Read in తెలుగు / ಕನ್ನಡ / தமிழ் / देवनागरी / English (IAST)
ಸರ್ವೇಂದ್ರಿಯಾಣಾಂ ಪ್ರವರಂ ವಿಷ್ಣೋರಂಶಂ ಚ ಮಾನಸಮ್ |
ತದೇವ ಕರ್ಮಣಾಂ ಬೀಜಂ ತದುದ್ಭವ ನಮೋಽಸ್ತು ತೇ || ೧ ||
ಸ್ವಯಮಾತ್ಮಾ ಹಿ ಭಗವಾನ್ ಜ್ಞಾನರೂಪೋ ಮಹೇಶ್ವರಃ |
ನಮೋ ಬ್ರಹ್ಮನ್ ಜಗತ್ ಸ್ರಷ್ಟಸ್ತದುದ್ಭವ ನಮೋಽಸ್ತು ತೇ || ೨ ||
ಸರ್ವಾಜಿತ ಜಗಜ್ಜೇತರ್ಜೀವಜೀವಮನೋಹರ |
ರತಿಬೀಜ ರತಿಸ್ವಾಮಿನ್ ರತಿಪ್ರಿಯ ನಮೋಽಸ್ತು ತೇ || ೩ ||
ಶಶ್ವದ್ಯೋಷಿದಧಿಷ್ಠಾನ ಯೋಷಿತ್ಪ್ರಾಣಾಧಿಕಪ್ರಿಯಃ |
ಯೋಷಿದ್ವಾಹನ ಯೋಷಾಸ್ತ್ರ ಯೋಷಿದ್ಬಂಧೋ ನಮೋಽಸ್ತು ತೇ || ೪ ||
ಪತಿಸಾಧ್ಯಕರಾಶೇಷರೂಪಾಧಾರ ಗುಣಾಶ್ರಯ |
ಸುಗಂಧಿವಾತಸಚಿವ ಮಧುಮಿತ್ರ ನಮೋಽಸ್ತು ತೇ || ೫ ||
ಶಶ್ವದ್ಯೋನಿಕೃತಾಧಾರ ಸ್ತ್ರೀಸಂದರ್ಶನವರ್ಧನ |
ವಿದಗ್ಧಾನಾಂ ವಿರಹಿಣಾಂ ಪ್ರಾಣಾಂತಕ ನಮೋಽಸ್ತು ತೇ || ೬ ||
ಅಕೃಪಾ ಯೇಷು ತೇಽನರ್ಥಸ್ತೇಷಾಂ ಜ್ಞಾನವಿನಾಶನಮ್ |
ಅನೂಹರೂಪ ಭಕ್ತೇಷು ಕೃಪಾಸಿಂಧೋ ನಮೋಽಸ್ತು ತೇ || ೭ ||
ತಪಸ್ವಿನಾಂ ಚ ತಪಸಾಂ ವಿಘ್ನಬೀಜಾವಲೀಲಯಾ |
ಮನಃ ಸಕಾಮಂ ಮುಕ್ತಾನಾಂ ಕರ್ತುಂ ಶಕ್ತ ನಮೋಽಸ್ತು ತೇ || ೮ ||
ತಪಃ ಸಾಧ್ಯಾಶ್ಚಾಽಽರಾಧ್ಯಾಶ್ಚ ಸದೈವಂ ಪಾಂಚಭೌತಿಕಾಃ |
ಪಂಚೇಂದ್ರಿಯಕೃತಾಧಾರಂ ಪಂಚಬಾಣ ನಮೋಽಸ್ತು ತೇ || ೯ ||
ಮೋಹಿನೀತ್ಯೇವಮುಕ್ತ್ವಾ ತು ಮನಸಾ ಸಾ ವಿಧೇಃ ಪುರಃ |
ವಿರರಾಮ ನಮ್ರವಕ್ತ್ರಾ ಬಭೂವ ಧ್ಯಾನತತ್ಪರಾ || ೧೦ ||
ಉಕ್ತಂ ಮಾಧ್ಯಂದಿನೇ ಕಾಂತೇ ಸ್ತೋತ್ರಮೇತನ್ಮನೋಹರಮ್ |
ಪುರಾ ದುರ್ವಾಸಸಾ ದತ್ತಂ ಮೋಹಿನ್ಯೈ ಗಂಧಮಾದನೇ || ೧೧ ||
ಸ್ತೋತ್ರಮೇತನ್ಮಹಾಪುಣ್ಯಂ ಕಾಮೀ ಭಕ್ತ್ಯಾ ಯದಾ ಪಠೇತ್ |
ಅಭೀಷ್ಟಂ ಲಭತೇ ನೂನಂ ನಿಷ್ಕಳಂಕೋ ಭವೇದ್ಧ್ರುವಮ್ || ೧೨ ||
ಚೇಷ್ಟಾಂ ನ ಕುರುತೇ ಕಾಮಃ ಕದಾಚಿದಪಿ ತಂ ಪ್ರಿಯಮ್ |
ಭವೇದರೋಗೀ ಶ್ರೀಯುಕ್ತಃ ಕಾಮದೇವಸಮಪ್ರಭಃ |
ವನಿತಾಂ ಲಭತೇ ಸಾಧ್ವೀಂ ಪತ್ನೀಂ ತ್ರೈಲೋಕ್ಯಮೋಹಿನೀಮ್ || ೧೩ ||
ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ಶ್ರೀಕೃಷ್ಣಜನ್ಮಖಂಡೇ ಏಕತ್ರಿಂಶೋಽಧ್ಯಾಯೇ ಮೋಹಿನೀಕೃತ ಶ್ರೀ ಕೃಷ್ಣ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಕೃಷ್ಣ ಸ್ತೋತ್ರಗಳು ನೋಡಿ.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
