Read in తెలుగు / ಕನ್ನಡ / தமிழ் / देवनागरी / English (IAST)
ಅಷ್ಟೋತ್ತರಶತಂ ನಾಮ್ನಾಂ ವಿಷ್ಣೋರತುಲತೇಜಸಃ |
ಯಸ್ಯ ಶ್ರವಣಮಾತ್ರೇಣ ನರೋ ನಾರಾಯಣೋ ಭವೇತ್ || ೧ ||
ವಿಷ್ಣುರ್ಜಿಷ್ಣುರ್ವಷಟ್ಕಾರೋ ದೇವದೇವೋ ವೃಷಾಕಪಿಃ |
ದಾಮೋದರೋ ದೀನಬಂಧುರಾದಿದೇವೋಽದಿತೇಃ ಸುತಃ || ೨ ||
ಪುಂಡರೀಕಃ ಪರಾನಂದಃ ಪರಮಾತ್ಮಾ ಪರಾತ್ಪರಃ |
ಪರಶುಧಾರೀ ವಿಶ್ವಾತ್ಮಾ ಕೃಷ್ಣಃ ಕಲಿಮಲಾಪಹಾ || ೩ ||
ಕೌಸ್ತುಭೋದ್ಭಾಸಿತೋರಸ್ಕೋ ನರೋ ನಾರಾಯಣೋ ಹರಿಃ |
ಹರೋ ಹರಪ್ರಿಯಃ ಸ್ವಾಮೀ ವೈಕುಂಠೋ ವಿಶ್ವತೋಮುಖಃ || ೪ ||
ಹೃಷೀಕೇಶೋಽಪ್ರಮೇಯಾತ್ಮಾ ವರಾಹೋ ಧರಣೀಧರಃ |
ವಾಮನೋ ವೇದವಕ್ತಾ ಚ ವಾಸುದೇವಃ ಸನಾತನಃ || ೫ ||
ರಾಮೋ ವಿರಾಮೋ ವಿರಜೋ ರಾವಣಾರೀ ರಮಾಪತಿಃ |
ವೈಕುಂಠವಾಸೀ ವಸುಮಾನ್ ಧನದೋ ಧರಣೀಧರಃ || ೬ ||
ಧರ್ಮೇಶೋ ಧರಣೀನಾಥೋ ಧ್ಯೇಯೋ ಧರ್ಮಭೃತಾಂವರಃ |
ಸಹಸ್ರಶೀರ್ಷಾ ಪುರುಷಃ ಸಹಸ್ರಾಕ್ಷಃ ಸಹಸ್ರಪಾತ್ || ೭ ||
ಸರ್ವಗಃ ಸರ್ವವಿತ್ಸರ್ವಃ ಶರಣ್ಯಃ ಸಾಧುವಲ್ಲಭಃ |
ಕೌಸಲ್ಯಾನಂದನಃ ಶ್ರೀಮಾನ್ ರಕ್ಷಃಕುಲವಿನಾಶಕಃ || ೮ ||
ಜಗತ್ಕರ್ತಾ ಜಗದ್ಧರ್ತಾ ಜಗಜ್ಜೇತಾ ಜನಾರ್ತಿಹಾ |
ಜಾನಕೀವಲ್ಲಭೋ ದೇವೋ ಜಯರೂಪೋ ಜಲೇಶ್ವರಃ || ೯ ||
ಕ್ಷೀರಾಬ್ಧಿವಾಸೀ ಕ್ಷೀರಾಬ್ಧಿತನಯಾವಲ್ಲಭಸ್ತಥಾ |
ಶೇಷಶಾಯೀ ಪನ್ನಗಾರಿವಾಹನೋ ವಿಷ್ಟರಶ್ರವಃ || ೧೦ ||
ಮಾಧವೋ ಮಥುರಾನಾಥೋ ಮುಕುಂದೋ ಮೋಹನಾಶನಃ |
ದೈತ್ಯಾರಿಃ ಪುಂಡರೀಕಾಕ್ಷೋ ಹ್ಯಚ್ಯುತೋ ಮಧುಸೂದನಃ || ೧೧ ||
ಸೋಮಸೂರ್ಯಾಗ್ನಿನಯನೋ ನೃಸಿಂಹೋ ಭಕ್ತವತ್ಸಲಃ |
ನಿತ್ಯೋ ನಿರಾಮಯಃ ಶುದ್ಧೋ ನರದೇವೋ ಜಗತ್ಪ್ರಭುಃ || ೧೨ ||
ಹಯಗ್ರೀವೋ ಜಿತರಿಪುರುಪೇಂದ್ರೋ ರುಕ್ಮಿಣೀಪತಿಃ |
ಸರ್ವದೇವಮಯಃ ಶ್ರೀಶಃ ಸರ್ವಾಧಾರಃ ಸನಾತನಃ || ೧೩ ||
ಸೌಮ್ಯಃ ಸೌಮ್ಯಪ್ರದಃ ಸ್ರಷ್ಟಾ ವಿಷ್ವಕ್ಸೇನೋ ಜನಾರ್ದನಃ |
ಯಶೋದಾತನಯೋ ಯೋಗೀ ಯೋಗಶಾಸ್ತ್ರಪರಾಯಣಃ || ೧೪ ||
ರುದ್ರಾತ್ಮಕೋ ರುದ್ರಮೂರ್ತಿಃ ರಾಘವೋ ಮಧುಸೂಧನಃ | [ರುದ್ರಸೂದನಃ]
ಇತಿ ತೇ ಕಥಿತಂ ದಿವ್ಯಂ ನಾಮ್ನಾಮಷ್ಟೋತ್ತರಂ ಶತಮ್ || ೧೫ ||
ಸರ್ವಪಾಪಹರಂ ಪುಣ್ಯಂ ವಿಷ್ಣೋರಮಿತತೇಜಸಃ |
ದುಃಖದಾರಿದ್ರ್ಯದೌರ್ಭಾಗ್ಯನಾಶನಂ ಸುಖವರ್ಧನಮ್ || ೧೬ ||
ಸರ್ವಸಂಪತ್ಕರಂ ಸೌಮ್ಯಂ ಮಹಾಪಾತಕನಾಶನಮ್ |
ಪ್ರಾತರುತ್ಥಾಯ ವಿಪೇಂದ್ರ ಪಠೇದೇಕಾಗ್ರಮಾನಸಃ |
ತಸ್ಯ ನಶ್ಯಂತಿ ವಿಪದಾಂ ರಾಶಯಃ ಸಿದ್ಧಿಮಾಪ್ನುಯಾತ್ || ೧೭ ||
ಇತಿ ಶ್ರೀ ವಿಷ್ಣೋರಷ್ಟೋತ್ತರಶತನಾಮ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ವಿಷ್ಣು ಸ್ತೋತ್ರಗಳು ನೋಡಿ.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
