Read in తెలుగు / ಕನ್ನಡ / தமிழ் / देवनागरी / English (IAST)
ರಾಜೋವಾಚ |
ದರ್ಶನಾತ್ತವ ಗೋವಿಂದ ನಾಧಿಕಂ ವರ್ತತೇ ಹರೇ |
ತ್ವಾಂ ವದಂತಿ ಸುರಾಧ್ಯಕ್ಷಂ ವೇದವೇದ್ಯಂ ಪುರಾತನಮ್ || ೧ ||
ಮುನಯೋ ಮನುಜಶ್ರೇಷ್ಠಾಃ ತಚ್ಛ್ರುತ್ವಾಹಮಿಹಾಗತಃ |
ಸ್ವಾಮಿನ್ ನಚ್ಯುತ ಗೋವಿಂದ ಪುರಾಣಪುರುಷೋತ್ತಮ || ೨ ||
ಅಪ್ರಾಕೃತಶರೀರೋಽಸಿ ಲೀಲಾಮಾನುಷವಿಗ್ರಹಃ |
ತ್ವಾಮೇವ ಸೃಷ್ಟಿಕರಣೇ ಪಾಲನೇ ಹರಣೇ ಹರೇ || ೩ ||
ಕಾರಣಂ ಪ್ರಕೃತೇರ್ಯೋನಿಂ ವದಂತಿ ಚ ಮನೀಷಿಣಃ |
ಜಗದೇಕಾರ್ಣವಂ ಕೃತ್ವಾ ಭವಾನೇಕತ್ವಮಾಪ್ಯ ಚ || ೪ ||
ಜೀವಕೋಟಿಧನಂ ದೇವ ಜಠರೇ ಪರಿಪೂರಯನ್ |
ಕ್ರೀಡತೇ ರಮಯಾ ಸಾರ್ಧಂ ರಮಣೀಯಾಂಗವಿಶ್ರಮಃ || ೫ ||
ಸಹಸ್ರಶೀರ್ಷಾ ಪುರುಷಃ ಸಹಸ್ರಾಕ್ಷಃ ಸಹಸ್ರಪಾತ್ |
ತ್ವನ್ಮುಖಾದ್ವಿಪ್ರನಿಚಯೋ ಬಾಹುಭ್ಯಾಂ ಕ್ಷತ್ರಮಂಡಲಮ್ || ೬ ||
ಊರುಭ್ಯಾಮಭವನ್ ವೈಶ್ಯಾಃ ಪದ್ಭ್ಯಾಂ ಶೂದ್ರಾಃ ಪ್ರಕೀರ್ತಿತಾಃ |
ಪ್ರಭುಸ್ತ್ವಂ ಸರ್ವಲೋಕಾನಾಂ ದೇವಾನಾಮಪಿ ಯೋಗಿನಾಮ್ || ೭ ||
ಅಂತಃಸೃಷ್ಟಿಕರಸ್ತ್ವಂ ಹಿ ಬಹಿಃ ಸೃಷ್ಟಿಕರೋ ಭವಾನ್ |
ನಮಃ ಶ್ರೀವೇಂಕಟೇಶಾಯ ನಮೋ ಬ್ರಹ್ಮೋದರಾಯ ಚ || ೮ ||
ನಮೋ ನಾಥಾಯ ಕಾಂತಾಯ ರಮಾಯಾಃ ಪುಣ್ಯಮೂರ್ತಯೇ |
ನಮಃ ಶಾಂತಾಯ ಕೃಷ್ಣಾಯ ನಮಸ್ತೇಽದ್ಭುತಕರ್ಮಣೇ || ೯ ||
ಅಪ್ರಾಕೃತಶರೀರಾಯ ಶ್ರೀನಿವಾಸಾಯ ತೇ ನಮಃ |
ಅನಂತಮೂರ್ತಯೇ ನಿತ್ಯಂ ಅನಂತಶಿರಸೇ ನಮಃ || ೧೦ ||
ಅನಂತಬಾಹವೇ ಶ್ರೀಮನ್ ಅನಂತಾಯ ನಮೋ ನಮಃ |
ಸರೀಸೃಪಗಿರೀಶಾಯ ಪರಬ್ರಹ್ಮನ್ ನಮೋ ನಮಃ || ೧೧ ||
ಇತಿ ಸ್ತುತ್ವಾ ಶ್ರೀನಿವಾಸಂ ಕಮನೀಯಕಲೇವರಮ್ |
ವಿರರಾಮ ಮಹಾರಾಜ ರಾಜೇಂದ್ರೋ ರಣಕೋವಿದಃ || ೧೨ ||
ಸ್ತೋತ್ರೇಣಾನೇನ ಸುಪ್ರೀತಸ್ತೋಂಡಮಾನಕೃತೇನ ಚ |
ಸಂತುಷ್ಟಃ ಪ್ರಾಹ ಗೋವಿಂದಃ ಶ್ರೀಮಂತಂ ರಾಜಸತ್ತಮಮ್ || ೧೩ ||
ಶ್ರೀನಿವಾಸ ಉವಾಚ |
ರಾಜನ್ ಅಲಮಲಂ ಸ್ತೋತ್ರಂ ಕೃತಂ ಪರಮಪಾವನಮ್ |
ಅನೇನ ಸ್ತವರಾಜೇನ ಮಾಮರ್ಚಂತಿ ಚ ಯೇ ಜನಾಃ || ೧೪ ||
ತೇಷಾಂ ತು ಮಮ ಸಾಲೋಕ್ಯಂ ಭವಿಷ್ಯತಿ ನ ಸಂಶಯಃ || ೧೫ ||
ಇತಿ ಶ್ರೀವೇಂಕಟಾಚಲಮಾಹಾತ್ಮ್ಯೇ ತೋಂಡಮಾನ ಕೃತ ಶ್ರೀನಿವಾಸಸ್ತುತಿಃ |
ಇನ್ನಷ್ಟು ಶ್ರೀ ವೇಂಕಟೇಶ್ವರ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
