Vyasa Krita Dakshinamurthy Ashtakam – ಶ್ರೀ ದಕ್ಷಿಣಾಮೂರ್ತ್ಯಷ್ಟಕಂ – ೨ (ವ್ಯಾಸ ಕೃತಂ)

ಶ್ರೀವ್ಯಾಸ ಉವಾಚ –
ಶ್ರೀಮದ್ಗುರೋ ನಿಖಿಲವೇದಶಿರೋನಿಗೂಢ
ಬ್ರಹ್ಮಾತ್ಮಬೋಧ ಸುಖಸಾಂದ್ರತನೋ ಮಹಾತ್ಮನ್ |
ಶ್ರೀಕಾಂತವಾಕ್ಪತಿ ಮುಖಾಖಿಲದೇವಸಂಘ
ಸ್ವಾತ್ಮಾವಬೋಧಕ ಪರೇಶ ನಮೋ ನಮಸ್ತೇ || ೧ ||

ಸಾನ್ನಿಧ್ಯಮಾತ್ರಮುಪಲಭ್ಯಸಮಸ್ತಮೇತ-
ದಾಭಾತಿ ಯಸ್ಯ ಜಗದತ್ರ ಚರಾಚರಂ ಚ |
ಚಿನ್ಮಾತ್ರತಾಂ ನಿಜ ಕರಾಂಗುಳಿ ಮುದ್ರಯಾ ಯ-
ಸ್ಸ್ವಸ್ಯಾನಿಶಂ ವದತಿ ನಾಥ ನಮೋ ನಮಸ್ತೇ || ೨ ||

ಜೀವೇಶ್ವರಾದ್ಯಖಿಲಮತ್ರ ವಿಕಾರಜಾತಂ
ಜಾತಂ ಯತಸ್ಸ್ಥಿತಮನಂತಸುಖೇ ಚ ಯಸ್ಮಿನ್ |
ಯೇನೋಪಸಂಹೃತಮಖಂಡಚಿದೇಕಶಕ್ತ್ಯಾ
ಸ್ವಾಭಿನ್ನಯೈವ ಜಗದೀಶ ನಮೋ ನಮಸ್ತೇ || ೩ ||

ಯಸ್ಸ್ವಾಂಶಜೀವಸುಖ ದುಃಖ ಫಲೋಪಭೋಗ-
ಹೇತೋರ್ವಪೂಂಷಿ ವಿವಿಧಾನಿ ಚ ಭೌತಿಕಾನಿ |
ನಿರ್ಮಾಯ ತತ್ರ ವಿಶತಾ ಕರಣೈಸ್ಸಹಾನ್ತೇ
ಜೀವೇನ ಸಾಕ್ಷ್ಯಮತ ಏವ ನಮೋ ನಮಸ್ತೇ || ೪ ||

ಹೃತ್ಪುಂಡರೀಕಗತಚಿನ್ಮಣಿಮಾತ್ಮರೂಪಂ
ಯಸ್ಮಿನ್ ಸಮರ್ಪಯತಿ ಯೋಗಬಲೇನ ವಿದ್ವಾನ್ |
ಯಃ ಪೂರ್ಣಬೋಧಸುಖಲಕ್ಷಣ ಏಕರೂಪ
ಆಕಾಶವದ್ವಿಭುರುಮೇಶ ನಮೋ ನಮಸ್ತೇ || ೫ ||

ಯನ್ಮಾಯಯಾ ಹರಿಹರ ದ್ರುಹಿಣಾ ಬಭೂವು-
ಸ್ಸೃಷ್ಟ್ಯಾದಿಕಾರಿಣ ಇಮೇ ಜಗತಾಮಧೀಶಾಃ |
ಯದ್ವಿದ್ಯಯೈವ ಪರಯಾತ್ರಹಿ ವಶ್ಯಮಾಯಾ
ಸ್ಥೈರ್ಯಂ ಗತಾ ಗುರುವರೇಶ ನಮೋ ನಮಸ್ತೇ || ೬ ||

ಸ್ತ್ರೀಪುಂನಪುಂಸಕಸಮಾಹ್ವಯ ಲಿಂಗಹೀನೋ-
ಽಪ್ಯಾಸ್ತೇತ್ರಿಲಿಂಗಕ ಉಮೇಶತಯಾ ಯ ಏವ |
ಸತ್ಯಪ್ರಬೋಧ ಸುಖರೂಪತಯಾ ತ್ವರೂಪ-
ವತ್ತ್ವೇ ನ ಚ ತ್ರಿಜಗತೀಶ ನಮೋ ನಮಸ್ತೇ || ೭ ||

ಜೀವತ್ರಯಂ ಭ್ರಮತಿ ವೈ ಯದವಿದ್ಯಯೈವ
ಸಂಸಾರಚಕ್ರ ಇಹ ದುಸ್ತರದುಃಖ ಹೇತೌ |
ಯದ್ವಿದ್ಯಯೈವ ನಿಜಬೋಧರತಂ ಸ್ವವಶ್ಯಾ
ವಿದ್ಯಂ ಚ ತದ್ಭವತಿ ಸಾಂಬ ನಮೋ ನಮಸ್ತೇ || ೭ ||

ಇತಿ ಶ್ರೀಗುರುಜ್ಞಾನವಾಸಿಷ್ಠಜ್ಞಾನಕಾಂಡಸ್ಯ ದ್ವಿತೀಯಪಾದೇ ಪ್ರಥಮಾಧ್ಯಾಯೇ ಶ್ರೀವ್ಯಾಸಕೃತ ದಕ್ಷಿಣಾಮೂರ್ತ್ಯಷ್ಟಕಮ್ |


ಇನ್ನಷ್ಟು ಶ್ರೀ ಶಿವ ಸ್ತೋತ್ರಗಳು ನೋಡಿ. ಇನ್ನಷ್ಟು ಶ್ರೀ ದಕ್ಷಿಣಾಮೂರ್ತಿ ಸ್ತೋತ್ರಗಳು ನೋಡಿ.

Facebook Comments

You may also like...

ನಿಮ್ಮದೊಂದು ಉತ್ತರ

ನಿಮ್ಮ ಮಿಂಚಂಚೆ ವಿಳಾಸ ಎಲ್ಲೂ ಪ್ರಕಟವಾಗುವುದಿಲ್ಲ.

error: Not allowed
%d bloggers like this: