Read in తెలుగు / ಕನ್ನಡ / தமிழ் / देवनागरी / English (IAST)
ಮಹಾಲಕ್ಷ್ಮಿ ಭದ್ರೇ ಪರವ್ಯೋಮವಾಸಿ-
-ನ್ಯನಂತೇ ಸುಷುಮ್ನಾಹ್ವಯೇ ಸೂರಿಜುಷ್ಟೇ |
ಜಯೇ ಸೂರಿತುಷ್ಟೇ ಶರಣ್ಯೇ ಸುಕೀರ್ತೇ
ಪ್ರಸಾದಂ ಪ್ರಪನ್ನೇ ಮಯಿ ತ್ವಂ ಕುರುಷ್ವ || ೧ ||
ಸತಿ ಸ್ವಸ್ತಿ ತೇ ದೇವಿ ಗಾಯತ್ರಿ ಗೌರಿ
ಧ್ರುವೇ ಕಾಮಧೇನೋ ಸುರಾಧೀಶ ವಂದ್ಯೇ |
ಸುನೀತೇ ಸುಪೂರ್ಣೇಂದುಶೀತೇ ಕುಮಾರಿ
ಪ್ರಸಾದಂ ಪ್ರಪನ್ನೇ ಮಯಿ ತ್ವಂ ಕುರುಷ್ವ || ೨ ||
ಸದಾ ಸಿದ್ಧಗಂಧರ್ವಯಕ್ಷೇಶವಿದ್ಯಾ-
-ಧರೈಃ ಸ್ತೂಯಮಾನೇ ರಮೇ ರಾಮರಾಮೇ |
ಪ್ರಶಸ್ತೇ ಸಮಸ್ತಾಮರೀ ಸೇವ್ಯಮಾನೇ
ಪ್ರಸಾದಂ ಪ್ರಪನ್ನೇ ಮಯಿ ತ್ವಂ ಕುರುಷ್ವ || ೩ ||
ದುರಿತೌಘನಿವಾರಣೇ ಪ್ರವೀಣೇ
ಕಮಲೇ ಭಾಸುರಭಾಗಧೇಯ ಲಭ್ಯೇ |
ಪ್ರಣವಪ್ರತಿಪಾದ್ಯವಸ್ತುರೂಪೇ
ಸ್ಫುರಣಾಖ್ಯೇ ಹರಿವಲ್ಲಭೇ ನಮಸ್ತೇ || ೪ ||
ಸಿದ್ಧೇ ಸಾಧ್ಯೇ ಮಂತ್ರಮೂರ್ತೇ ವರೇಣ್ಯೇ
ಗುಪ್ತೇ ದೃಪ್ತೇ ನಿತ್ಯ ಮುದ್ಗೀಥವಿದ್ಯೇ |
ವ್ಯಕ್ತೇ ವಿದ್ವದ್ಭಾವಿತೇ ಭಾವನಾಖ್ಯೇ
ಭದ್ರೇ ಭದ್ರಂ ದೇಹಿ ಮೇ ಸಂಶ್ರಿತಾಯ || ೫ ||
ಸರ್ವಾಧಾರೇ ಸದ್ಗತೇಽಧ್ಯಾತ್ಮವಿದ್ಯೇ
ಭಾವಿನ್ಯಾರ್ತೇ ನಿರ್ವೃತೇಽಧ್ಯಾತ್ಮವಲ್ಲಿ |
ವಿಶ್ವಾಧ್ಯಕ್ಷೇ ಮಂಗಳಾವಾಸಭೂಮೇ
ಭದ್ರೇ ಭದ್ರಂ ದೇಹಿ ಮೇ ಸಂಶ್ರಿತಾಯ || ೬ ||
ಅಮೋಘಸೇವೇ ನಿಜಸದ್ಗುಣೌಘೇ
ವಿದೀಪಿತಾನುಶ್ರವಮೂರ್ಥಭಾಗೇ |
ಅಹೇತುಮೀಮಾಂಸ್ಯ ಮಹಾನುಭಾವೇ
ವಿಲೋಕನೇ ಮಾಂ ವಿಷಯೀ ಕುರುಷ್ವ || ೭ ||
ಉಮಾಶಚೀಕೀರ್ತಿಸರಸ್ವತೀ ಧೀ-
-ಸ್ವಾಹಾದಿನಾನಾವಿಧಶಕ್ತಿಭೇದೇ |
ಅಶೇಷಲೋಕಾಭರಣಸ್ವರೂಪೇ
ವಿಲೋಕನೇ ಮಾಂ ವಿಷಯೀ ಕುರುಷ್ವ || ೮ ||
ಇತ್ಯಹಿರ್ಬುಧ್ನ್ಯಸಂಹಿತಾಯಾಂ ಲಕ್ಷ್ಮ್ಯಷ್ಟಕಮ್ ||
ಇನ್ನಷ್ಟು ಶ್ರೀ ಲಕ್ಷ್ಮೀ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
