದಾಧರಂ ರಹಸಿ ನಮಾಮಿ ಕೇಶವಮ್ || ೨ ||
ವಿಶುದ್ಧಭಾವಂ ವಿಭವೈರುಪಾವೃತಂ
ಶ್ರಿಯಾವೃತಂ ವಿಗತಮಲಂ ವಿಚಕ್ಷಣಮ್ |
ಕ್ಷಿತೀಶ್ವರೈರಪಗತಕಿಲ್ಬಿಷೈಃ ಸ್ತುತಂ
ಗದಾಧರಂ ಪ್ರಣಮತಿ ಯಃ ಸುಖಂ ವಸೇತ್ || ೩ ||
ಸುರಾಽಸುರೈರರ್ಚಿತಪಾದಪಂಕಜಂ
ಕೇಯೂರಹಾರಾಂಗದಮೌಲಿಧಾರಿಣಮ್ |
ಅಬ್ಧೌ ಶಯಾನಂ ಚ ರಥಾಂಗಪಾಣಿನಂ
ಗದಾಧರಂ ಪ್ರಣಮತಿ ಯಃ ಸುಖಂ ವಸೇತ್ || ೪ ||
ಸಿತಂ ಕೃತೇ ತ್ರೇತಯುಗೇಽರುಣಂ ವಿಭುಂ
ತಥಾ ತೃತೀಯೇ ಪೀತವರ್ಣಮಚ್ಯುತಮ್ |
ಕಲೌ ಘನಾಲಿಪ್ರತಿಮಂ ಮಹೇಶ್ವರಂ
ಗದಾಧರಂ ಪ್ರಣಮತಿ ಯಃ ಸುಖಂ ವಸೇತ್ || ೫ ||
ಬೀಜೋದ್ಭವೋ ಯಃ ಸೃಜತೇ ಚತುರ್ಮುಖಂ
ತಥೈವ ನಾರಾಯಣರೂಪತೋ ಜಗತ್ |
ಪ್ರಪಾಲಯೇದ್ರುದ್ರವಪುಸ್ತಥಾಂತಕೃ-
-ದ್ಗದಾಧರೋ ಜಯತು ಷಡರ್ಧಮೂರ್ತಿಮಾನ್ || ೬ ||
ಸತ್ತ್ವಂ ರಜಶ್ಚೈವ ತಮೋ ಗುಣಾಸ್ತ್ರಯ-
-ಸ್ತ್ವೇತೇಷು ನಾನ್ಯಸ್ಯ ಸಮುದ್ಭವಃ ಕಿಲ |
ಸ ಚೈಕ ಏವ ತ್ರಿವಿಧೋ ಗದಾಧರೋ
ದಧಾತು ಧೈರ್ಯಂ ಮಮ ಧರ್ಮಮೋಕ್ಷಯೋಃ || ೭ ||
ಸಂಸಾರತೋಯಾರ್ಣವದುಃಖತಂತುಭಿ-
-ರ್ವಿಯೋಗನಕ್ರಕ್ರಮಣೈಃ ಸುಭೀಷಣೈಃ |
ಮಜ್ಜಂತಮುಚ್ಚೈಃ ಸುತರಾಂ ಮಹಾಪ್ಲವೇ
ಗದಾಧರೋ ಮಾಮುದಧೌ ತು ಪೋತವತ್ || ೮ ||
ಸ್ವಯಂ ತ್ರಿಮೂರ್ತಿಃ ಸ್ವಮಿವಾತ್ಮನಾತ್ಮನಿ
ಸ್ವಶಕ್ತಿತಶ್ಚಾಂಡಮಿದಂ ಸಸರ್ಜ ಹ |
ತಸ್ಮಿಞ್ಜಲೋತ್ಥಾಸನಮಾರ್ಯ ತೈಜಸಂ
ಸಸರ್ಜ ಯಸ್ತಂ ಪ್ರಣತೋಽಸ್ಮಿ ಭೂಧರಮ್ || ೯ ||
ಮತ್ಸ್ಯಾದಿನಾಮಾನಿ ಜಗತ್ಸು ಕೇವಲಂ
ಸುರಾದಿಸಂರಕ್ಷಣತೋ ವೃಷಾಕಪಿಃ |
ಮುಖ್ಯಸ್ವರೂಪೇಣ ಸಮಂತತೋ ವಿಭು-
-ರ್ಗದಾಧರೋ ಮೇ ವಿದಧಾತು ಸದ್ಗತಿಮ್ || ೧೦ ||
ಇತಿ ಶ್ರೀವರಾಹಪುರಾಣೇ ಸಪ್ತಮೋಽಧ್ಯಾಯೇ ರಭ್ಯಕೃತ ಗದಾಧರ ಸ್ತೋತ್ರಮ್ |
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
