Sri Vishnu Ashtottara Shatanama Stotram – ஶ்ரீ விஷ்ணோரஷ்டோத்தரஶதநாம ஸ்தோத்ரம்

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → ஶ்ரீ விஷ்ணோரஷ்டோத்தரஶதநாம ஸ்தோத்ரம்

அஷ்டோத்தரஶதம் நாம்நாம் விஷ்ணோரதுலதேஜஸ꞉ ।
யஸ்ய ஶ்ரவணமாத்ரேண நரோ நாராயணோ ப⁴வேத் ॥ 1 ॥

விஷ்ணுர்ஜிஷ்ணுர்வஷட்காரோ தே³வதே³வோ வ்ருஷாகபி꞉ ।
தா³மோத³ரோ தீ³நப³ந்து⁴ராதி³தே³வோ(அ)தி³தே꞉ ஸுத꞉ ॥ 2 ॥

புண்ட³ரீக꞉ பராநந்த³꞉ பரமாத்மா பராத்பர꞉ ।
பரஶுதா⁴ரீ விஶ்வாத்மா க்ருஷ்ண꞉ கலிமலாபஹா ॥ 3 ॥

கௌஸ்துபோ⁴த்³பா⁴ஸிதோரஸ்கோ நரோ நாராயணோ ஹரி꞉ ।
ஹரோ ஹரப்ரிய꞉ ஸ்வாமீ வைகுண்டோ² விஶ்வதோமுக²꞉ ॥ 4 ॥

ஹ்ருஷீகேஶோ(அ)ப்ரமேயாத்மா வராஹோ த⁴ரணீத⁴ர꞉ ।
வாமநோ வேத³வக்தா ச வாஸுதே³வ꞉ ஸநாதந꞉ ॥ 5 ॥

ராமோ விராமோ விரஜோ ராவணாரீ ரமாபதி꞉ ।
வைகுண்ட²வாஸீ வஸுமாந் த⁴நதோ³ த⁴ரணீத⁴ர꞉ ॥ 6 ॥

த⁴ர்மேஶோ த⁴ரணீநாதோ² த்⁴யேயோ த⁴ர்மப்⁴ருதாம்வர꞉ ।
ஸஹஸ்ரஶீர்ஷா புருஷ꞉ ஸஹஸ்ராக்ஷ꞉ ஸஹஸ்ரபாத் ॥ 7 ॥

ஸர்வக³꞉ ஸர்வவித்ஸர்வ꞉ ஶரண்ய꞉ ஸாது⁴வல்லப⁴꞉ ।
கௌஸல்யாநந்த³ந꞉ ஶ்ரீமாந் ரக்ஷ꞉குலவிநாஶக꞉ ॥ 8 ॥

ஜக³த்கர்தா ஜக³த்³த⁴ர்தா ஜக³ஜ்ஜேதா ஜநார்திஹா ।
ஜாநகீவல்லபோ⁴ தே³வோ ஜயரூபோ ஜலேஶ்வர꞉ ॥ 9 ॥

க்ஷீராப்³தி⁴வாஸீ க்ஷீராப்³தி⁴தநயாவள்லப⁴ஸ்ததா² ।
ஶேஷஶாயீ பந்நகா³ரிவாஹநோ விஷ்டரஶ்ரவ꞉ ॥ 10 ॥

மாத⁴வோ மது²ராநாதோ² முகுந்தோ³ மோஹநாஶந꞉ ।
தை³த்யாரி꞉ புண்ட³ரீகாக்ஷோ ஹ்யச்யுதோ மது⁴ஸூத³ந꞉ ॥ 11 ॥

ஸோமஸூர்யாக்³நிநயநோ ந்ருஸிம்ஹோ ப⁴க்தவத்ஸல꞉ ।
நித்யோ நிராமய꞉ ஶுத்³தோ⁴ நரதே³வோ ஜக³த்ப்ரபு⁴꞉ ॥ 12 ॥

ஹயக்³ரீவோ ஜிதரிபுருபேந்த்³ரோ ருக்மிணீபதி꞉ ।
ஸர்வதே³வமய꞉ ஶ்ரீஶ꞉ ஸர்வாதா⁴ர꞉ ஸநாதந꞉ ॥ 13 ॥

ஸௌம்ய꞉ ஸௌம்யப்ரத³꞉ ஸ்ரஷ்டா விஷ்வக்ஸேநோ ஜநார்த³ந꞉ ।
யஶோதா³தநயோ யோகீ³ யோக³ஶாஸ்த்ரபராயண꞉ ॥ 14 ॥

ருத்³ராத்மகோ ருத்³ரமூர்தி꞉ ராக⁴வோ மது⁴ஸூத⁴ந꞉ । [ருத்³ரஸூத³ந꞉]
இதி தே கதி²தம் தி³வ்யம் நாம்நாமஷ்டோத்தரம் ஶதம் ॥ 15 ॥

ஸர்வபாபஹரம் புண்யம் விஷ்ணோரமிததேஜஸ꞉ ।
து³꞉க²தா³ரித்³ர்யதௌ³ர்பா⁴க்³யநாஶநம் ஸுக²வர்த⁴நம் ॥ 16 ॥

ஸர்வஸம்பத்கரம் ஸௌம்யம் மஹாபாதகநாஶநம் ।
ப்ராதருத்தா²ய விபேந்த்³ர படே²தே³காக்³ரமாநஸ꞉ ।
தஸ்ய நஶ்யந்தி விபதா³ம் ராஶய꞉ ஸித்³தி⁴மாப்நுயாத் ॥ 17 ॥

இதி ஶ்ரீ விஷ்ணோரஷ்டோத்தரஶதநாம ஸ்தோத்ரம் ॥

---

மேலும் அஷ்டோத்தரஶதநாமாவள்யஃ பார்க்க. மேலும் ஶ்ரீ விஷ்ணு ஸ்தோத்திரங்கள் பார்க்க.

---