Read in తెలుగు / ಕನ್ನಡ / தமிழ் / देवनागरी / English (IAST)
ಜಗದಾದಿಮನಾದಿಮಜಂ ಪುರುಷಂ
ಶರದಂಬರತುಲ್ಯತನುಂ ವಿತನುಮ್ |
ಧೃತಕಂಜರಥಾಂಗಗದಂ ವಿಗದಂ
ಪ್ರಣಮಾಮಿ ರಮಾಧಿಪತಿಂ ತಮಹಮ್ || ೧ ||
ಕಮಲಾನನಕಂಜರತಂ ವಿರತಂ
ಹೃದಿ ಯೋಗಿಜನೈಃ ಕಲಿತಂ ಲಲಿತಮ್ |
ಕುಜನೈಃ ಸುಜನೈರಲಭಂ ಸುಲಭಂ
ಪ್ರಣಮಾಮಿ ರಮಾಧಿಪತಿಂ ತಮಹಮ್ || ೨ ||
ಮುನಿಬೃಂದಹೃದಿಸ್ಥಪದಂ ಸುಪದಂ
ನಿಖಿಲಾಧ್ವರಭಾಗಭುಜಂ ಸುಭುಜಮ್ |
ಹೃತವಾಸವಮುಖ್ಯಮದಂ ವಿಮದಂ
ಪ್ರಣಮಾಮಿ ರಮಾಧಿಪತಿಂ ತಮಹಮ್ || ೩ ||
ಹೃತದಾನವದೃಪ್ತಬಲಂ ಸುಬಲಂ
ಸ್ವಜನಾಸ್ತಸಮಸ್ತಮಲಂ ವಿಮಲಮ್ |
ಸಮಪಾಸ್ತ ಗಜೇಂದ್ರದರಂ ಸುದರಂ
ಪ್ರಣಮಾಮಿ ರಮಾಧಿಪತಿಂ ತಮಹಮ್ || ೪ ||
ಪರಿಕಲ್ಪಿತಸರ್ವಕಲಂ ವಿಕಲಂ
ಸಕಲಾಗಮಗೀತಗುಣಂ ವಿಗುಣಮ್ |
ಭವಪಾಶನಿರಾಕರಣಂ ಶರಣಂ
ಪ್ರಣಮಾಮಿ ರಮಾಧಿಪತಿಂ ತಮಹಮ್ || ೫ ||
ಮೃತಿಜನ್ಮಜರಾಶಮನಂ ಕಮನಂ
ಶರಣಾಗತಭೀತಿಹರಂ ದಹರಮ್ |
ಪರಿಪುಷ್ಟಮಹಾಹೃದಯಂ ಸುದಯಂ
ಪ್ರಣಮಾಮಿ ರಮಾಧಿಪತಿಂ ತಮಹಮ್ || ೬ ||
ಸಕಲಾವನಿಬಿಂಬಧರಂ ಸ್ವಧರಂ
ಪರಿಪೂರಿತಸರ್ವದಿಶಂ ಸುದೃಶಮ್ |
ಗತಶೋಕಮಶೋಕಕರಂ ಸುಕರಂ
ಪ್ರಣಮಾಮಿ ರಮಾಧಿಪತಿಂ ತಮಹಮ್ || ೭ ||
ಮಥಿತಾರ್ಣವರಾಜರಸಂ ಸರಸಂ
ಗ್ರಥಿತಾಖಿಲಲೋಕಹೃದಂ ಸುಹೃದಮ್ |
ಪ್ರಥಿತಾದ್ಭುತಶಕ್ತಿಗುಣಂ ಸುಗುಣಂ
ಪ್ರಣಮಾಮಿ ರಮಾಧಿಪತಿಂ ತಮಹಮ್ || ೮ ||
ಸುಖರಾಶಿಕರಂ ಭವಬಂಧಹರಂ
ಪರಮಾಷ್ಟಕಮೇತದನನ್ಯಮತಿಃ |
ಪಠತೀಹ ತು ಯೋಽನಿಶಮೇವ ನರೋ
ಲಭತೇ ಖಲು ವಿಷ್ಣುಪದಂ ಸ ಪರಮ್ || ೯ ||
ಇತಿ ಶ್ರೀಮತ್ಪರಮಹಂಸ ಸ್ವಾಮಿ ಬ್ರಹ್ಮಾನಂದ ವಿರಚಿತಂ ಶ್ರೀ ರಮಾಪತ್ಯಷ್ಟಕಮ್ |
ಇನ್ನಷ್ಟು ಶ್ರೀ ವಿಷ್ಣು ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
