Sri Lakshmi Ashtaka Stotram – śrī lakṣmyaṣṭaka stōtram


mahālakṣmi bhadrē paravyōmavāsi-
-nyanantē suṣumnāhvayē sūrijuṣṭē |
jayē sūrituṣṭē śaraṇyē sukīrtē
prasādaṁ prapannē mayi tvaṁ kuruṣva || 1 ||

sati svasti tē dēvi gāyatri gauri
dhruvē kāmadhēnō surādhīśa vandyē |
sunītē supūrṇēnduśītē kumāri
prasādaṁ prapannē mayi tvaṁ kuruṣva || 2 ||

sadā siddhagandharvayakṣēśavidyā-
-dharaiḥ stūyamānē ramē rāmarāmē |
praśastē samastāmarī sēvyamānē
prasādaṁ prapannē mayi tvaṁ kuruṣva || 3 ||

duritaughanivāraṇē pravīṇē
kamalē bhāsurabhāgadhēya labhyē |
praṇavapratipādyavasturūpē
sphuraṇākhyē harivallabhē namastē || 4 ||

siddhē sādhyē mantramūrtē varēṇyē
guptē dr̥ptē nitya mudgīthavidyē |
vyaktē vidvadbhāvitē bhāvanākhyē
bhadrē bhadraṁ dēhi mē saṁśritāya || 5 ||

sarvādhārē sadgatē:’dhyātmavidyē
bhāvinyārtē nirvr̥tē:’dhyātmavalli |
viśvādhyakṣē maṅgalāvāsabhūmē
bhadrē bhadraṁ dēhi mē saṁśritāya || 6 ||

amōghasēvē nijasadguṇaughē
vidīpitānuśravamūrthabhāgē |
ahētumīmāṁsya mahānubhāvē
vilōkanē māṁ viṣayī kuruṣva || 7 ||

umāśacīkīrtisarasvatī dhī-
-svāhādinānāvidhaśaktibhēdē |
aśēṣalōkābharaṇasvarūpē
vilōkanē māṁ viṣayī kuruṣva || 8 ||

ityahirbudhnyasaṁhitāyāṁ lakṣmyaṣṭakam ||


See more śrī lakṣmī stōtrāṇi for chanting.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed