Read in తెలుగు / ಕನ್ನಡ / தமிழ் / देवनागरी / English (IAST)
daivatadaivata maṅgalamaṅgala
pāvanapāvana kāraṇakāraṇa |
vēṅkaṭabhūdharamaulivibhūṣaṇa
mādhava bhūdhava dēva jayībhava || 1 ||
vāridasaṁnibhadēha dayākara
śāradanīrajacāruvilōcana |
dēvaśirōmaṇipādasarōruha
vēṅkaṭaśailapatē vijayībhava || 2 ||
añjanaśailanivāsa nirañjana
rañjitasarvajanāñjanamēcaka |
māmabhiṣiñca kr̥pāmr̥taśītala-
-śīkaravarṣidr̥śā jagadīśvara || 3 ||
vītasamādhika sāraguṇākara
kēvalasattvatanō puruṣōttama |
bhīmabhavārṇavatāraṇakōvida
vēṅkaṭaśailapatē vijayībhava || 4 ||
svāmisarōvaratīraramākr̥ta-
-kēlimahārasalālasamānasa |
sāratapōdhanacittanikētana
vēṅkaṭaśailapatē vijayībhava || 5 ||
āyudhabhūṣaṇakōṭinivēśita-
-śaṅkharathāṅgajitāmatasaṁ-mata |
svētaradurghaṭasaṅghaṭanakṣama
vēṅkaṭaśailapatē vijayībhava || 6 ||
paṅkajanānilayākr̥tisaurabha-
-vāsitaśailavanōpavanāntara |
mandramahāsvanamaṅgalanirjjhara
vēṅkaṭaśailapatē vijayībhava || 7 ||
nandakumāraka gōkulapālaka
gōpavadhūvara kr̥ṣṇa parātpara |
śrīvasudēva janmabhayāpaha
vēṅkaṭaśailapatē vijayībhava || 8 ||
śaiśavapātitapātakipūtana
dhēnukakēśimukhāsurasūdana |
kāliyamardana kaṁsanirāsaka
mōhatamōpaha kr̥ṣṇa jayībhava || 9 ||
pālitasaṅgara bhāgavatapriya
sārathitāhitatōṣapr̥thāsuta |
pāṇḍavadūta parākr̥tabhūbhara
pāhi parāvaranātha parāyaṇa || 10 ||
śātamakhāsuvibhañjanapāṭava
satriśiraḥkharadūṣaṇadūṣaṇa |
śrīraghunāyaka rāma ramāsakha
viśvajanīna harē vijayībhava || 11 ||
rākṣasasōdarabhītinivāraka
śāradaśītamayūkhamukhāmbuja |
rāvaṇadāruṇavāraṇadāraṇa-
-kēsaripuṅgava dēva jayībhava || 12 ||
kānanavānaravīravanēcara-
-kuñjarasiṁhamr̥gādiṣu vatsala |
śrīvarasūrinirastabhavādara
vēṅkaṭaśailapatē vijayībhava || 13 ||
vādisādhvasakr̥tsūrikathitaṁ stavanaṁ mahat |
vr̥ṣaśailapatēḥ śrēyaskāmō nityaṁ paṭhētsudhīḥ || 14 ||
iti śrī vēṅkaṭēśa vijaya stōtram |
See more śrī vēṅkaṭēśvara stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
