Thondaman Krutha Srinivasa Stuti – ஶ்ரீ ஶ்ரீநிவாஸ ஸ்துதி꞉ (தோண்ட³மாந க்ருதம்)


ராஜோவாச ।
த³ர்ஶநாத்தவ கோ³விந்த³ நாதி⁴கம் வர்ததே ஹரே ।
த்வாம் வத³ந்தி ஸுராத்⁴யக்ஷம் வேத³வேத்³யம் புராதநம் ॥ 1 ॥

முநயோ மநுஜஶ்ரேஷ்டா²꞉ தச்ச்²ருத்வாஹமிஹாக³த꞉ ।
ஸ்வாமின் நச்யுத கோ³விந்த³ புராணபுருஷோத்தம ॥ 2 ॥

அப்ராக்ருதஶரீரோ(அ)ஸி லீலாமாநுஷவிக்³ரஹ꞉ ।
த்வாமேவ ஸ்ருஷ்டிகரணே பாலநே ஹரணே ஹரே ॥ 3 ॥

காரணம் ப்ரக்ருதேர்யோநிம் வத³ந்தி ச மநீஷிண꞉ ।
ஜக³தே³கார்ணவம் க்ருத்வா ப⁴வாநேகத்வமாப்ய ச ॥ 4 ॥

ஜீவகோடித⁴நம் தே³வ ஜட²ரே பரிபூரயன் ।
க்ரீட³தே ரமயா ஸார்த⁴ம் ரமணீயாங்க³விஶ்ரம꞉ ॥ 5 ॥

ஸஹஸ்ரஶீர்ஷா புருஷ꞉ ஸஹஸ்ராக்ஷ꞉ ஸஹஸ்ரபாத் ।
த்வந்முகா²த்³விப்ரநிசயோ பா³ஹுப்⁴யாம் க்ஷத்ரமண்ட³லம் ॥ 6 ॥

ஊருப்⁴யாமப⁴வன் வைஶ்யா꞉ பத்³ப்⁴யாம் ஶூத்³ரா꞉ ப்ரகீர்திதா꞉ ।
ப்ரபு⁴ஸ்த்வம் ஸர்வலோகாநாம் தே³வாநாமபி யோகி³நாம் ॥ 7 ॥

அந்த꞉ஸ்ருஷ்டிகரஸ்த்வம் ஹி ப³ஹி꞉ ஸ்ருஷ்டிகரோ ப⁴வான் ।
நம꞉ ஶ்ரீவேங்கடேஶாய நமோ ப்³ரஹ்மோத³ராய ச ॥ 8 ॥

நமோ நாதா²ய காந்தாய ரமாயா꞉ புண்யமூர்தயே ।
நம꞉ ஶாந்தாய க்ருஷ்ணாய நமஸ்தே(அ)த்³பு⁴தகர்மணே ॥ 9 ॥

அப்ராக்ருதஶரீராய ஶ்ரீநிவாஸாய தே நம꞉ ।
அநந்தமூர்தயே நித்யம் அநந்தஶிரஸே நம꞉ ॥ 10 ॥

அநந்தபா³ஹவே ஶ்ரீமன் அநந்தாய நமோ நம꞉ ।
ஸரீஸ்ருபகி³ரீஶாய பரப்³ரஹ்மன் நமோ நம꞉ ॥ 11 ॥

இதி ஸ்துத்வா ஶ்ரீநிவாஸம் கமநீயகளேவரம் ।
விரராம மஹாராஜ ராஜேந்த்³ரோ ரணகோவித³꞉ ॥ 12 ॥

ஸ்தோத்ரேணாநேந ஸுப்ரீதஸ்தோண்ட³மாநக்ருதேந ச ।
ஸந்துஷ்ட꞉ ப்ராஹ கோ³விந்த³꞉ ஶ்ரீமந்தம் ராஜஸத்தமம் ॥ 13 ॥

ஶ்ரீநிவாஸ உவாச ।
ராஜன் அலமலம் ஸ்தோத்ரம் க்ருதம் பரமபாவநம் ।
அநேந ஸ்தவராஜேந மாமர்சந்தி ச யே ஜநா꞉ ॥ 14 ॥

தேஷாம் து மம ஸாலோக்யம் ப⁴விஷ்யதி ந ஸம்ஶய꞉ ॥ 15 ॥

இதி ஶ்ரீவேங்கடாசலமாஹாத்ம்யே தோண்டா³மநக்ருத ஶ்ரீநிவாஸஸ்துதி꞉ ।


గమనిక: "శ్రీ లక్ష్మీ స్తోత్రనిధి" పారాయణ గ్రంథము తెలుగులో ముద్రణ చేయుటకు ఆలోచన చేయుచున్నాము.

Report mistakes and corrections in Stotranidhi content.

Facebook Comments
error: Not allowed
%d bloggers like this: