Sri Krishna Stotram (Mohini Kritam) – శ్రీ కృష్ణ స్తోత్రం (మోహినీ కృతం)


మోహిన్యువాచ –
సర్వేంద్రియాణాం ప్రవరం విష్ణోరంశం చ మానసమ్ |
తదేవ కర్మణాం బీజం తదుద్భవ నమోఽస్తు తే || ౧ ||

స్వయమాత్మా హి భగవాన్ జ్ఞానరూపో మహేశ్వరః |
నమో బ్రహ్మన్ జగత్స్రష్టస్తదుద్భవ నమోఽస్తు తే || ౨ ||

సర్వాజితజగజ్జేత-ర్జీవజీవమనోహర |
రతిబీజ రతిస్వామిన్ రతిప్రియ నమోఽస్తు తే || ౩ ||

శశ్వద్యోషిదధిష్ఠాన యోషిత్ప్రాణాధికప్రియః |
యోషిద్వాహన యోషాస్త్ర యోషిద్బంధో నమోఽస్తు తే || ౪ ||

పతిసాధ్యకరాశేషరూపాధార గుణాశ్రయ |
సుగంధివాతసచివ మధుమిత్ర నమోఽస్తు తే || ౫ ||

శశ్వద్యోనికృతాధార స్త్రీసందర్శనవర్ధన |
విదగ్ధానాం విరహిణాం ప్రాణాంతక నమోఽస్తు తే || ౬ ||

అకృపా యేషు తేఽనర్థం తేషాం జ్ఞానం వినాశనమ్ |
అనూహరూపభక్తేషు కృపాసింధో నమోఽస్తు తే || ౭ ||

తపస్వినాం చ తపసాం విఘ్నబీజాయ లీలయా |
మనస్సకామం ముక్తానాం కర్తుం శక్త నమోఽస్తు తే || ౮ ||

తపస్సాధ్యాస్తథారాధ్యాస్సదైవం పాంచభౌతికాః |
పంచేంద్రియకృతాధార పంచబాణ నమోఽస్తు తే || ౯ ||

మోహినీత్యేవముక్త్వా తు మనసా సా విధేః పురః |
విరరామ నమ్రవక్త్రా బభూవ ధ్యానతత్పరా || ౧౦ ||

ఉక్తం మాధ్యందినే కాలే స్తోత్రమేతన్మనోహరమ్ |
పురా దుర్వాససా దత్తం మోహిన్యై గంధమాదనే || ౧౧ ||

స్తోత్రమేతన్మహాపుణ్యం కామీ భక్త్యా యదా పఠేత్ |
అభీష్టం లభతే నూనం నిష్కళంకో భవేద్ధ్రువమ్ || ౧౨ ||

చేష్టాం న కురుతే కామః కదాచిదపి తం ప్రియమ్ |
భవేదరోగీ శ్రీయుక్తః కామదేవసమప్రభః |
వనితాం లభతే సాధ్వీం పత్నీం త్రైలోక్యమోహినీమ్ || ౧౩ ||

ఇతి మోహినీకృత శ్రీకృష్ణస్తోత్రం |


మరిన్ని శ్రీ కృష్ణ స్తోత్రాలు చూడండి.


గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

స్పందించండి

మీ ఈమెయిలు చిరునామా ప్రచురించబడదు.

error: Not allowed