Read in తెలుగు / ಕನ್ನಡ / தமிழ் / देवनागरी / English (IAST)
ಯತ್ಸೇವನೇನ ಪಿತೃಮಾತೃಸಹೋದರಾಣಾಂ
ಚಿತ್ತಂ ನ ಮೋಹಮಹಿಮಾ ಮಲಿನಂ ಕರೋತಿ |
ಇತ್ಥಂ ಸಮೀಕ್ಷ್ಯ ತವ ಭಕ್ತಜನಾನ್ ಮುರಾರೇ
ಮೂಕೋಽಸ್ಮಿ ತೇಽಂಘ್ರಿಕಮಲಂ ತದತೀವ ಧನ್ಯಮ್ || ೧ ||
ಯೇ ಯೇ ವಿಲಗ್ನಮನಸಃ ಸುಖಮಾಪ್ತುಕಾಮಾಃ
ತೇ ತೇ ಭವಂತಿ ಜಗದುದ್ಭವಮೋಹಶೂನ್ಯಾಃ |
ದೃಷ್ಟ್ವಾ ವಿನಷ್ಟಧನಧಾನ್ಯಗೃಹಾನ್ ಮುರಾರೇ
ಮೂಕೋಽಸ್ಮಿ ತೇಽಂಘ್ರಿಕಮಲಂ ತದತೀವ ಧನ್ಯಮ್ || ೨ ||
ವಸ್ತ್ರಾಣಿ ದಿಗ್ವಲಯಮಾವಸತಿಃ ಶ್ಮಶಾನೇ
ಪಾತ್ರಂ ಕಪಾಲಮಪಿ ಮುಂಡವಿಭೂಷಣಾನಿ |
ರುದ್ರೇ ಪ್ರಸಾದಮಚಲಂ ತವ ವೀಕ್ಷ್ಯ ಶೌರೇ
ಮೂಕೋಽಸ್ಮಿ ತೇಽಂಘ್ರಿಕಮಲಂ ತದತೀವ ಧನ್ಯಮ್ || ೩ ||
ಯತ್ಕೀರ್ತಿಗಾಯನಪರಸ್ಯ ವಿಧಾತೃಸೂನೋಃ
ಕೌಪೀನಮೈಣಮಜಿನಂ ವಿಪುಲಾಂ ವಿಭೂತಿಮ್ |
ಸ್ವಸ್ಯಾರ್ಥ ದಿಗ್ಭ್ರಮಣಮೀಕ್ಷ್ಯ ತು ಸಾರ್ವಕಾಲಂ
ಮೂಕೋಽಸ್ಮಿ ತೇಽಂಘ್ರಿಕಮಲಂ ತದತೀವ ಧನ್ಯಮ್ || ೪ ||
ಯದ್ವೀಕ್ಷಣೇ ಧೃತಧಿಯಾಮಶನಂ ಫಲಾದಿ
ವಾಸೋಽಪಿ ನಿರ್ಜಿನವನೇ ಗಿರಿಕಂದರಾಸು |
ವಾಸಾಂಸಿ ವಲ್ಕಲಮಯಾನಿ ವಿಲೋಕ್ಯ ಚೈವಂ
ಮೂಕೋಽಸ್ಮಿ ತೇಽಂಘ್ರಿಕಮಲಂ ತದತೀವ ಧನ್ಯಮ್ || ೫ ||
ಸ್ತೋತ್ರಂ ಪಾದಾಂಬುಜಸ್ಯೈತಚ್ಛ್ರೀಶಸ್ಯ ವಿಜಿತೇಂದ್ರಿಯಃ |
ಪಠಿತ್ವಾ ತತ್ಪದಂ ಯಾತಿ ಶ್ಲೋಕಾರ್ಥಜ್ಞಸ್ತು ಯೋ ನರಃ || ೬ ||
ಇತಿ ಶ್ರೀ ಮುರಾರಿ ಪಂಚರತ್ನಮ್ ||
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
