Read in తెలుగు / ಕನ್ನಡ / தமிழ் / देवनागरी / English (IAST)
ದೈವತದೈವತ ಮಂಗಲಮಂಗಲ
ಪಾವನಪಾವನ ಕಾರಣಕಾರಣ |
ವೇಂಕಟಭೂಧರಮೌಲಿವಿಭೂಷಣ
ಮಾಧವ ಭೂಧವ ದೇವ ಜಯೀಭವ || ೧ ||
ವಾರಿದಸಂನಿಭದೇಹ ದಯಾಕರ
ಶಾರದನೀರಜಚಾರುವಿಲೋಚನ |
ದೇವಶಿರೋಮಣಿಪಾದಸರೋರುಹ
ವೇಂಕಟಶೈಲಪತೇ ವಿಜಯೀಭವ || ೨ ||
ಅಂಜನಶೈಲನಿವಾಸ ನಿರಂಜನ
ರಂಜಿತಸರ್ವಜನಾಂಜನಮೇಚಕ |
ಮಾಮಭಿಷಿಂಚ ಕೃಪಾಮೃತಶೀತಲ-
-ಶೀಕರವರ್ಷಿದೃಶಾ ಜಗದೀಶ್ವರ || ೩ ||
ವೀತಸಮಾಧಿಕ ಸಾರಗುಣಾಕರ
ಕೇವಲಸತ್ತ್ವತನೋ ಪುರುಷೋತ್ತಮ |
ಭೀಮಭವಾರ್ಣವತಾರಣಕೋವಿದ
ವೇಂಕಟಶೈಲಪತೇ ವಿಜಯೀಭವ || ೪ ||
ಸ್ವಾಮಿಸರೋವರತೀರರಮಾಕೃತ-
-ಕೇಲಿಮಹಾರಸಲಾಲಸಮಾನಸ |
ಸಾರತಪೋಧನಚಿತ್ತನಿಕೇತನ
ವೇಂಕಟಶೈಲಪತೇ ವಿಜಯೀಭವ || ೫ ||
ಆಯುಧಭೂಷಣಕೋಟಿನಿವೇಶಿತ-
-ಶಂಖರಥಾಂಗಜಿತಾಮತಸಂ‍ಮತ |
ಸ್ವೇತರದುರ್ಘಟಸಂಘಟನಕ್ಷಮ
ವೇಂಕಟಶೈಲಪತೇ ವಿಜಯೀಭವ || ೬ ||
ಪಂಕಜನಾನಿಲಯಾಕೃತಿಸೌರಭ-
-ವಾಸಿತಶೈಲವನೋಪವನಾಂತರ |
ಮಂದ್ರಮಹಾಸ್ವನಮಂಗಲನಿರ್ಜ್ಝರ
ವೇಂಕಟಶೈಲಪತೇ ವಿಜಯೀಭವ || ೭ ||
ನಂದಕುಮಾರಕ ಗೋಕುಲಪಾಲಕ
ಗೋಪವಧೂವರ ಕೃಷ್ಣ ಪರಾತ್ಪರ |
ಶ್ರೀವಸುದೇವ ಜನ್ಮಭಯಾಪಹ
ವೇಂಕಟಶೈಲಪತೇ ವಿಜಯೀಭವ || ೮ ||
ಶೈಶವಪಾತಿತಪಾತಕಿಪೂತನ
ಧೇನುಕಕೇಶಿಮುಖಾಸುರಸೂದನ |
ಕಾಲಿಯಮರ್ದನ ಕಂಸನಿರಾಸಕ
ಮೋಹತಮೋಪಹ ಕೃಷ್ಣ ಜಯೀಭವ || ೯ ||
ಪಾಲಿತಸಂಗರ ಭಾಗವತಪ್ರಿಯ
ಸಾರಥಿತಾಹಿತತೋಷಪೃಥಾಸುತ |
ಪಾಂಡವದೂತ ಪರಾಕೃತಭೂಭರ
ಪಾಹಿ ಪರಾವರನಾಥ ಪರಾಯಣ || ೧೦ ||
ಶಾತಮಖಾಸುವಿಭಂಜನಪಾಟವ
ಸತ್ರಿಶಿರಃಖರದೂಷಣದೂಷಣ |
ಶ್ರೀರಘುನಾಯಕ ರಾಮ ರಮಾಸಖ
ವಿಶ್ವಜನೀನ ಹರೇ ವಿಜಯೀಭವ || ೧೧ ||
ರಾಕ್ಷಸಸೋದರಭೀತಿನಿವಾರಕ
ಶಾರದಶೀತಮಯೂಖಮುಖಾಂಬುಜ |
ರಾವಣದಾರುಣವಾರಣದಾರಣ-
-ಕೇಸರಿಪುಂಗವ ದೇವ ಜಯೀಭವ || ೧೨ ||
ಕಾನನವಾನರವೀರವನೇಚರ-
-ಕುಂಜರಸಿಂಹಮೃಗಾದಿಷು ವತ್ಸಲ |
ಶ್ರೀವರಸೂರಿನಿರಸ್ತಭವಾದರ
ವೇಂಕಟಶೈಲಪತೇ ವಿಜಯೀಭವ || ೧೩ ||
ವಾದಿಸಾಧ್ವಸಕೃತ್ಸೂರಿಕಥಿತಂ ಸ್ತವನಂ ಮಹತ್ |
ವೃಷಶೈಲಪತೇಃ ಶ್ರೇಯಸ್ಕಾಮೋ ನಿತ್ಯಂ ಪಠೇತ್ಸುಧೀಃ || ೧೪ ||
ಇತಿ ಶ್ರೀ ವೇಂಕಟೇಶ ವಿಜಯ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ವೇಂಕಟೇಶ್ವರ ಸ್ತೋತ್ರಗಳು ನೋಡಿ.
గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
